Рубин Земон, човекот кој го негираше македонскиот идентитет сѐ уште е член на Централниот одбор на СДСМ, реагира ВМРО-ДПМНЕ.

„На Венко Филипче и СДС не може да им се верува за ништо. Рубин Земон кој беше член на Извршниот одбор на СДС пролетва излезе во јавност со тврдење дека Гоце Делчев не направил ништо за Македонија и оти не е важен за македонскиот идентитет. По критиките кон него како член во највисокиот партиски орган, а и критики кон претседателот на СДС Венко Филипче, Земон излезе во јавноста и рече дека се повлекува од ИО на СДС бидејќи не сака да ѝ нанесе штета на партијата. Сега истиот тој Земон беше на седницата на Централниот одбор на СДС која се одржа во четвртокот вечерта. Очигледно се што прават Земон и Филипче е лажење на граѓаните и ништо повеќе“, се наведува во реакцијата на ВМРО-ДПМНЕ.

The post РУБИН ЗЕМОН СЀ УШТЕ СЕДИ ВО ПРВ РЕД ВО СДСМ Нели негаторот на Гоце Делчев се повлече за да не му штети на Филипче? appeared first on plusinfo.mk.

Стигна потврда за она што веќе со недели го говориме, а тоа е соработката на Венко Филипче и на СДС со бугарските власти, со единствена цел – внесување на Бугарите во Уставот, што ќе биде првото од многуте барања кои потоа ќе ги има Бугарија, а се однесуваат на идентитетот, јазикот, културата и историјата, изјави денеска портпарлот на ВМРО-ДПМНЕ Валентин Манасиевски.

– На фотографијата зад мене, го гледаме Рубин Земон, членот на ИО на Филипче, кој вчеравечер и си поднесе оставка од истата функција, кој јасно на бугарски поткаст велеше дека Гоце Делчев е мит и дека не направил ништо за Македонија. Рубин Земон на фотографијата е на средба со Виктор Стојанов од Фондацијата „Македонија“. Станува збор за оспорена невладина организација којашто функционира во Македонија. Фондацијата има за цел ширење бугарска пропаганда во Македонија, а е позната по ксенофобски испади, и гледишта дека македонскиот народ и македонската историја се под бугарска историографија. Или во кратки црти, оваа фондација и нејзиниот претседател велат дека Македонија и Бугарија се еден народ во две држави, како што и велеше врховниот лидер на СДС, Зоран Заев. Оваа коалиција на Венко Филипче и Рубин Земон, односно на СДС со бугарски организации е спремна да го негира македонскиот идентитет, да го оспори нашиот македонски јазик, да ја избрише македонската историја и да ја уништи македонската култура. Ете, со овие луѓе соработува или коалицира уценетиот Венко Филипче и неговата СДС – рече Манасиевски.

Тој додаде дека од свиркачи дознале дека видни членови на СДСМ виделе дека работата е отидена предалеку и дека преку ова не смее да се помине, па му било сугерирано на Филипче да го тргне Рубин Земон од Извршниот одбор за да не му штети на СДСМ, а да продолжи во неговата работа.

– ВМРО-ДПМНЕ заедно со граѓаните нема да дозволи да се случи повторно предавство на македонските национални интереси. Доста е со понижувања, потклекнувања и потчинувања. Време е Македонија да биде горда, исправена и достоинствена – порача Манасиевски.

The post НА ФИЛИПЧЕ МУ БИЛО СУГЕРИРАНО ДА ГО ТРГНЕ ЗЕМОН ОД ИЗВРШНИОТ ОДБОР Свиркачи кажале што се случувало по скандалозната средба appeared first on plusinfo.mk.

Поранешниот градоначалник на Струмица, Костадин Костадинов, ја коментираше оставката на членот на Извршниот одбор на СДСМ Рубин Земон и вели дека овие случувања се чист доказ колку скапо чини играњето кадровски рулет во политиката.

„Денешниве случувања се чист доказ колку скапо чини играњето кадровски рулет во политиката, класично дежа ву на Струмица во предизборието на локалните избори. На СДСМ очајно му треба внатрешна консолидација, а не ад хок комбинаторики“, пишува Костадинов.

Тој нагласува дека нема апсолутно никаква намера да ја навреда личноста или делувањето на неговиот пријател Рубин Земон, туку дека станува збпр за „проблем на стратегијата и принципите а не на поединецот“.

Земон вчера поднесе оставка од Извршниот одбор на СДСМ откако се појави фотографија на која тој е фотографиран во друштво на Виктор Стојанов, претседател на т.н. „Фондација Македонија“, кој има доживотна забрана за влез во Македонија и против кого пред два месеца беше поднесена кривична пријава за ширење говор на омраза кон македонската држава и народ.

Земон во статус на Фејсбук ова го нарече „уште еден координиран напад“ врз него.

„Со мојот син седевме во трговски центар во Софија кога ми пријдоа луѓето, ми кажаа дека ме препознале кој сум и прашаа дали може да седнат со нас на кафе и да направат фотографија. Првично не знаев дека станува збор за луѓе од Фондацијата. Кратко поразговаравме за случувањата во двете земји и тоа беше сѐ“, напиша Земон.

The post КАДРОВСКИОТ РУЛЕТ СКАПО ГО ЧИНИ СДСМ Костадинов бара внатрешна консолидација на партијата appeared first on plusinfo.mk.

„СДСМ и Венко Филипче се откриени во намерите и политиките на сервилност. Случајот со оставката на Земон е доказ дека дури и Филипче сфати дека претера, па Земон мораше да даде оставка за да не го уништел угледот на партијата“ – реагира ВМРО-ДПМНЕ со соопштение.

„Погубната политика која ја води уценетиот Филипче, го доведе да има рејтинг од 3%, партијата му се распаѓа и луѓе му бегаат. Дали Венко Филипче се оградува од ставовите на членот на ИО Рубин Земон, кој тврдеше дека Гоце Делчев не направил ништо за Македонија и не е битен за македонскиот идентитет?

Земон даде скандалозни изјави за Гоце Делчев, за кои потоа мораше да се извинува, а беше објавена негова фотографија од средба со истакнати антимакедонски активисти во Софија, за која тој вели дека била случајна. Филипче е опкружен со луѓе, на кои не им сметаат предавничките политики и навредите кон Македонија.

Филипче не гледа проблем во тоа великанот Гоце Делчев да е Бугарин, исто како што немаа проблем со тоа и Стево Пендаровски, Рубин Земон и луѓето во околината на Филипче. Со мекотелните политики, Филипче им дава простор на бугарските власти да не уценуваат и да велат дека има мала група на политичари во Македонија која ќе им ги исполни нивните барања“ – се вели во соопштението на ВМРО-ДПМНЕ.

The post РУБИН ЗЕМОН И ВЕНКО ФИЛИПЧЕ ОДРАБОТУВААТ ЗА БУГАРИЈА Тие се главни промотори на бугарските позиции во Македонија appeared first on plusinfo.mk.

Рубин Земон, член на Извршниот одбор на СДСМ, кој се најде на удар на јавни критики поради скандалозните изјави на сметка на македонскиот револуционер Гоце Делчев, а неодамна беше објавена негова фотографија во друштво со истакнати антимакедонски активисти во Софија, реши да се повлече од партиската функција.

„Сакајќи да го заштитам угледот на СДСМ од непринципелните напади кон мене, а со тоа не бирајќи средства да го инволвираат и моето семејство, а со цел да не бидам терет на борбата на партијата кон уривањето на оваа власт, поднесувам оставка од местото член ИО на СДСМ“ – напиша Земон на својот профил на Фејсбук.

Претходно, Виктор Стојанов, претседател на т.н. „Фондација Македонија“, кој има доживотна забрана за влез во Македонија и против кого пред два месеца беше поднесена кривична пријава за ширење говор на омраза кон македонската држава и народ, објави на Фејсбук фотографија и информација за средбата со Земон.

„На неофицијална средба со Рубин Земон, дел од раководството на опозицискиот СДСМ и претставник на Египќаните во Република Македонија. На режимот на Мицкоски ќе му се спротивстават мнозинството граѓани на државата, а ние од Европската Унија ќе им дадеме поддршка: во име на европската иднина на Македонија и децата таму“, пишува во објавата.

Објавата за кратко време беше тргната, но македоснките медиуми ја снимија и објавија за средбата.

Земон во статус на Фејсбук ова го нарече „уште еден координиран напад“ врз него. Македонските медиуми, кои ја објавија веста, тој ги нарекува „курурци“, кои овојпат, според него, биле во координација со „Фондација Македонија“ од Бугарија.

Тој вели дека средбата со луѓето од „Фондација Македонија“ била случајна, а тој отпрво не знаел за кои луѓе станува збор.

„Со мојот син седевме во трговски центар во Софија кога ми пријдоа луѓето, ми кажаа дека ме препознале кој сум и прашаа дали може да седнат со нас на кафе и да направат фотографија. Првично не знаев дека станува збор за луѓе од Фондацијата. Кратко поразговаравме за случувањата во двете земји и тоа беше сѐ“ – вели Земон

Средбата предизвика остри реакции во јавноста, особено поради спорните ставови и минатите активности на Стојанов, но и поради претходните изјави на Земон. Тој изјави дека „Гоце Делчев ништо не напишал во животот, ниедна битка не извојувал никаде, а кај нас од него е направен мит“. По оваа изјава, Земон се извини, тврдејќи дека бил погрешно разбран.

РУБИН ЗЕМОН СЕ СРЕТНАЛ СО ВИКТОР СТОЈАНОВ КОМУ МУ Е ЗАБРАНЕТ ВЛЕЗ ВО МАКЕДОНИЈА Членот на Централниот одбор на СДСМ седи со човек што го негира македонскиот народ

The post РУБИН ЗЕМОН СЕ ПОВЛЕЧЕ ОД ИЗВРШНИОТ ОДБОР НА СДСМ „Сакам да го заштитам угледот на партијата“ appeared first on plusinfo.mk.

Рубин Земон, член на Централниот одбор на СДСМ, се сретнал со бугарскиот државјанин Виктор Стојанов, претседател на т.н. „Фондација Македонија“, кој има доживотна забрана за влез во Македонија и против кого пред два месеца беше поднесена кривична пријава за ширење говор на омраза кон македонската држава и народ.

За средбата објави самата Фондација на социјалните мрежи.

„На неофицијална средба со Рубин Земон, дел од раководството на опозицискиот СДСМ и претставник на Египќаните во Република Македонија. На режимот на Мицкоски ќе му се спротивстават мнозинството граѓани на државата, а ние од Европската Унија ќе им дадеме поддршка: во име на европската иднина на Македонија и децата таму“, пишува во објавата.

Средбата предизвика остри реакции во јавноста, особено поради спорните ставови и минатите активности на Стојанов, но и поради претходните изјави на Земон. Тој изјави дека „Гоце Делчев ништо не напишал во животот, ниедна битка не извојувал никаде, а кај нас е мит направен“. По оваа изјава, Земон се извини, тврдејќи дека бил погрешно разбран.

Против Виктор Стојанов беше поднесена кривична пријава за ширење расистички и ксенофобичен материјал преку компјутерски систем. Од Агенцијата за национална безбедност тогаш соопштија дека пријавата следува по информации за субверзивно-пропагандни активности насочени кон поттикнување етничка и национална омраза.

Според Обвинителството, Стојанов преку специјално креирана Фејсбук-страница споделувал содржини со кои поттикнувал национална и етничка омраза и дискриминација. Во истрагата бил одземен и пропаганден материјал наменет за дистрибуција во Македонија.

Стојанов и претходно беше во центарот на вниманието. Пред три години тој упати закани кон Македонците од Пустец, предупредувајќи дека доколку не се попишат како Бугари на пописот во Албанија, ќе им бидат одземени бугарските пасоши.

The post РУБИН ЗЕМОН СЕ СРЕТНАЛ СО ВИКТОР СТОЈАНОВ КОМУ МУ Е ЗАБРАНЕТ ВЛЕЗ ВО МАКЕДОНИЈА Членот на Централниот одбор на СДСМ седи со човек што го негира македонскиот народ appeared first on plusinfo.mk.

Членот на Централниот комитет на ВМРО-ДПМНЕ, Валентин Манасиевски, денеска на прес-конференција упати остри критики кон опозициската СДСМ и нејзиниот лидер Венко Филипче, обвинувајќи ги дека нивните ставови постојано биле демантирани од европски институции и претставници.

– СДСМ се претставуваат како проевропска опција, а сè што ќе кажат постојано е демантирано од европски институции или од европратеници – изјави Манасиевски.

Тој додаде дека, според него, „проевропска опција“ е само етикета која СДСМ и Филипче ја користат за да ги оправдаат своите политички одлуки од минатото.

– Проевропска опција е етикета која СДСМ и Венко Филипче сами си ја налепуваат само за да даваат лажни оправдувања за сите национални предавства кои ги направија додека беа на власт – рече тој.

Во своето обраќање, Манасиевски се осврна и на изјави на поранешниот функционер на СДСМ и член на Извршниот одбор, Рубин Земон, кој според него изнел ставови со кои се релативизира значењето на Гоце Делчев.

– Додека Венко Филипче говори за национални интереси, неговиот сопартиец и член на ИО, Рубин Земон, јавно изјави дека Гоце Делчев е небитен и дека е мит, со што директно ја релативизираше неговата улога – изјави Манасиевски.

Тој оцени дека ваквите ставови покажуваат дека, како што рече, за дел од СДСМ „едни од темелите на македонската државност се небитни“.

Манасиевски се осврна и на, како што рече, „лажни информации“ поврзани со изјави на европратеникот и известувач за Македонија во Европскиот парламент, Томас Вајц, кои, според него, биле веднаш демантирани.

– Исто така, и лагата која ја ширеа за изјавата на европратеникот Томас Вајц, за која тој самиот веднаш демантираше, заклучи дека Македонија има голем напредок во Реформската агенда – рече тој.

Во обраќањето беше спомната и програмата ИПАРД, за која Манасиевски тврди дека биле ширени неточни информации.

– Да не ја заборавиме и паниката, хаосот и хистеријата која ја ширеа за средствата од ИПАРД програмата, која исто така беше демантирана во известување од страна на Европската комисија – додаде тој.

На крајот, Манасиевски порача дека, според него, СДСМ и понатаму користи исти методи на политичко делување.

– Ваков е проевропски СДСМ. Се служи со лаги, манипулации и спинување на изјави на европратеници и ги омаловажува националните херои. СДСМ на чело со Венко Филипче е истиот СДСМ на чело со Зоран Заев – заклучи Манасиевски.

The post ФИЛИПЧЕ ВОДИ „ЛАЖНА ПРОЕВРОПСКА АГЕНДА“ Европа го демантира, тврди ВМРО-ДПМНЕ appeared first on plusinfo.mk.

Пратеничката Славјанка Петровска од СДСМ се огради од изјавата на членот на Извршниот одбор на СДСМ Рубин Земон во која тој го оспори делото на Гоце Делчев.

„Како член на СДСМ и како почитувач на темелните вредности се оградувам од секоја помисла за доведување во прашање на значењето на Великанот и неговиот влог во слободата што ја живееме денес. Почитта кон Гоце Делчев не е прашање на дневна политика. Таа е прашање на достоинство, историска свест и одговорност кон генерациите што доаѓаат. Му се поклонувам на Великанот Гоце Делчев, кому му се поклонуваат државници од целиот свет“, напиша Петровска.

Во продолжение целата објава на Петровска од нејзиниот профил на Фејсбук:

„Гоце Делчев не е само историска личност од нашето минато, туку жива морална и национална вертикала врз која се темели македонската државотворна свест. Неговиот лик и неговото дело се длабоко вградени во колективната меморија на македонскиот народ, во нашата борба за слобода, правда и самобитност.

СДСМ е партија што својата идеолошка и политичка традиција ја гради врз темелите на АСНОМ, антифашистичката борба и непоколебливата определба за заштита на македонскиот идентитет, јазик и историска посебност. Тие вредности не смеат да бидат предмет на компромис, ниту пак со било какво дејствување да бидат доведени во прашање од позиции во рамки на партиските органи.

Верувам дека е време сите, со одговорност и зрелост, да се навратиме на суштината: кои се вредностите што ги застапуваме, кого претставуваме и каква политичка порака испраќаме кон граѓаните. Не е доволно само декларативно да се повикуваме на нашите историски корени, ако во пракса не покажуваме доследност кон нив.

Како член на СДСМ и како почитувач на темелните вредности се оградувам од секоја помисла за доведување во прашање на значењето на Великанот и неговиот влог во слободата што ја живееме денес.

Почитта кон Гоце Делчев не е прашање на дневна политика. Таа е прашање на достоинство, историска свест и одговорност кон генерациите што доаѓаат.

Му се поклонувам на Великанот Гоце Делчев, кому му се поклонуваат државници од целиот свет.

И повторно, загрижено ќе напишам: Ако не се промениме, ќе исчезнеме!“

The post СЛАВЈАНКА ПЕТРОВСКА СЕ ОГРАДИ ОД РУБИН ЗЕМОН И ОД СДСМ ЗА ГОЦЕ ДЕЛЧЕВ „Му се поклонувам на Великанот, кому му се поклонуваат државници од целиот свет“ appeared first on plusinfo.mk.

Рубин Земон е поранешен пратеник од редовите на СДСМ, а денес член на Извршниот одбор на СДСМ, највисокиот орган во партијата – уште еден од „новите“ лица и новата енергија на Венко Филипче, соопшти ВМРО-ДПМНЕ.

„Или, деновиве познат во јавноста, како член на ИО на СДСМ кој изјави дека Гоце Делчев е небитна тема кога се зборува за историјата на државата. СДСМ и Венко Филипче веќе не се ни трудат да кријат. Член на Извршен одбор на СДСМ, Рубин Земон, лично поставен од Филипче, јавно изјави дека расправата за македонскиот идентитет е непотребна, дека бугарскиот идентитет во Македонија треба да се либерализира, а за Гоце Делчев, без срам вели дека е мит, дека не напишал ништо, дека не извојувал ниедна битка“, реагира ВМРО-ДПМНЕ.

Пред целата македонска јавност секој ден испорачуваат нови докази дека не им е гајле за Македонија, ни за македонскиот идентитет, ни за македонскиот народ и воопшто не се срамат од тоа, додава ВМРО-ДПМНЕ.

„Член на Извршен одбор на СДСМ отворено ја релативизираше улогата на Гоце Делчев и се обиде да ја сведе на небитна тема. Од СДСМ нема реакција. И не може да има реакција, кога лидерот на СДСМ изјавува дека е подготвен да ги спроведе уставните измени, без никаква гаранција дека тоа ќе биде последното барање на Бугарија на европскиот пат на Македонија“, се вели во соопштението.

Ова, се додава, за Филипче е безусловна подготвеност, како да станува збор за некоја административна формалност, а не за идентитетот и иднината на Македонија и на македонскиот народ.

„Значи, Рубин Земон би го избришал Гоце Делчев од историјата, а Венко Филипче ќе спроведе уставни измени, без услови, без гаранции и без никакви црвени линии. Како може Филипче да зборува за национални интереси, а од друга страна да им дава легитимитет и високи партиски позиции на луѓе кои го негираат постоењето на македонскиот народ“, прашува ВМРО-ДПМНЕ.

The post СЕКОЈ ДЕН ДОКАЖУВААТ ДЕКА НЕ ИМ Е ГАЈЛЕ ЗА МАКЕДОНИЈА Рубин Земон од СДСМ го негира Гоце Делчев, СДСМ си молчи appeared first on plusinfo.mk.

ВМРО-ДПМНЕ остро ја осудува изјавата на другарот на Зоран Заев и на Венко Филипче, Рубин Земон, кој јавно и без срам вели дека Гоце Делчев е мит, дека не извојувал ниедна битка и дека не напишал ништо што денес е од важност, рече Валентин Манасиевски од ИК на ВМРО-ДПМНЕ.

– Членот на ИО на Филипче и на Заев, Рубин Земон, тврди дека Гоце Делчев не направил ништо за Македонија и не е битен за македонскиот идентитет. Директорот на Центарот за напредни истражувања на СДСМ и сегашен член на ИО, Рубин Земон, кој, исто така, е и поранешен посебен советник во Владата предводена од Зоран Заев, јавно на социјалните медиуми вели не му е толку важно она што го има направено Гоце Делчев за Македонија и не му е јасно зошто толку македонскиот народ му се восхитува – вели Манасиевски.

По ова, додаде тој, јасно се гледа дека на СДСМ воопшто не им е гајле ниту за Македонија, ниту за македонскиот идентитет, ниту за македонскиот народ.

– Очигледно е дека ова не е личен став само на Филипче, туку ова е образец на СДСМ и ова е тоа околу што СДСМ постојано гравитира – релативизација на македонскиот идентитет, отстапки без гаранции и целосна рамнодушност кон она за што генерации Македонци се бореле и се жртвувале – рече Манасиевски.

Во еден поткаст Земон, кој е и поранешен пратеник, рече дека многумина други се заслужни за македонскиот идентитет, ама не и Гоце Делчев, од кого е направен мит.

– Не му е јасно за Гоце Делчев, ништо не напишал во животот, ниту една битка не извојувал никаде, а направен е мит од него. Требаат аргументи и докази. Која книга Гоце Делчев ја напишал? Што напишал човекот? Каде војувал? – рече Земон.

The post 🎥 ВМРО-ДПМНЕ ОСТРО ГО ОСУДИ СТАВОТ НА ЗЕМОН ДЕКА ГОЦЕ ДЕЛЧЕВ Е НЕБИТЕН ЗА МАКЕДОНСКИОТ ИДЕНТИТЕТ Другарот на Заев и на Филипче го прикажа образецот на СДСМ appeared first on plusinfo.mk.