Франција ќе испрати војници, радари и одбранбени системи во Саудиска Арабија за да го заштити Јанбу – клучниот саудиски нафтен центар на брегот на Црвеното Море, најави францускиот претседател Емануел Макрон.

Тој нагласи дека француското присуство ќе има исклучиво одбранбена цел и дека Париз нема намера да се вклучи во поширокиот конфликт на Блискиот Исток.

– Не за да учествуваме во каков било конфликт, туку за да го заштитиме овој објект – рече Макрон во телевизиско интервју.

Јанбу се наоѓа на западниот брег на Саудиска Арабија, на Црвеното Море, и претставува една од главните извозни точки за саудиската нафта. Во градот има големи рафинерии, складишта и нафтени терминали, а таму завршува и нафтоводот Исток–Запад, познат како „Petroline“. Долг е околу 1.200 километри и ги поврзува нафтените полиња во источниот дел на кралството со Јанбу, овозможувајќи Саудиска Арабија да извезува нафта преку Црвеното Море без да се потпира целосно на транспортот низ стратешкиот теснец Ормус.

Стратешкото значење на Јанбу дополнително порасна откако војната во Иран и безбедносната криза во регионот го нарушија транспортот низ Ормускиот Теснец. Последните недели објектите во Јанбу и нафтоводот Исток–Запад беа погодени од напади со ракети и со дронови, а Саудиска Арабија извести и за пресретнати балистички ракети насочени кон Јанбу и други цели.

Токму поради ризикот од нови ракетни и дронски напади, Макрон најави распоредување француски воени капацитети за заштита на енергетската инфраструктура.

Францускиот претседател засега не соопшти колку војници ќе бидат испратени, ниту кои конкретни системи за воздушна одбрана ќе бидат распоредени.

СВЕТСКА КРИЗА НА ПОВИДОК ОТКАКО САУДИСКА АРАБИЈА ГО ЗАТВОРИ КЛУЧНИОТ НАФТОВОД ПОРАДИ НАПАД Ријад сардисан од сите страни

The post ФРАНЦИЈА ЌЕ ИСПРАТИ ВОЈСКА И РАДАРИ ВО САУДИСКА АРАБИЈА Ќе го чуваат клучниот саудиски нафтовод од ракетите на Хутите appeared first on plusinfo.mk.

Саудиска Арабија се соочува со нов сериозен проблем среде војната меѓу САД и Иран – клучниот нафтовод Исток-Запад е привремено затворен по нападите со беспилотни летала за кои саудиските власти велат дека дошле од Ирак.

Саудиското Министерство за енергетика објави дека нафтоводот бил цел на неколку напади во четвртокот и дека неговата работа е суспендирана „како мерка на претпазливост“. Во исто време, се проценува безбедноста на целиот систем и се утврдува обемот на штетата.

Сè уште не е познато кој ги извршил нападите, ниту дали самиот нафтовод бил директно оштетен. Двајца американски претставници запознаени со случајот изјавија дека биле погодени пумпни станици по должината на трасата.

Сателитските снимки ги прикажуваат последиците од нападот, вклучувајќи големи облаци од црн чад над одредени локации. Едно видео покажува поголем пожар на пумпната станица, додека другото покажува помал пожар со густ чад што се шири.

Саудиското Министерство за надворешни работи изјави дека нападот е извршен со употреба на неколку дронови и дека штетата се санира.

Ријад одлучи засега да не реагира на нападот, оставајќи простор на ирачките власти да истражат и да одговорат.

Багдад подоцна го осуди нападот и рече дека наредил итна истрага за одговорните. Ирачката влада нагласи дека нема да дозволи нејзината територија или воздушен простор да се користат за напади врз Саудиска Арабија.

„Ирачката влада ги осудува нападите насочени против братското Кралство Саудиска Арабија и потврдува дека отфрла секаков напад што ја загрозува безбедноста и стабилноста на Кралството или ги нарушува длабоко вкоренетите братски односи меѓу двете земји“, се вели во соопштението.

Нападот се случи во особено чувствително време за саудиската енергетска инфраструктура. Нафтоводот Исток-Запад стана клучен откако војната меѓу САД и Иран практично го запре нормалниот извоз преку Персискиот Залив.

Саудиска Арабија пренасочуваше околу 5 милиони барели нафта дневно преку нафтоводот до пристаништето Јанбу на Црвеното Море. Токму затоа нападот врз пумпните станици добива дополнителна тежина. Доколку штетата е посериозна и бара подолг период за рехабилитација, Ријад ќе се соочи со дополнителни проблеми при пласирањето на својата нафта на светскиот пазар.

Ситуацијата е уште покомплицирана поради Хутите, кои, според извештаите, ја зајакнаа својата позиција покрај Црвеното Море и се приближија до контрола на клучниот премин Баб ел Мандеб. Хутите, кои се поддржани од Иран претходно се заканија дека ќе нападнат саудиски бродови кои ќе се обидат да ја користат оваа рута.

Ова значи дека за Саудиска Арабија, двата важни извозни правци се под притисок истовремено – и Персискиот Залив и рутата низ Црвеното Море.

Нападот се случи во време кога цените на нафтата веќе надминаа 100 долари за барел.

Засега нема конечна проценка колку време ќе траат поправките или кога системот би можел целосно да се обнови.

Дополнителен притисок е фактот што Саудиска Арабија му соопшти на ОПЕК дека нејзиното производство на сурова нафта нагло падна минатиот месец, достигнувајќи го најниското ниво од 1990 година.

Експертите предупредуваат дека проиранските милитантни групи во Ирак имаат историја на напади со беспилотни летала врз саудиски цели. Во меѓувреме, ирачките безбедносни власти соопштија дека затвориле неколку гранични премини како мерка на претпазливост поради најновите случувања.

Нападот врз нафтоводот дополнително ја комплицира енергетската ситуација во регионот, во време кога глобалниот пазар е веќе под притисок поради прекини во снабдувањето и зголемената опасност од ширење на конфликтот на клучните енергетски и поморски патишта.

The post СВЕТСКА КРИЗА НА ПОВИДОК ОТКАКО САУДИСКА АРАБИЈА ГО ЗАТВОРИ КЛУЧНИОТ НАФТОВОД ПОРАДИ НАПАД Ријад сардисан од сите страни appeared first on plusinfo.mk.

Американскиот претседател Доналд Трамп денеска изјави дека Иран веројатно е одговорен за воздушниот напад врз Саудиска Арабија, поради кој беше затворен нафтоводот Исток-Запад, една од главните рути на кралството за извоз на сурова нафта што овозможува заобиколување на Ормуската Теснина.

– Мислам дека се тие, веројатно се тие – им рече Трамп на новинарите во Даблин, одговарајќи на прашањето дали Иран стои зад нападот врз клучниот нафтовод.

Американскиот претседател додаде дека јеменските Хути, кои се поврзани со Иран, контактирале со неговата администрација и дале до знаење дека не сакаат Соединетите Американски Држави директно да се вклучат во конфликтот.

– Тие многу повеќе би сакале ние да не бидеме вклучени. Тие ги пропуштаат повеќето бродови. Постои само една земја со која не се баш задоволни, а тоа ќе го решиме –  нагласи Трамп.

Тој исто така соопшти дека за целата ситуација разговарал со саудискиот престолонаследник Мохамед бин Салман, кого го опиша како свој „добар пријател“.

The post САУДИСКА АРАБИЈА ОСТАНА БЕЗ КЛУЧЕН НАФТОВОД Трамп уверен дека Иран стои зад воздушниот напад appeared first on plusinfo.mk.

Канада ќе изгради нафтовод за снабдување на Азија со еден милион барели сурова нафта дневно. Нафтоводот би бил долг повеќе од илјада километри од западниот брег на Британска Колумбија до пацифичкиот брег.

Изградбата на нафтоводот треба да почне во септември следната година.

– Канада има можност што се пружа еднаш во животот. Можност што ќе ја одреди нашата иднина – изјави канадскиот премиер Марк Карни.

Нафтоводот е дел од напорите на Карни да ја намали зависноста од американскиот пазар, каде што Канада продава три четвртини од своите стоки и услуги, а претходно најави дека двојно ќе ја зголеми трговијата со други земји. Канада речиси целата своја нафта ја извезува во САД односно 60 проценти од американскиот увоз на нафта, околу четири милиони барели дневно.

The post КАНАДА ЌЕ ГРАДИ НАФТОВОД ОД 1.000 КИЛОМЕТРИ Ќе ја снабдува Азија со милион барели дневно appeared first on plusinfo.mk.

Словачка од изутринава повторно почна да добива сурова нафта преку нафтоводот „Дружба“, соопшти Министерството за економија во Братислава.

„Министерството за економија информира дека во 2:00 часот утрово повторно е воспоставен дотокот нафта во Словачка преку нафтоводот ‘Дружба’“, се наведува во соопштението.

Нафтоводот „Дружба“ стана една од инфраструктурните постројки во Европа со силно политичко значење, откако во јануари беа запрени испораките руска нафта за Унгарија и Словачка. Протокот на нафта низ украинскиот дел од системот беше обновен вчера, по што Унгарија го повлече ветото на заемот на ЕУ од 90 милијарди евра за Украина.

Киев соопшти дека прекинот на испореките бил неопходен поради поправки на нафтоводот, додека Унгарија и Словачка ја обвинија Украина за намерно одолговлекување на повторното отворање.

Будимпешта и Братислава и натаму зависат од руска нафта и гас и настојуваат да ги одржат испораките, и покрај напорите на Европската унија да го намали увозот руски енергенси по инвазијата на Москва врз Украина во 2022 година.

The post ПОТЕЧЕ НАФТА ПО ЦЕВКОВОДОТ „ДРУЖБА“ Обновени испораките за Словачка appeared first on plusinfo.mk.

Петер Маѓар, победникот на неодамнешните избори во Унгарија, кој стави крај на 16-годишното владеење на Виктор Орбан, отворено изрази сомнеж дека инцидентот со пронајдениот експлозив кај гасоводот „Турски тек“ во Србија бил операција под „лажно знаме“, темпирана токму за изборната кампања.

Маѓар најави дека неговата идна влада детално ќе истражи дали навистина постоела реална опасност или целиот случај бил искористен за политичко влијание пред гласањето во Унгарија. Тој отиде и чекор подалеку, алудирајќи на руско влијание во регионот, изјавувајќи дека точно знае каква е поврзаноста меѓу Орбан, словачкиот премиер Роберт Фицо и српскиот претседател Александар Вучиќ, како и дека „отприлика знае кој е кумот“ зад тие односи. Во европските дипломатски кругови, ова веднаш беше протолкувано како директна алузија на Владимир Путин.

Реакцијата од Белград беше брза и остра. Српскиот претседател Александар Вучиќ јавно го повика Маѓар да ги презентира доказите.

– Ајде, кажи кој стои зад тоа, кој кумува – му возврати Вучиќ, оценувајќи дека новиот унгарски лидер само нагаѓа и нема поим што зборува. Вучиќ додаде дека неговите изјави би ги нарекол уште понеодговорни „или глупави“, доколку не водел сметка за добрососедските односи и унгарското малцинство во Србија.

Српскиот претседател најави дека истрагата ќе биде завршена транспарентно и дека наодите ќе докажат оти Маѓар се базира на гласини, а не на факти. Според него, истрагата утврдила многу работи.

– Ќе продолжиме и ќе ја завршиме истрагата на многу професионален начин, со која Маѓар нема апсолутно никаква врска, но ќе го информираме и ќе му укажеме дека грешел кога брборел за тоа како некој нешто наместил на изборите. Верувам дека во наредниот период ќе разговараме и ќе можеме да си кажеме што мислиме еден на друг во лице – рече Вучиќ во гостувањето на Дневник 2 на РТС.

Случајот започна на 5 април, кога српските власти открија две торби со силен експлозив и детонатори кај Кањижа, во близина на „Турски тек“. Виктор Орбан веднаш свика итен совет за одбрана, претставувајќи го инцидентот како обид за саботажа. Но, уште тогаш, дел од безбедносните аналитичари и унгарската опозиција предупредија на сомнителниот тајминг на настанот.

Аналитичарите оценуваат дека овој судир покажува оти регионот влегува во нова политичка ера, каде старите сојузништва на оската Орбан-Вучиќ-Фицо ќе бидат ставени под силна лупа, а руското влијание на Балканот ќе биде подложено на строг ревизионизам.

The post „ЗНАМ КОЈ ВИ БЕШЕ КУМОТ ВО ВРСКАТА СО ОРБАН“ Новиот премиер на Унгарија го разлути Вучиќ appeared first on plusinfo.mk.

Словачката разузнавачка служба тврди дека на 27 јануари не е предизвикана штета на нафтоводот „Дружба“ во Украина, што би го спречило транспортот на нафта до Словачка и Унгарија, изјави денеска портпаролката на службата, Наталија Холубова.

Според словачката разузнавачка служба, разузнавачките податоци се потврдени со сателитски снимки од местото на инцидентот.

Словачката разузнавачка служба наведува дека сателитските снимки ги потврдуваат тврдењата на претставници на словачката Влада дека „застојот во транспортот на нафта до територијата на Словачка е од политичка, а не од техничка природа“.

Снимките се направени на 21 февруари и 1 март.

„(Снимките) исто така покажуваат дека од оштетувањето на резервоарот за гориво не дошло до промена состојбата на објектот, што значи дека украинската страна речиси сигурно не направила никакви поправки, а на терен нема видливи траги од обиди за санирање на штетата“, додаде Холубова.

Нафтата од Русија престана да тече преку нафтоводот „Дружба“ кон Унгарија и Словачка на 27 јануари. Украина тврди дека причината е руски напад врз нафтената инфраструктура во градот Броди во регионот Лавов.

Унгарскиот премиер Виктор Орбан и словачкиот премиер Роберт Фицо се сомневаат дека Киев ја користи ситуацијата за политички притисок и мешање во унгарската изборна кампања. Украина ги отфрла обвинувањата и тврди дека работи на санирање на оштетената инфраструктура.

The post НАФТОВОДОТ „ДРУЖБА“ НЕ Е ОШТЕТЕН, ПРЕКИНОТ Е ОД ПОЛИТИЧКИ ПРИЧИНИ Словачка се повикува на сателитски снимки и ја обвинува Украина appeared first on plusinfo.mk.

Унгарија размислува да го прекине извозот на електрична енергија и гас во Украина ако Киев продолжи да не испорачува нафта за Будимпешта преку нафтоводот „Дружба“, изјави на денешниот брифинг шефот на кабинет на премиерот Виктор Орбан, Гергели Гуљас.

Тој посочи и дека владата на Унгарија на барање на рафинеријата МОЛ отстапи стратешки нафтени резерви.

Унгарија и Словачка се единствените земји членки на Европската Унија чии рафинерии користат руска нафта доставена преку нафтоводот „Дружба“. Но, испораката на нафта беше прекината на 27 јануари откога Украина извести дека нафтоводот е оштетен при руски напад со дронови.

И владата на Словачка вчера одобри заем од 250.000 тони од државните нафтени резерви.

Унгарија и Словачка ја обвинуваат Украина дека ја пролонгира испораката на нафта поради политички причини и вчера најавија стопирање на извозот на дизел во Киев.

Гуљас посочи дека Унгарија и Словачка ги координираат евентуалните мерки против Украина.

– Ќе има и понатамошни противмерки ако владата на Украина не ја смени својата одлука и продолжи да ја стопира испораката на нафта преку „Дружба“ – посочи Гуљас.

Тој ги повтори обвинувањата дека Украина се обидува да влијае врз парламентарните изборите во Унгарија, што се закажани на 12 април.

Унгарија и Словачка учествуваа со 68 отсто во увозот на електрична енергија во Украина овој месец, според податоците од консултантската компанија „Експро“ (ExPro) со седиште во Киев. Унгарија, исто така учествува со речиси една третина од тековниот увоз на гас во Украина, според податоците на украинскиот операторот за транзит на гас.

The post „ДРУЖБА“ СОСЕМА ИМ ЈА РАСИПА ДРУЖБАТА Унгарија ќе го запре извозот на струја и на гас за Украина? appeared first on plusinfo.mk.

Рускиот цевковод „Колцевој“, долг 400 километри и клучен за снабдување на армијата со гориво, бил погоден во координиран напад на украинската воена разузнавачка служба. Целта била да се прекине протокот на бензин, дизел и млазно гориво што од рафинериите во Рјазан, Нижни Новгород и Москва оди кон воените бази, тврди „Киев Индепендент“.

Според соопштението на службата, нападот бил изведен на 31 октомври, во близина на округот Раменски, југоисточно од Москва. И покрај системите против беспилотни летала и вооруженото обезбедување, цевководот бил целосно оневозможен.

„Гасоводот Прстен може да транспортира до 3 милиони тони млазно гориво годишно, како и милиони тони дизел и бензин“, соопшти службата ХУР, оценувајќи го ударот како „сериозен удар врз руската воена логистика“.

Шефот на украинската разузнавачка служба Кирил Буданов нагласи дека „ефектот на нападите е поголем од сите досегашни санкции“.

– Со директна акција, предизвикавме многу поголема штета на Руската Федерација отколку сите санкции воведени досега – изјави Буданов.

Dne 31. října 2025 byla v důsledku speciální operace HUR Ministerstva obrany Ukrajiny v ramenském okrese Moskevské oblasti poškozena všechna tři potrubí produktovodu „Koltsevoj“, kterým byl přepravován benzin, nafta a letecké palivo. Operace připravila agresora o pic.twitter.com/eyC6VBoghR

— Filantrop_Group (@FGroup_CZE) November 1, 2025

Руското Министерство за одбрана реагирало на нападот. Според министерството, во текот на ноќта биле пресретнати 98 украински дронови во десет региони, меѓу кои и 11 над московската област.

„Шест беспилотни летала се движеле кон главниот град“, соопшти руската страна, пренесе „Медуза“.

Овој напад, според аналитичари, претставува една од најдлабоките украински операции во руска територија од почетокот на војната. Ако системот „Колцевој“ остане нефункционален, руската армија ќе мора да користи железнички и камионски резервни линии, што драстично ќе ја забави испораката на гориво на фронтот.

The post 📽️ ПОГОДЕНА Е КЛУЧНА НАФТЕНА АРТЕРИЈА НА МОСКВА? Многу поштетен удар од санкциите, тврдат украинските служби appeared first on plusinfo.mk.

Хрватска ја искористува војната во Украина за воено профитерство, унгарскиот министер за надворешни работи Петер Сијарто пред Генералното собрание на Обединетите Нации, на што подоцна доби одговор од Хрватска.

– Хрватите нè искористуваат. Петпати ја зголемија таксата за транзит преку нафтоводот (ЈАНАФ) од почетокот на војната. Тоа е воена доплата. Тоа е профитерство – изјави унгарскиот министер во обраќањето во ОН предупредувајќи дека, како што вели, владата на Унгарија нема да дозволи нивната алчност да ги уништи резултатите од намалувањето на режиските трошоци.

Сијарто дури и изрази сомнеж дека нафтоводот може долгорочно да обезбедува сигурна испорака.

– Тестот на 17 септември покажа дека ЈАНАФ не може да поднесе континуирано снабдување под висок притисок. Тоа е ризик и неодговорност – додаде тој.

Унгарија и Словачка, без пристап до море, се зависни од ЈАНАФ за алтернативна испорака на нафта, со оглед дека директното снабдување од Русија е сè поограничено. Меѓусебното обвинување доаѓа во време кога американскиот претседател Доналд Трамп ги повика европските сојузници да не купуваат руски енергенси, нешто на што Унгарија јавно се спротивстави.

Хрватскиот премиер Андреј Пленковиќ возврати на обвинувањата на Сијарто на следниот начин:

– Со огорченост ја отфрлам лажната теза дека Хрватска е воен профитер. Напротив, Хрватска е добар и чесен сосед – нагласи тој.

Пленковиќ објасни дека ЈАНАФ има капацитети за транспорт до 15 милиони тони нафта и дека тоа е тестирано.

– Нашата задача, по руската агресија, е да обезбедиме енергетска сигурност за ЕУ. Хрватска тоа го прави и за Унгарија и Словачка – изјави тој.

Според првиот човек на хрватскатаа влада, алузиите за профитерство се опасни дезинформации:

– Прво, Хрватска не користи руска нафта од 2022 година. Второ, Унгарија сè уште добива поевтина руска енергија. Ако некој профитира, тоа е Унгарија – рече Пленковиќ.

Хрватска, тврди Пленковиќ, станала регионален енергетски центар токму поради своите напори за солидарност и инфраструктурна подготвеност, а не поради „воена алчност“.

The post „ХРВАТИТЕ ПЕТПАТИ НИ ЈА ЗГОЛЕМИЈА ТАКСАТА ЗА НАФТОВОДОТ“ Сијарто се пожали, доби одговор од Пленковиќ appeared first on plusinfo.mk.