Поранешниот претседател на Фудбалската федерација на Македонија, Мухамед Сејдини е пуштен од притвор, откако приложил гаранција над милион евра.

„Судија на претходна постапка при Основниот кривичен суд Скопје, постапувајќи по предлог на одбраната на осомничениот М.С., поранешен претседател на Фудбалската федерација на Македонија, донесе решение со кое ја прифати понудената гаранција во износ од над 1.150.000 евра, која се состои од засновање хипотека врз недвижен имот и ја укина мерката притвор. Истовремено, заради обезбедување на присуството на осомничениот во понатамошниот тек на постапката, Судот определи мерка на претпазливост – одземање на патната исправа“, соопшти Кривичниот суд.

По предлог на Основното јавно обвинителство Скопје, додава Судот, на 24.4.2026 година на осомничениот му беше определена мерка притвор во траење од 30 дена, поради опасност од бегство и опасност дека ќе ја попречува истрагата со влијание врз сведоци.

„Мерката притвор подоцна беше продолжена со решение на Кривичниот совет, а поради постоење основано сомнение дека сторил кривично дело Проневера во службата, од член 354 став 3 од Кривичниот законик. По поднесениот предлог за укинување на мерката притвор со определување гаранција и добиено позитивно мислење од Јавниот обвинител, судијата на претходна постапка донесе решение со кое го уважи предлогот и ја прифати понудената гаранција, а со оглед дека против решението не беше изјавена жалба, истото стана правосилно, по што осомничениот е пуштен да се брани од слобода“, соопшти Кривичниот суд.

СЕ БАРА ПРИТВОР ЗА ЃОРЃИОСКИ, СЕЈДИНИ ВЕЌЕ Е ЗАД РЕШЕТКИ Обвинителството откри детали од истрагата за ФФМ

The post СЕЈДИНИ ПОНУДИЛ ГАРАНЦИЈА НАД МИЛИОН ЕВРА, СУДОТ ЈА ПРИФАТИЛ Поранешниот претседател на ФФМ пуштен од притвор appeared first on plusinfo.mk.

Претседателот на ГРОМ и поранешен градоначалник на Општина Карпош, Стевче Јакимовски, доброволно заминал на издржување на затворската казна во траење од шест и пол месеци, информираа од партијата.

Од ГРОМ наведуваат дека Јакимовски сам се пријавил за издржување на казната, која му беше изречена со правосилна судска пресуда.

Партијата во соопштението изразува незадоволство од пресудата, оценувајќи дека казната е донесена поради поставување две времени бараки во кои, како што наведуваат, Општина Карпош функционирала 13 години. Според нив, со користењето на тие објекти општината заштедила околу 1,5 милиони евра средства кои во спротивно би биле потрошени за закуп на деловен простор.

Во соопштението ГРОМ упатува критики и кон правосудниот систем, тврдејќи дека пресудата е неправедна и селективна. Од партијата посочуваат и дека не била земена предвид здравствената состојба на Јакимовски, наведувајќи дека тој е онколошки пациент и неодамна бил подложен на оперативен зафат.

Јакимовски ќе ја издржува затворската казна од шест и пол месеци согласно правосилната судска одлука.

The post СТЕВЧЕ ЈАКИМОВСКИ ДОБРОВОЛНО ВЛЕЗЕ ВО ЗАТВОР Екс-градоначалникот ќе ја издржува казната од шест и пол месеци appeared first on plusinfo.mk.

Поранешниот премиер Никола Груевски доби ослободителни пресуди во предметите „Талир 1“ и  „Талир 2“, со што по речиси една деценија се затвораат едни од најекспонираните случаи поврзани со финансирањето на ВМРО-ДПМНЕ. Претходно падна и предметот „Талир 1“, во кој Груевски беше обвинет за незаконско финансирање на партијата. И во тој случај Основниот кривичен суд донесе ослободителна пресуда.

Судот оцени дека обвинителството не успеало да ги докаже обвиненијата надвор од разумно сомневање, а беше одбиено и барањето за конфискација на партиското седиште.

Во „Талир 2“, Основниот кривичен суд Скопје го ослободи Груевски од обвинението за злоупотреба на службената положба поврзана со изградбата на седиштето на ВМРО-ДПМНЕ. Партијата воопшто не беше обвинета во оваа постапка, а се бараше конфискација на нејзиниот имот.

Судот образложи дека по измените на Кривичниот законик од 2023 година, обвинението било изменето. Според судот, обвинителството не успеало да докаже дека делото било сторено со „пречекорување на овластувањата“ и „неизвршување на службената должност“, како што бара новата законска формулација.

„Законот за изменување и дополнување на КЗ, објавен во Сл.в.бр.188/23, беше извршена промена во инкриминираните дејствија, кои го содржат битието на предметното кривично дело – Злоупотреба на службената положба и овластување, според кој, “искористувањето” како дејствие на извршување беше декриминализирано, а како последица на тоа беше извршена и измена на обвинението, па така “искористувањето” беше заменето со “пречекорување на овластувањата и неизвршување на службената должност” како дејствија  на сторување на делото, а покрај тоа беше вметната и “намерата” како посебен субјективен елемент на делото. И покрај ваквите наизглед минорни измени, кои се состојат во само 2 елементи на битието на делото, сепак истите од правно-релевантен аспект суштински го менуваат обвинението. Меѓутоа, обвинението сепак остана да се заснова на истите докази, од кои беа утврдувани фактите како и при претходно поставената изрека на обвинението, а останаа и истите заклучоци и истата теорија на обвинението, сублимирани на ист начин и во завршните зборови на застапникот на обвинението“, соопшти Основниот кривичен суд Скопје.

Судијката Даниела Алексовска при објавата на пресудата посочи дека во случајот морале да се земат предвид измените на Кривичниот законик од 2023 година, поради кои претходно беше укината првостепената пресуда.

– Иако беа направени измени на обвинението промени во доказите и фактите изнесени пред судот немаше. Судот цени дека обвинителството не докажа надвор од разумно сомневање дека обвинетиот Никола Груевски сторил пречекорување на службената должност – изјави Алексовска.

Во оваа ситуација Судот, посочи таа, во целост го прифатил ставот на Апелацискиот суд, а тоа е дека измените на КЗ се во директна корист на обвинетиот.

– Во оваа прилика, судот ќе истакне дека со секоја пресуда се испраќа одредена порака до поблиската и пошироката јавност. Во конкретниот случај, пораката е следна: ​Ваквата ослободителна пресуда е исклучиво резултат на донесување на Законот за изменување и дополнување на Кривичниот законик во 2023 година, а како директна последица на која што беше и укинувањето на првостепената пресуда во овој предмет, како што тоа го констатира Апелациониот суд Скопје во второстепената одлука во овој предмет. ​Судот ќе истакне дека, и покрај тоа што оваа пресуда е сосема различна од претходно донесената во конкретниот предмет, сепак, анализата и оценката на доказите, утврдените факти и заклучоците изведени од страна на судот останаа непроменети. Така што, при постоење на истите докази, врз основа на кои судот претходно утврди дека е сторено предметното кривично дело со ‘искористување на службената положба и овластување’, цени дека при постоење на истите тие докази, не се докажа надвор од разумно сомневање дека делото е сторено со друг вид на дејствија, односно со ‘пречекорување на овластувањата’ и со ‘неизвршување на службената должност’.

Таа додаде:

– ​И како последно, но од најбитно значење за пошироката јавност е дека судот останува конзистентен во одлучувањето, во анализата и оценката на доказите, како и фактите кои произлегуваат од истите, на кои исклучиво ги темели своите одлуки, бидејќи само на тој начин може да се гарантира правото на правна сигурност на граѓаните во чие име судот ги носи своите пресуди.

На објавата во судницата во Основниот кривичен суд Скопје присутни беа адвокатите по службена должност на екс премиерот Никола Груевски, Петар Тимовски и на ВМРО-ДПМНЕ, Кристина Маневска, како и претставникот на партијата, адвокатката Љубица Николовска.

Трошоците за судската постапка паѓаат на Буџетот на државата, а Судот го одби и предлогот на Обвинителството за конфискација на седиштето на ВМРО-ДПМНЕ.

Пресудата е неправосилна и странките имаат право на жалба пред повисоките судови.

Во април годинава, предметот „Талир 2“ го презема обвинителот Кристијан Смилевски од ОЈО Скопје, откако обвинителката Ленче Ристовска си поднесе оставка.

Апелациониот суд Скопје во јануари 2024 година поради измените на Кривичниот законик во делот на кривичното дело од член 353 од КЗ, ја укина првостепената пресуда за случајот „Талир 2“ и предметот го врати на повторно судење пред првостепениот суд. Застареност настапи за делото „злоупотреба на службената положба“ на поранешниот генерален секретар на Владата Кирил Божиновски, а гонењето продолжи за експремиерот Никола Груевски и партијата ВМРО-ДПМНЕ.

The post ПАДНА МОНТИРАНИОТ ПОЛИТИЧКИ СЛУЧАЈ ПРОТИВ ВМРО-ДПМНЕ Ослободителна пресуда за „Талир“ appeared first on plusinfo.mk.

Апелациониот суд Скопје ја одби жалбата на Стојанче Јовановски, кој беше првостепено осуден дека ја навел сопругата Ивана Јовановска на самоубиство.

„Апелациониот суд Скопје во интерес на јавноста и медиумите информира дека, постапувајќи по кривичниот предмет КЖ-549/26, по одржана јавна седница на 18.6.2026 година, донесе пресуда со која ја одби како неоснована жалбата на обвинетиот Стојанче Јовановски од Скопје и ја потврди пресудата на Основниот кривичен суд Скопје К.бр.551/26 од 7.5.2026 година“ соопшти Апелациониот суд.

Од Судот најавуваат дека ќе биде објавена целата одлука.

На 2 март Ивана Јовановска се фрли од 6. кат во скопската населба Тафталиџе, понесувајќи ја во смрт и 6-годишната ќерка Катја.

Кривичниот суд во мај го прогласи за виновен обвинетиот Стојанче Јовановски и му изрече максимална казна затвор во траење од 12 години за трите кривични дела поврзани со континуирано семејно насилство кое резултираше со трагична смрт на неговата сопруга и нивната малолетна ќерка.

Судот го осуди Јовановски за 3 кривични дела, односно, 5 години затвор за Телесна повреда, 3 години за Загрозување на сигурноста и 5 години затвор за Наведување на самоубиство и помагање во самоубиство. Сите три дела се споени во вкупна затворска казна од 12 години.

Според пресудата, на 2 март, во периодот од 11 до 12:20 часот, на повеќе локации, обвинетиот со умисла вршел семејно насилство и телесно ја повредил својата сопруга Ивана. Истиот ден, меѓу 12:45 и 13:35 часот, тој продолжил со насилството, сериозно ѝ се заканувал и ѝ предизвикал чувство на несигурност и страв.

Во судската постапка е утврдено дека во периодот од 2023 до 2026 година, на повеќе локации во Скопје, како и во нивниот дом, обвинетиот сурово и нечовечно постапувал кон оштетената, која се наоѓала во материјална зависност од него.

Ваквото континуирано насилство кај оштетената предизвикало тешка психичка вознемиреност и чувство на безизлезност. Како директна последица на тоа, таа извршила самоубиство, скокајќи од тераса заедно со нивната ќерка.

The post ПОТВРДЕНА ПРЕСУДАТА ОД 12 ГОДИНИ ЗАТВОР ЗА СТОЈАНЧЕ ЈОВАНОВ Апелација му ја одби жалбата, ќе одговара за самоубиството на сопругата Ивана appeared first on plusinfo.mk.

Форензичари на МВР потврдија дека ДНК и отпечатоци од обвинетиот апелациски судија Ѓоко Ристов се пронајдени на алуминиумските фолии во кои биле завиткани 350.000 евра, кои беа соѕидани во домот на неговите родители.

На денешното судење во Кривичниот суд форензичарите кажаа дека трагите ги пронашле на две од вкупно 13 парчиња фолија што ги испитувале. Проверките не откриле отпечатоци од родителите на судијата Ристов.

Вештаците ги објаснуваа анализите на биолошките и дактилоскопските траги пронајдени на алуминиумска фолија во која биле завиткани парите. Иако ДНК трагите се совпаѓаат, отпечатоците од прсти не се совпаднале со оние на Ристов и неговите родители, при што од вештаците беше појаснето дека од ваков материјал тешко се добиваат употребливи отпечатоци.

Обвинителката Искра Хаџи Василева оцени дека самото присуство на биолошки траги е значаен доказ во постапката.

– Секој обичен правник и кој било граѓанин знае дека биолошките материјали, како што објаснуваа и вештите лица, се подложни на контаминација, крос контаминација, но, ако најдете биолошки траги на некој материјал, тоа значи дека тие, просто постојат.  Без
оглед дали постојат и други или трети, но овие постојат, а во конкретниот случај тие потекнуваат од обвинетиот Ѓоко Ристо – изјави по рочиштето обвинителката Искра Хаџи Василева од ЈО за гонење организиран криминал и корупција.

Одбраната на Ристов вели дека можеби се манипулирало со доказите и го оспорува начинот на прибирањето, чувањето
и вештачењето на доказите. Алуминиумските фолии во кои биле завиткани парите прво биле сместени во сеф на МВР, потоа предадени на Агенцијата за одземен имот, па дури потоа форензичарите барале траги кај фолиите.

– Парите се извадени од истите кеси, предадени на Агенцијата за управување со одземен имот, па е наредено вештачење по
завршување на истрага и земени биолошки траги и дадено на вештачење кое е направено на 8 април. Вам не ви е сомнително во тие 80 денови да се отвора доказниот материјал, никој не знае што е и како е запечатен после тоа и вештачени се парченца од алуминиумска фолија, ама не и парите? А овде зборуваме за 350.000 евра најдени во ѕид. Ви кажа вештакот од дактилоскопија дека му се доставени парчиња од алуминиумска фолија, а видовте на снимките дека се тоа цели алуминиумски фолии. Кој решил кое парче ќе биде доставено – изјави Ѕвонко Давидовиќ, адвокат на обвинетиот Ристов.

На минатото рочиште беа покажани снимки од ѕидот каде биле пронајдени парите, а на прашањето од полицијата кој го користи катот од куќата во Неготино, таткото на судијата кажал дека просторот го употребува неговиот син Ѓоко судијата.

Судењето продолжува на 14 јули кога ќе биде презентирана комуникација од телефонот на Ристов.

Ѓоко Ристов е обвинет за перење пари и прикривање имот, откако при претрес во семејната куќа во Неготино беа
пронајдени 350.000 евра сокриени зад кујнски плочки.

Во меѓувреме, додека трае судењето, тој е оддалечен од судиската фунција, но сè уште зема плата од скопскиот апелационен суд.

The post ДНК И ОТПЕЧАТОЦИ НА СУДИЈАТА РИСТОВ ИМА НА ФОЛИИТЕ ВО КОИ БИЛЕ ЗАВИТКАНИ СОЅИДАНИТЕ 350.000 ЕВРА Одбраната се сомнева дека доказите се манипулирани appeared first on plusinfo.mk.

Издржувањето казна затвор за поранешниот градоначалник на Карпош, Стевчо Јакимовски, кој на 2 јули требаше да влезе во затворот „Скопје“ во Шуто Оризари, засега се одлага, информираа од Кривичниот суд.

Имено, Јакимовски побара одложување на издржувањето на затворската казна поради здравствени причини. Од Кривичниот суд соопштија дека влегувањето во затвор се одложува додека не се донесе одлука по ова барање. Судијата за извршување санкции ја побарал медицинската документација на Јакимовски, за да може да пресече.

„Судијата за извршување санкции по приемот на барањето веднаш пристапил кон проверка на приложената медицинска документација. До двете приватни здравствени установи, кои ја издале документацијата поднесени се барања за проверка на 15.06.2026 како и ургенција на 26.06.2026 година, по кои барања сè уште се чека одговор, како би можел да донесе соодветна одлука“, велат од Судот.

Неодамна од Кривичниот суд информираа дека со пресуда на Апелација, поранешниот градоначалник на општина Карпош, Стевчо Јакимовски, правосилно е осуден на една година затвор за изградбата на општинската зграда.

Сепак ова не значи дека Јакимовски токму една година ќе помине зад решетки, бидејќи во казната му се пресметува и времето од пет месеци кое го помина во притвор.

The post ОДЛОЖЕНА ЗАТВОРСКАТА КАЗНА ЗА СТЕВЧЕ ЈАКИМОВСКИ Судот разгледува медицинска документација приложена во барање за одложување appeared first on plusinfo.mk.

Опожарувачот на возилата на бугарската амбасада во Скопје доби осумдневен притвор. Основниот кривичен суд ја прифати мерката предложената од надлежниот обвинител за 44-годишниот скопјанец.

Претходно, обвинителството објави дека отворило истражна постапка за скопјанецот кој е осомничен дека предизвикал општа опасност, дело од член 288 од Кривичниот законик.

Скопската полиција утринава објави дека е поднесена и кривична пријава против И.Д.С.(44) и дека случајот е расчистен. Тој го признал делото.

Македонската Влада најостро го осуди „вандалскиот и недозволив чин на опожарување на возила со дипломатски статус“ во непосредна близина на Амбасадата на Република Бугарија во Скопје.

Инцидентот го осуди и Министерството за надворешни работи на Бугарија, со зборовите „резултат на агресивен политички говор и поттикнување омраза, упатувајќи критики за недоволен институционален одговор во претходни случаи“.

Според соопштението од ОЈО Скопје, осомничениот на 15 јуни излегол од дома, се качил во автобус и дошол во Центар, па од бензинската пумпа во близина на бугарската амбасада наполнил бензин во пластично шише.

Потоа ја преминал улицата и се доближил до двете паркирани дипломатски возила во сопственост на Амбасадата кои ги полеал со бензинот и ги запалил со запалка. Веднаш откако го предизвикал опожарувањето го напуштил местото на настанот.

The post ОСУМДНЕВЕН ПРИТВОР ЗА СКОПЈАНЕЦОТ КОЈ ОПОЖАРИ ВОЗИЛА НА БУГАРСКАТА АМБАСАДА Судот ја прифати мерката предлжена од обвинителството appeared first on plusinfo.mk.

 Жалбата на 30-дневниот притвор за поранешниот директор на Царинската управа Стефан Богоев во петокот е доставена до обвинителството и јавниот обвинител кое сè уште нема дадено мислење, информираат денеска од Основниот кривичен суд Скопје.

-По комплетирање на списите, судија на претходна постапка, предметот ќе го достави до кривичниот совет на одлучување – посочуваат од Кривичен.

Богоев во средата попладне беше спроведен во Основниот кривичен суд во Скопје, каде што беше изведен пред судија на претходна постапка по барањето од ОЈО ГОКК за определување мерка притвор за него и за уште три лица поради постоење основано сомнение за злоупотреба на постапката за јавна набавка за примање и давање поткуп.

По нивното произнесување пред судија на претходна постапка при Основниот кривичен суд Скопје во присуство на бранител, судот донесе решенија со кои: предлогот за определување мерки притвор против С. Б., Д. Г., А. С. и С. М. се прифаќа и на сите им се определува мерка притвор во траење од 30 дена. Мерката, како што информираа од Кривичен, е определена поради постоење на основите од член 165 став 1 т. 1 и т. 2 од ЗКП.

Обвинителството, претходно соопшти дека на осомничените им се ставаат на товар кривичните дела злоупотреба на постапката за јавен повик, доделување договор за јавна набавка или јавно-приватно партнерство, примање награда за противзаконито влијание и давање награда за противзаконито влијание.

-Постои основано сомнение дека во периодот од јули 2023 до март 2024 година осомничените ја изиграле постапката за доделување договори за јавна набавка за надворешно одржување хигиена на гранични премини и терминали, при што преку фаворизирање одреден економски оператор и ограничување на конкуренцијата му овозможиле на правниот субјект да стекне противправна имотна корист во износ од 18.479.692 денари – соопштија од ЈОРСМ.

Според обезбедените докази, првоосомничениот, користејќи ги својата службена положба и влијание како директор на Царинската управа влијаел врз спроведувањето на тендерската постапка во корист на избраниот понудувач, а второосомничениот, во својство на помошник-директор, влијаел врз други економски оператори да не учествуваат во завршната фаза од постапката.

Во рамките на истрагата Обвинителството информира дека обезбедени се докази и за примање и давање награда за противзаконито влијание, при што првоосомничениот примил награда во износ од 111.600 денари за искористување на својата службена положба и реално влијание.

The post ОБВИНИТЕЛСТВОТО СЀ УШТЕ НЕ ДАЛО МИСЛЕЊЕ ЗА ЖАЛБАТА НА СТЕФАН БОГОЕВ Кривичниот совет без тоа не може да донесе одлука appeared first on plusinfo.mk.

Апелациониот судија Ѓоко Ристов, кому истражителите му најдоа 350.000 евра скриени во ѕид во домот на неговите родители во Неготино, денеска на почетокот на судскиот процес во Кривичниот суд се изјасни како невин за кривичните дела што му се ставаат на товар.

– Не се чувствувам виновен ниту за првото, ниту за второто кривично дело со оглед на правната квалификација – изјави Ристов пред судот.

Обвинителката Искра Хаџи Василева, пак, тврди дека  рече дека Ристов свесно презел дејствија спротивно на одговорноста на која го повикува судската тога. Обвинителството, како што беше кажано, ќе докажува дека Ристов како судија во Апелационен суд, дал лажни податоци за својата имотна состојба, а ќе се докажува и за прикривање на податоци за имотот на обвинетиот. Ќе се докажува дека Ристов го користел делот од куќата каде биле најдени парите, кои биле криени, според обвинението, зад кујнски елементи.

Обвинетиот, за кого беше кажано дека е женет, татко на две деца, рече дека разбрал што му се става на товар, но, не се чувствува виновен ниту за првото, ниту за второто. Ристов нагласи и дека за перење пари мора да има кривично дело од кое потекнуваат тие пари.

Од одбраната на Ристов, во судницата денеска беа присутни бранителите Ѕвонко Давидовиќ и Душко Јанковиќ. Давидовиќ, меѓу другото, рече дека одбраната во текот на оваа постапка ќе се судри со теоријата на Обвинителството наречена „ѕидовите зборуваат, а доказите молчат“. Тој наведе дека за среќа, чувствата во судница не зборуваат, туку зборува ладнокрвноста на доказите.

– Мојот клиент со децении професионално ја извршувал својата професија и пред да се појави во судницата, во јавноста веќе беше осуден – додаде бранителот во неговиот говор во судницата.

Ниту еден доказ, како што подвлече тој, не ги поврзувал Ристов и неговата функција.

Давидовиќ рече дека во текот на постапката, одбраната на судот ќе му докаже за легалното потекло на имотот на родителите на обвинетиот. Според одбраната, легалните докази ќе покажат дека неговите родители легално го спечалиле овој имот.

Давидовиќ рече и дека неосновано е поврзувањето на парите со обвинетиот.

На 17 април, Јавното обвинителство на Репбулика Северна Македонија соопшти дека биле преземени повеќе дејствија и претреси, при кои на 18.01.2026 година во дом на родители на судија во Неготино, пронајдени биле вкупно 350.000 евра за чие потекло, тој немал доказ и не ги пријавил.

„Парите беа пронајдени спакувани во 13 поединечни пакувања, и тоа вкупно 610 банкноти во апоени од по 500 евра и 225 банкноти во апоени од по 200 евра, од кои дел со обележани рачно испишани износи на средствата, скриени во заѕидан простор во шуплините од цигли во ѕидот на една од собите. Ова предизвика основано сомнение дека овој осомничен во периодот од 10.02.2020 година, како службено лице судија во Апелациониот суд Скопје, спротивно на законската должност за пријавување на имотна состојба или нејзина промена давал лажни податоци за својот имот и имотот на неговото семејство и не пријавил имот, кој во големи размери ги надминува неговите законски приходи“, објави ЈО.

Притоа Обвинителството информираше дека од поведувањето на постапката, јавниот обвинител презел повеќе дејствија, со кои обезбедил цврсти докази во однос на сопственоста на паричните средства.

Судскиот процес го води судијката Билјана Коцевска.

Следното рочиште е на 9 јуни.

The post СУДИЈАТА РИСТОВ НЕГИРА ВИНА ЗА СОЅИДАНИТЕ 350.000 ЕВРА Одбраната ќе докажува дека парите ги стекнале неговите родители appeared first on plusinfo.mk.

Освен забраната за патување, тој има и обврска повремено да се јавува кај службено лице, забрана за издавање нови патни исправи, како и забрана за преминување на државната граница. Исти мерки му се изречени и на второосомничениот во случајот – судски администратор.

Случајот го отвори Основното јавно обвинителство за гонење организиран криминал и корупција, а двајцата се гонат за кривично дело „примање награда за противзаконито влијание“. Според информациите од Кривичниот суд, обвинителството побарало мерки на претпазливост, а Судот посочил дека не можел да определи построги мерки од оние што ги предложило обвинителството.

Случајот предизвика големо внимание во јавноста бидејќи станува збор за прв човек на суд во земјава кој се соочува со сомнежи за коруптивно влијание поврзано со судски постапки. Истрагата, според досегашните информации, се однесува на сомнежи дека биле барани или примени пари за посредување и влијание врз одлуки и постапки во рамки на судот.

Алији беше назначен за вршител на должност претседател на Основниот суд во Гостивар по претходни кадровски промени во судот, а сега, со одлуката за мерките, практично му е ограничено движењето додека трае постапката.

ПРЕТСЕДАТЕЛ НА СУД ЗЕЛ 8.000 ЕВРА МИТО Осомничен дека влијаел врз судии од гостиварските судови

The post ПРЕТСЕДАТЕЛОТ НА ГОСТИВАРСКИОТ СУД ОСТАНА БЕЗ ПАСОШ Елјеса Алији е осомничен за поткуп и противзаконито влијание appeared first on plusinfo.mk.