Израелскиот пратеник Зви Сукот со чекан удирал по палестински споменик во селото Мадама на Западниот Брег. Крајнодесничарскиот политичар бил придружуван од израелски војници, но неговата акција не била дел од одобрениот план.

Сукот, пратеник од партијата Религиозен ционизам, објавил и снимка од инцидентот. На неа се гледа како тој и неговите соработници со чекани го оштетуваат споменикот.

Израелската армија потврдила дека ја одобрила посетата на Сукот. Сепак, уривањето на споменикот не било одобрено. Армијата оценила дека групата постапила „измамнички и манипулативно“.

Војниците биле ангажирани да го обезбедуваат пратеникот при обиколката на палестинските села. На снимките се гледаат во непосредна близина додека Сукот удира по споменикот.

Според армијата, војниците ги известиле своите команданти кога почнало оштетувањето. Потоа добиле наредба да ја прекинат посетата и да ја отстранат групата од селото.

Споменикот останал исправен, но бил значително оштетен.

‘MK Zvi Sukkot is not the sovereign in the territories,’ FM Sa’ar tacitly condemns far-right MK over Palestinian memorial demolition https://t.co/S6ne6FYq7Z pic.twitter.com/DWvaNeSXb0

— i24NEWS English (@i24NEWS_EN) August 25, 2026

عضو كنيست الاحتلال تسبي سوكوت يقتحم بحماية جيش الاحتلال قرية مادما جنوب نابلس ويحطم صرح الشهداء pic.twitter.com/2CblqYtLau

— شبكة قدس الإخبارية (@qudsn) August 25, 2026

Сукот тврдел дека споменикот им бил посветен и на Палестинци вмешани во терористички напади врз Израелци. Тој претходно барал армијата да отстрани вакви споменици.

– Нема да дозволиме оние што им наштетиле на Евреите и на војниците на ИДФ да бидат славени како херои – порача Сукот.

Според израелските медиуми, на споменикот имало имиња на Палестинци загинати во различни периоди. Дел од нив биле поврзувани со вооружени организации и со напади врз Израелци.

Постапката на Сукот предизвика реакции и во Израел. Кабинетот на премиерот Бенјамин Нетанјаху соопштил дека преземањето на законот во свои раце, особено од јавни функционери, е неприфатливо.

The post 📽️ ИЗРАЕЛСКИ ПРАТЕНИК СО ЧЕКАН ТРГНА НА СПОМЕНИК Војници стоеја до него, добија наредба да го спречат appeared first on plusinfo.mk.

Израелскиот министер за национална безбедност, Итамар Бен-Гвир, повика на жесток одговор откако четворица израелски војници загинале во борбите во јужен Либан. Неговата изјава предизвика шок во медиумите:

„За секоја солза на израелска мајка, илјада либански мајки мора да плачат“, напиша Бен-Гвир на платформата Икс.

Израелската армија соопшти дека војниците загинале кога нивниот тенк бил погоден за време на операција во близина на Кфар Тебнит, во јужен Либан. Меѓу жртвите бил и потполковникот Дор Гедалија Бен Симхон, командант на 52. баталјон на 401. оклопна бригада.

Мирот е потпишан, борбите продолжуваат

Инцидентот се случил само неколку дена по привремениот договор меѓу САД и Иран, кој предвидува деескалација и прекин на воените активности на повеќе фронтови, вклучително и во Либан.

Но, Бен-Гвир јасно порача дека Израел не смее да попушти.

– Со сето должно почитување кон Американците, Израел мора да му покаже на светот дека крвта на нашите синови и безбедноста на нашите граѓани не се предмет на преговори. Цел Либан мора да гори – изјави министерот.

Стари контроверзии, нови реакции

Бен-Гвир и претходно предизвикуваше бурни реакции со своите настапи.

Во мај објави видео во кое им се потсмева на активисти од меѓународната иницијатива „Глобална флотила Сумуд“, кои се обидувале да достават хуманитарна помош во Газа.

На снимката тој мавта со израелско знаме пред приведени активисти со врзани раце.

„Добредојдовте во Израел, ние сме господари тука“, порача тогаш Бен-Гвир.

Премиерот на Израел Бенјамин Нетанјаху тогаш оцени дека таквото однесување „не е во согласност со израелските вредности и норми“.

The post „ДА ГОРИ…ИЛЈАДА МАЈКИ ДА ПЛАЧАТ“ Израелскиот министер реагира на нападот во кој загинаа израелски војници appeared first on plusinfo.mk.

Седуммесечно бебе загина, а неговите родители се повредени откако израелската армија во петокот вечерта отворила оган врз нивното возило на окупираниот Западен Брег, соопшти палестинското Министерство за здравство.

Израелските војници отвориле оган јужно од градот Хеброн, тврдејќи дека возилото со зголемена брзина се движело кон нив.

Семејството патувало од Витлеем до Хеброн.

Израелската армија соопшти дека започнала истрага за инцидентот.

The post ИЗРАЕЛСКИ ВОЈНИЦИ УБИЈА БЕБЕ ВО ЗАПАДЕН БРЕГ Отворија оган врз автомобил со семејство appeared first on plusinfo.mk.

Премиерот на Израел, Бенјамин Нетанјаху разговара со претставници на американската администрација за да има подобар увид во најновите случувања во преговорите помеѓу САД и Иран, јави Си-ен-ен повикувајќи се на неименувани извори.

Наводно Нетанјаху се обидува да дојде до најновите информации за текот на преговорите и кои опции се на маса.

Израел изразува загриженост поради евентуалните американски отстапки за постигнување на договор за завршување на војната. Исто така, Израел е против евентуално укинување на економските санкции кон Иран.

Претходно, началникот на Генералштабот на израелската армија, генерал Ејал Замир денеска изјави дека доколку е потребно војската е подготвена да почне нова офанзива против Иран.

Тој истакна дека израелската армија во координација со САД, има список на цели подготвени за напад во Иран.

Израелската армија денеска изврши напади врз јужните предградија на главниот град на Либан, Бејрут. Тоа е прв напад врз Бејрут по неколку недели.

Нетанјаху вели дека тој и израелскиот министер за одбрана, Израел Кац, ѝ наредиле на војската на земјата „сега во Бејрут да го нападне командантот на силите Радван во терористичката организација Хезболах со цел да го неутрализира“.

Во медиумите попладнево одекна и веста дека американските сили онеспособија ирански танкер во Оманскиот Залив.

The post НЕТАНЈАХУ САКА ДА ЗНАЕ ШТО ДОГОВАРААТ САД И ИРАН Бејрут нападнат од Тел Авив за првпат по примирјето appeared first on plusinfo.mk.

Израелската армија соопшти дека во напад во Техеран е убиен висок ирански командант, идентификуван како Џамшид Ешаги.

Во соопштението на Израелски одбранбени сили се наведува дека Ешаги бил „командант на штабот одговорен за нафтените работи за силите на иранскиот режим“, како и лице задолжено за обезбедување финансиски средства за сојузниците на Иран во регионот.

Според истите информации, тој бил поврзан со финансирање на либанското движење Хезболах и јеменските бунтовници Хути.

Ешаги бил ставен и на санкциската листа на Министерство за финансии на САД, каде бил означен како „глобален терорист“.

Нападот доаѓа во услови на зголемени тензии на Блискиот Исток, додека аналитичарите предупредуваат дека ваквите операции може дополнително да ја влошат безбедносната состојба во регионот.

The post ИЗРАЕЛ СО НОВ НАПАД Убиен човек одговорен за финансирање сојузници на Иран appeared first on plusinfo.mk.

Началникот на Генералштабот на Израелските одбранбени сили (ИДФ), генерал-потполковник Ејал Замир, предупреди дека армијата може да се распадне ако итно не се реши недостигот на луѓе.

Замир изјави на состанокот на кабинетот за безбедност дека „крева десет црвени знамиња“ пред да се распадне ИДФ, објави „Џерусалем пост“.

Воени извори велат дека резервите се веќе полни, а ситуацијата дополнително се комплицира од тековната војна. Недостигот на војници е особено акутен на границите со Газа, Либан, Сирија и Западниот Брег.

Проблемот е дополнително влошен од фактот дека сè уште не е донесен закон што би овозможил задолжително регрутирање на ултраортодоксните Хареди, или ултраортодоксната еврејска верска заедница.

Нацрт-законот, според владата на израелскиот премиер Бенјамин Нетанјаху, бил одложен за време на војната за да се зачува политичкото единство, што предизвика критики од опозицијата.

Политичарите од Јеш Атид, вклучувајќи го и лидерот на опозицијата Јаир Лапид, предупредија дека одложувањето на нацрт-законот за Хареди претставува сериозна безбедносна закана и побараа итни состаноци на парламентарните комисии за да се разгледа решение.

Лидерите на другите опозициски партии, вклучувајќи ги Авигдор Либерман и Нафтали Бенет, исто така повикаа на брзо спроведување на законот за задолжителна служба за да се обезбеди подготвеност на Израелските одбранбени сили.

Поранешниот началник на Генералштабот Гади Ајзенкот нагласи дека задолжителната служба е морален императив и клучен за зачувување на мисијата на Израелските одбранбени сили и безбедноста на Израел.

Лидерот на Резервната партија, Јоаз Хендел, додаде дека армијата веќе ги исцрпила своите резерви и дека постои итна потреба да се зголеми бројот на војници за да може земјата да биде подготвена за понатамошни предизвици.

The post „ИЗРАЕЛСКАТА АРМИЈА МОЖЕ ДА СЕ РАСПАДНЕ ПОРАДИ НЕДОСТИГ НА ЛУЃЕ“ Аларм од генералите, се бара тотална мобилизација appeared first on plusinfo.mk.

Во текот на минатата година низ светот биле убиени 129 новинари и медиумски работници, соопшти Комитетот за заштита на новинарите, цитиран од француските медиуми.

„Израелската армија во овој период изврши повеќе целни убиства на новинари од која било друга владина армија досега, при што повеќето од убиените се новинари и палестински медиумски работници во Газа“, се наведува во соопштението на невладината организација со седиште во САД.

Во 2024 година беа убиени 124 новинари, што исто така беше рекорд. Комитетот води статистика веќе 30 години.

Најмногу новинари ги загубија животите во војната во Газа – 86 лица. Четворица беа убиени во војната во Украина, а девет претставници на медиумите во конфликтот во Судан.

The post ЛАНИ ВО СВЕТОТ УБИЕНИ РЕКОРДЕН БРОЈ НОВИНАРИ – 129 Најголем „придонес“ има израелската армија appeared first on plusinfo.mk.

Портпаролот на израелската армија денеска изјави дека Хамас повеќе не претставува истата вооружена закана каква што беше пред две години, кога започна војната во Појасот Газа, откако денеска стапи на сила примирјето со палестинското движење.

– Хамас не е Хамас од пред две години. Хамас беше поразен секаде каде што се боревме против него – изјави бригадниот генерал Ефи Дефрин на прес-конференција, додавајќи дека израелските одбранбени сили (ИДФ) целосно го неутрализирале военото крило на групата во повеќе региони од енклавата.

Дефрин ги повика жителите на Газа да избегнуваат движење во областите под контрола на израелската армија и да се придржуваат до условите на постигнатиот договор за прекин на огнот.

– Ги повикувам луѓето од Газа да избегнуваат влегување во областите контролирани од ИДФ. Следете го договорот и осигурајте ја вашата безбедност – порача портпаролот.

Според израелските медиуми, илјадници распелени Палестинци почнале да се враќаат во своите напуштени домови откако напладне беше официјално воспоставен прекин на огнот, кој беше постигнат со посредство на САД и регионалните сојузници. Во рамките на договорот, израелските трупи започнале делумно повлекување од појасот Газа, додека во првата фаза се очекува и ослободување на заробеници и заложници од двете страни.

Овој потег претставува најзначајна промена во текот на конфликтот од неговото избувнување пред две години, со надеж дека ќе отвори пат кон подолготраен мир во регионот.

The post „ХАМАС ВЕЌЕ НЕ Е ИСТ, ХАМАС Е УНИШТЕН“ Израелската армија со моќна порака по почетокот на примирјето appeared first on plusinfo.mk.

Израелските одбранбени сили (ИДФ) соопштија дека почнале подготовки за делумно повлекување на трупите од Појасот Газа, како дел од договорот за заложници и прекин на огнот со Хамас.

„Според директивите на политичкото раководство и во согласност со проценката на ситуацијата, ИДФ почна оперативни подготовки за спроведување на договорот“.

Исто така, ИДФ вели дека ќе ги премести трупите на „соодветни линии (во областа) на распоредување во блиска иднина“ и дека „се подготвува за секој можен оперативен развој“.

Семејствата на заложниците кои ги држи палестинската милитантна група Хамас го поздравија договорот за нивно ослободување, опишувајќи го како „важен и значаен чекор напред“ кон враќање на сите заробени дома.

Во соопштение на платформата Икс, Форумот на семејствата на заложниците изјави дека договорот ќе овозможи живите заложници да се обединат со своите семејства, а телата на починатите да бидат вратени за достоен погреб во Израел.

Се очекува договорот меѓу Израел и Хамас поддржан од САД да овозможи враќање на заложниците во следните неколку денови.

Семејствата на заложниците и нивните поддржувачи се собираат на Плоштадот на заложниците во Тел Авив за да го прослават постигнувањето на договорот.

Како што јави Тајмс оф Израел, роднини од различни средини, обединети во последните две години во заедничката кампања за ослободување на своите најблиски, се прегрнуваат и слават.

Еинав Зангаукер, една од најгласните личности во движењето, стои пред огромен часовник што го прикажува бројот на деновите откако заложниците се исчезнати, држејќи табла со натпис: „Часовникот сè уште отчукува“, дури и додека слави што нејзиниот син Матан „се враќа дома“.

Во средината на плоштадот, маж облечен како карикатура на американскиот претседател Доналд Трамп седи на куп жолти столици, симболите на исчезнатите заложници, држејќи израелско и американско знаме и се фотографира со насмеани минувачи.

The post ИЗРАЕЛСКАТА АРМИЈА НАЈАВИ ДЕКА ЌЕ СЕ ПОВЛЕЧЕ Семејствата на заложниците ќе ги чекаат своите најмили во Тел Авив appeared first on plusinfo.mk.

Израелската војска (ИДФ) изјави дека палестинските цивили во сите области на градот Газа мора веднаш да се евакуираат пред голема копнена офанзива против Хамас во областа, објави „Тајмс оф Израел“.

Предупредувањето ја означува првата општа наредба за евакуација на целата област на градот Газа. Претходните предупредувања издадени од израелската војска во последните денови се однесуваа само на одредени згради и на областа околу нив.

„ИДФ е решена да го победи Хамас и ќе дејствува во областа на градот Газа со голема сила, исто како што правеше низ целиот Појас“, објави на Икс полковникот Авичаи Адреи, портпарол на ИДФ, на арапски јазик.

На Палестинците им беше наредено да се упатат кон хуманитарна зона одредена од Израел во јужниот дел на Појасот Газа преку крајбрежниот пат.

Во соопштението е наведен и телефонски број каде што Палестинците можат „да пријават блокади на Хамас или обиди од страна на неговите членови да ја спречат евакуацијата“.

The post ИЗРАЕЛ ЌЕ ДЕЈСТВУВА СО ГОЛЕМА СИЛА ВРЗ ХАМАС Наредена итна евакуација на целиот град Газа appeared first on plusinfo.mk.