Тифани Трамп објави серија фотографии со моменти од септември, но наместо вниманието да биде насочено само кон нејзините гламурозни изданија и семејните фотографии, следбениците забележаа нешто друго. Инстаграм ја означи целата објава со известување дека станува збор за содржина создадена или изменета со помош на вештачка интелигенција.

На фотографиите 32-годишната Тифани, најмладата ќерка на американскиот претседател Доналд Трамп, сподели моменти од изминатиот месец. Меѓу нив има фотографии од нејзиното неодамнешно патување во Индија, семејни моменти со сопругот Мајкл Булос и нивниот 16-месечен син Александар, како и фотографии од свечената вечера во Белата куќа.

На првата фотографија Тифани позира во бела бањарка, со целосно нашминкано лице и руса коса во лежерни бранови. На друга е со синот во Централ парк, облечена во фармерки, кожна јакна и чизми до колена. Во албумот има и неколку фотографии од Индија, каде што семејството престојувало во септември.

Тифани објави и фотографија со својата полусестра Иванка Трамп, направена за време на државната вечера во Белата куќа на 24 септември, приредена во чест на кинескиот претседател Си Џинпинг и неговата сопруга Пенг Лијуан.

Сепак, најмногу внимание привлече ознаката „AI content“ на Инстаграм. Социјалната мрежа ги извести следбениците дека вештачката интелигенција била употребена при создавањето или уредувањето на најмалку една фотографија од објавата.

Не е познато која фотографија ја активирала ознаката, ниту што точно било променето.

Тифани објавата ја опишала едноставно како „Сцени од септември“, а во неа се најдоа и фотографии од нејзиниот син Александар, кој го доби со сопругот Мајкл Булос во мај 2025 година.

 

View this post on Instagram

 

A post shared by Tiffany Trump (@tiffanytrump)

The post КОЈА ФОТОГРАФИЈА НА ТИФАНИ ТРАМП Е НАПРАВЕНА СО ПОМОШ НА ВЕШТАЧКА ИНТЕЛИГЕНЦИЈА? Најмладата ќерка на претседателот на САД објави гламурозни фотографии, но Инстаграм ја разоткри appeared first on plusinfo.mk.

Иванка Трамп, 44-годишната ќерка на американскиот претседател деновиве беше фотографирана како сурфа на една од плажите во Костарика. Облечена во бел горен дел од опрема за сурфање и црн долен дел, таа успева да застане на даската, да фати неколку бранови и да покаже дека очигледно веќе има искуство со овој спорт. Во еден момент сепак изгубила рамнотежа и завршила во водата.

Падот, воопшто не ја обесхрабрил. Иванка повторно се качила на даската и продолжила со сурфањето, а на фотографиите е видлива и насмевката на нејзиното лице. Во еден момент дури им упатила на фотографите сурферски поздрав.

Ivanka Trump was catching waves in Costa Rica.

She was spotted surfing during a family trip, looking steady on the board and even throwing up a shaka. Took one spill but got right back up smiling.

Summer mode fully activated.

Source: @nypost / Writer: Lynn pic.twitter.com/qiwvcHh9Rr

— Mario Nawfal (@MarioNawfal) August 24, 2026

Нејзиниот престој во Костарика, според податоците на костариканската Дирекција за миграција, траел од 20 до 24 август.

Ова не е првпат Иванка да дојде во Костарика поради сурфањето. Таа во оваа земја патува повеќе години, а во април 2025 година земала и приватни часови по сурфање на Playa Hermosa de Cóbano. Тогаш со неа биле членови на семејството и пријатели.

Интересно е што сопственикот на локалната школа за сурфање тогаш открил дека Иванка и нејзиното семејство со нив земале часови повеќе од три години. Тоа покажува дека нејзиното појавување на даската не е само туристички обид – таа очигледно веќе подолго време се обидува да ги усоврши сурферските вештини.

Костарика очигледно има посебно место во нејзините семејни одмори. Во 2025 година Иванка опиша дека со своите најблиски сурфала, се возела со зиплајн низ шумата, одела до водопадите, читала и уживала во деновите поминати далеку од секојдневието. Во земјата, според костариканскиот весник „La Nación“, престојувала и во 2022, 2023 и 2024 година.

 

View this post on Instagram

 

A post shared by Ivanka Trump (@ivankatrump)

Иванка, која е мајка на три деца и сопруга на Џаред Кушнер, последниве години во голема мера се повлече од формалната политичка улога што ја имаше за време на првиот мандат на нејзиниот татко во Белата куќа. Денес повеќе внимание посветува на семејството, патувањата и сопствените деловни и филантропски активности.

The post ИВАНКА ТРАМП ПАДНА ОД ДАСКАТА, НО НЕ СЕ ОТКАЖА Ќерката на американскиот претседател веќе неколку години се враќа во Костарика поради една од омилените активности appeared first on plusinfo.mk.

Албанскиот премиер Еди Рама повторно упати остри критики кон т.н. „Фламинго револуција“, протестното движење кое започна поради спорниот туристички проект поврзан со Џаред Кушнер и Иванка Трамп.

Во својот поткаст, Рама ги нарече протестите „фашистички“ и оцени дека зад нив стои опасна реторика.

– Ова е фашистичко, скандалозно е и мора да се запре. И се запира со тоа што не се повлекуваме пред ваквите притисоци и вакви видови ајвани – рече Рама.

Изјавата доаѓа во момент кога протестите влегуваат во третата недела, а според медиумските проценки, на последниот голем собир во Тирана учествувале меѓу 100.000 и 200.000 луѓе.

Рама тврдеше дека пораките на протестното движење потсетуваат на опасни националистички идеи.

– Албанија им припаѓа на Албанците. Тоа значи дека сите други не се добредојдени. Исто како што Германија беше „за Германците“, а потоа стана црна овца на Европа – изјави премиерот.

„Фламинго револуцијата“ е протестно движење кое започна поради плановите на компанијата на Џаред Кушнер, зетот на американскиот претседател Доналд Трамп, да изгради луксузен туристички комплекс на островот Сазан и во областа Зврнец кај Валона.

Противниците на проектот тврдат дека станува збор за еколошки чувствително и заштитено подрачје со лагуни, мочуришта и живеалишта на ретки видови птици, меѓу кои и фламинга, по кои протестите го добија името. Владата на Еди Рама, пак, смета дека инвестицијата ќе донесе развој, нови работни места и дополнителен туристички раст за Албанија.

Во меѓувреме, албанското обвинителство за борба против корупцијата нареди апсење на 20 лица во истрага за перење пари и меѓународна трговија со кокаин. Според медиумските извештаи, дел од истрагата може да има врска и со туристичкиот проект што се поврзува со семејството Трамп.

Во времето на комунистичкиот режим на Енвер Хоџа, островот Сазан бил една од најзатворените воени зони во Албанија.

The post „АЈВАНИ И ФАШИСТИ“ Рама распали жестоко по „Фламинго-револуцијата“ што ја тресе Албанија appeared first on plusinfo.mk.

„Приватен остров“.

Токму така Иванка Трамп го опиша албанскиот остров Сазан во подкастот на Дејвид Сена, каде што зборуваше за проектот што го развива нејзиниот сопруг Џаред Кушнер.

Изјавата предизвика нови реакции во Албанија, каде што веќе неколку дена траат протести против изградбата на луксузен туристички комплекс вреден околу 1,5 милијарди долари.

„Случајно го откривме“

Во разговорот, Иванка Трамп рекла дека таа и Кушнер „случајно го откриле“ островот Сазан.

Таа емотивно зборувала за проектот и за плановите за развој на луксузен комплекс на јадранскиот остров.

Албанските медиуми оценуваат дека ваквите изјави дополнително ја разгореле дебатата околу проектот, кој веќе подолго време е под лупа на јавноста.

Оценката на Иванка, пак, се совпаѓа со неодамнешната изјава на премиерот на Албанија Едир Рама кој рече дека островот е откупен од приватен сопственик и дека не бил државно земјиште, а дека ѝ служел на армијата само во времето на Енвер Хоџа.

Истрага и протести

Коментарите на Иванка Трамп доаѓаат во момент кога албанското обвинителство за борба против корупцијата води истрага поврзана со проектот.

Паралелно, во Тирана и во областа Валона се одржаа протести против изградбата.

Демонстрантите бараат преиспитување на одлуките што овозможија реализација на проектот и предупредуваат на можни последици врз природата и биодиверзитетот.

Дел од протестите следуваа по судири меѓу локални жители и приватно обезбедување на теренот.

За што станува збор?

Проектот е поврзан со компанијата „Афинити Партнерс“, зад која стои Џаред Кушнер. Планот предвидува изградба на луксузен туристички комплекс на островот Сазан и во пошироката област кај Валона.

Албанската влада го поддржува проектот како голема странска инвестиција и можност за развој на туризмот.

Критичарите, пак, тврдат дека станува збор за чувствително подрачје кое мора да остане заштитено и достапно за јавноста.

The post ИВАНКА ТРАМП КРЕНА УШТЕ „ПРАШИНА“ ЗА ОСТРОВОТ ВО АЛБАНИЈА „Приватен е, случајно го најдовме“ appeared first on plusinfo.mk.

„Ќе направев полошо од вас, ако ми кажеа дека таа земја ѝ припаѓа на државата и дека државата им ја дава на странци“.

Вака изјави премиерот на Албанија во Парламентот за демонстрациите против проектот за хотелски комплекс на Џаред Кушнер, зетот на Доналд Трамп во Албанија.

Рама вели дека земјиштето на кое се гради е приватно дека не било доделено од државата, туку инвеститорот го купил од приватни сопственици. Според него, голем дел од приказните што се шират околу проектот немаат допирна точка со фактите.

– Да ми кажаа дека тоа е заштитено подрачје и дека владата го отстранила од заштита за да им го даде на странци, кои ќе дојдат да го уништат биодиверзитетот на подрачјето, и јас ќе постапев како вас – порача тој.

Што го предизвика револтот?

Темата повторно се разгоре откако локални жители и активисти протестираа против изградбата во Звернец, во близина на лагуната Нарта.

Демонстрантите тврдат дека проектот ќе има сериозно влијание врз природната средина и дека владата со законски измени му ја отворила вратата на инвеститорот.

Сличен протест се одржа и во Тирана.

Пред зградата на Министерството за внатрешни работи и пред владата се појавија транспаренти со пораки „Албанија не е на продажба“ и „Поништете го договорот“.

Дел од демонстрантите побараа и оставка од Рама.

Кушнер, Трамп и проект вреден милијарди

Проектот се поврзува со компанија зад која стои Џаред Кушнер, сопруг на Иванка Трамп и зет на американскиот претседател Доналд Трамп.

Според досегашните информации, инвестицијата се проценува на околу четири милијарди долари и опфаќа приближно 250 хектари во рамките на екосистемот Нарта-Звернец.

Инвеститорите тврдат дека проектот ќе се реализира според сите законски процедури и дека ќе отвори повеќе од 10.000 работни места.

Во јануари 2024 година, Кушнер и Иванка Трамп ја посетија Албанија за промоција на проектот. Иванка подоцна повторно беше во регионот под силно обезбедување.

Сменет e и полициски началник

Рама не ги бранеше сите случувања на терен. Тој изрази незадоволство од реакцијата на полицијата за време на протестите во Звернец.

Особено се осврна на снимките на кои се гледа како демонстрант е влечен од приватно обезбедување додека полицијата не интервенира.

Според него, таквото однесување било неприфатливо. Поради случувањата веќе е сменет началникот на Полицискиот комесаријат во Валона.

Проектот продолжува

И покрај протестите, албанската влада не покажува намера да се повлече. Рама останува на ставот дека околу инвестицијата се шират дезинформации и дека земјиштето не е државно, туку приватно купено.

Од друга страна, активистите најавуваат дека отпорот ќе продолжи и во наредниот период.

Така, туристичкиот проект што треба да донесе милијарди долари инвестиции сè повеќе прераснува во едно од најконтроверзните политички и еколошки прашања во Албанија.

The post РАМА СЕ ОГЛАСИ ЗА ПРОТЕСТИТЕ ПРОТИВ ПРОЕКТОТ НА ЗЕТОТ НА ТРАМП „Земјиштето е приватно и е купено од приватни сопственици“ appeared first on plusinfo.mk.

Албанскиот премиер Еди Рама реагираше за ситуацијата во Звернец, кај Валона, каде што жителите на областа и претставниците на граѓанското општество протестираат против проектот за изградба на луксузен ресорт, кој се поврзува со Џаред Кушнер, зетот на американскиот претседател Доналд Трамп, наведувајќи дека самиот би се придружил на протестот доколку верувал во тврдењата што се ширеле за проектот.

На средба со парламентарната група на неговата Социјалистичка партија Рама ги негираше обвинувањата дека земјиштето се дава на странци или дека е нарушено заштитеното подрачје, опишувајќи ги овие наративи како невистинити и дезинформации.

– Ќе направев полошо од вас, ако ми кажеа дека таа земја ѝ припаѓа на државата и дека државата им ја дава на странци. Дури слушнав дека државата му ја дава таа земја на Израел за да ги донесе Палестинците во Звернец. Да ми кажеа дека таму влегле некои Руси, кои во соработка со албанските олигарси го срамнуваат заштитеното подрачје и ќе градат палати. Да ми кажаа дека тоа е заштитено подрачје и дека владата го отстранила од заштита за да им го даде на странци, кои ќе дојдат да го уништат биодиверзитетот на подрачјето. И уште многу други работи што ги кажаа, а во кои нема ни тронка вистина, велам и јас ќе постапев како вас, можеби и полошо, рече Рама – додавајќи дека земјиштето странскиот инвеститор го купил, не од државата, туку од приватни лица.

Рама изрази солидарност со јавното негодување и гнев поради сцената каде што, при обид на жителите да влезат во ограденото градилиште, тврдејќи дека нивните имоти биле неправедно одземени преку експропријација, еден од нив беше влечен од приватно обезбедување. Според него рамнодушноста на полицијата која требаше да го заштити, е неоправдана, поради што денеска веќе е сменет Началникот на Полицискот комесаријат во Валона.

Освен протестот во Звернец, протест синоќа се одржа во Тирана, прво пред зградата на МВР а протоа пред владата, на која учесниците носеа транспаренти „Албанија не е на продажба“, „Поништете го договорот“. Демонстрантите побараа и оставка од премиерот Еди Рама, обвинувајќи дека неговата влада го овозможила проектот со измена на Законот за заштитени подрачја, усвоена во парламентот во февруари 2024 година.

Фото: Принтскрин

Со таа измена, заштитените зони во Албанија биле отворени за развој на туристички комплекси со пет ѕвезди, но дел од познавачите на состојбите тврдат дека законската измена била направена специјално за проектот поврзан со Кушнер.

Проектот, за кој инвеститорот ветува дека ќе се одвива по строго законски процедури, се очекува да создаде повеќе од 10.000 работни места. Вредноста според медиуми се проценува на околу четири милијарди долари (3,43 милијарди евра), опфаќа приближно 250 хектари во рамките на мочуришниот и лагунскиот екосистем Нарта–Звернец.

Во јануари 2024 година, Кушнер и неговата сопруга Иванка Трамп, ја посетија Албанија за да го промовираат проектот за изградба на луксузен комплекс во земјата. Иванка Трамп под силно обезбедување го посети местото и пред неколку месеци.

The post РАМА ЖЕСТОКО ГО БРАНИ ЛУКСУЗНИОТ РЕСОРТ НА ЗЕТОТ НА ТРАМП КАЈ ВАЛОНА Подрачјето не е заштитено, земјиштето не е државно appeared first on plusinfo.mk.

Компанија поврзана со Иванка Трамп и со нејзиниот сопруг Џаред Кушнер почна со реализација на еден од најголемите туристички проекти во Албанија. Но, отворањето на градилиштето не поминало мирно.

Видеоснимките објавени на социјалните мрежи покажуваат турканици и физички пресметки меѓу демонстрантите и обезбедувањето. На едно од видеата се гледа како демонстрант е одвлечен од местото на настанот, додека полицијата не интервенира.

Проектот го развива компанијата „Афинити партнерс“, која претходно беше поврзу вана и со најавите за изградба на Трамп кула во Белград.

Поранешна воена база ќе стане луксузно одморалиште

Компанијата купила земјиште на островот Сазан, најголемиот остров во Албанија.

Планот е поранешната советска воена база да биде претворена во луксузен туристички комплекс вреден околу 1,4 милијарди евра.

Албанските власти го поддржаа проектот и покрај критиките од еколошките организации и дел од локалното население.

„Лајме јаворе“ претходно напиша дека рокот за изведба бил продолжен до крајот на 2026 година поради тензиите. Премиерот на Албанија Еди Рама изјави дека островот Сазан никогаш не бил заштитетно подрачје освен за војниците во времето на Енвер Хоџа.

Update: Protests escalated in the Zvernec area.

According to protesters, private security personnel “kidnapped” a protester and used pepper spray against protesters and Albanian police.

The protest was attended by the leader of Albania’s left-wing Bashke party. https://t.co/akrM39ghpK pic.twitter.com/kwJZ3hrthw

— kos_data (@kos_data) May 30, 2026

Led by environmental activists, Alhanian residents protested against construction in the Zvernec area.

Protesters said the area is protected Albanian land and does not belong to Trump or Jared Kushner.

Kushner’s company received permission from the Albanian government as a… pic.twitter.com/H08OlbqaTX

— kos_data (@kos_data) May 28, 2026

Албанија не се откажува од проектот

Според медиумските извештаи, одморалиштето треба да се гради во близина на заливот Нарта, подрачје познато по ретките растителни и животински видови.

Токму поради тоа активисти и граѓани протестирале против почетокот на изградбата.

И покрај протестите, албанските власти немаат намера да го стопираат проектот.

Според проценките на владата во Тирана, изградбата ќе продолжи според планот, а луксузното одморалиште треба да биде завршено во 2028 година.

The post 📽️ СЕМЕЈСТВОТО ТРАМП НАИДЕ НА ОТПОР ВО АЛБАНИЈА Протести и турканици на стартот на проект вреден 1,4 милијарди евра appeared first on plusinfo.mk.

Италијанските медиуми, повикувајќи се на Гардијан, објавија дека Иванка Трамп и Џаред Кушнер, ќерката и зетот на американски претседател Доналд Трамп, го купиле островот Сазан во Албанија за околу 1,4 милијарди евра, пренесува „euronews.al“.

Минатиот месец, парот престојувал во Албанија и го искористил времето за неколкудневен одмор на албанското крајбрежје.

Островот Сазан, кој е дел од Националниот морски парк Карабурун – Сазан, се смета за природен бисер со богато историјско минато. Поранешна воена база, островот сè уште носи остатоци од комунистичкиот режим, како бункери и тунели, а дел од него останува воена зона.

Планот на Иванка и Џаред е да го претворат Сазан во луксузно одморалиште, што предизвика загриженост кај еколошки и научни организации поради потенцијалното влијание врз природната и културната средина на регионот.

Според извештаите, преговорите за купување се воделе без широката јавност и без знаење на албанските пратеници, а главниот предизвик во проектот ќе биде расчистување на островот од неексплодирани мини и воен отпад.

Албанската јавност веќе го нарекува Сазан – „Остров Трамп“, поради големото влијание на семејството во развојот на оваа инвестиција.

Во подкаст, претседателот Доналд Трамп изрази голем ентузијазам за проектот, истакнувајќи дека најголемиот предизвик е обезбедувањето на безбедноста и чистењето на островот пред да биде отворен за посетители.

Покрај проектот на островот Сазан, групата „Афинити“ која го водела овој бизнис-преговор, има планови за слични проекти и во Србија.

The post ИВАНКА И ЏАРЕД СИ КУПИЈА ОСТРОВ ВО АЛБАНИЈА Ќерката и зетот на Трамп платија 1,4 милијарди евра за „забранетиот“ албански рај appeared first on plusinfo.mk.

Иванка Трамп и нејзиниот сопруг Џаред Кушнер веќе пристигнаа во Венеција за раскошната венчавка на Џеф Безос и Лорен Санчез. Тие беа првите ВИП гости што пристигнаа во Италија и го искористија времето да го разгледаат градот со своите деца.

 

View this post on Instagram

 

A post shared by Ivanka Trump (@ivankatrump)

Иванка сега се пофали на своите профили на Инстаграм и Фејсбук со облеката што ја носеше за првата од трите прослави. Ќерката на американскиот претседател Доналд Трамп облекла светкаво розов мини фустан, додека нејзиниот сопруг се одлучил за класичен темен костум.

Но и да им упати честитки на Безос и Санчез. Покрај идиличните фотографии, Иванка напиша: „Подготвени да ја прославиме љубовната приказна на нашите пријатели Џеф Безос и Лорен Санчез.“

 

View this post on Instagram

 

A post shared by Ivanka Trump (@ivankatrump)

Џеф Безос и Лорен Санчез наскоро ќе го кажат судбоносното „да“, и тоа во бенедиктинската црква од 16 век на островот Сан Џорџо. Церемонијата е закажана за 27 јуни, но прославата ќе трае повеќе денови.

Освен Иванка Трамп, само кремот на Холивуд беше на списокот на гости. Леонардо Дикаприо со девојката Виторија Черети, Опра Винфри, Том Брејди и Орландо Блум пристигнаа денеска, како и Ким Кардашијан, Клои Кардашијан, Кендал Џенер, Кајли Џенер и нивната мајка Крис Џенер.

The post 📷 ИВАНКА ТРАМП ПОДГОТВЕНА ЗА СВАДБАТА НА ГОДИНАТА СЕ ОГЛАСИ ОД ВЕНЕЦИЈА „Ја славиме љубовта на нашите пријатели Џеф и Лорен!“ appeared first on plusinfo.mk.

Ќерката на американскиот претседател Доналд Трамп, Иванка Трамп, нејзиниот сопруг Џаред Кушнер и нивните 3 деца пристигнаа во Венеција, пред раскошната свадба на Џеф Безос и Лорен Санчез. Семејството прво беше фотографирано како се вози на традиционален венецијански брод низ градот, како и при подоцнежната лежерна прошетка низ историскиот центар, објави Пејџ сикс (Page Six).

Меѓу познатите гости на „свадбата на годината“ се очекуваат и Опра Винфри, Орландо Блум, Ева Лонгорија, Ким Кардашијан, Крис Џенер и Барбaра Стрејсенд. Инаку, Безос и Санчез ќе се венчаат на 27 јуни, а според западните медиуми, свеченоста ќе се одржи на островот Сан Џорџо, во бенедиктинска црква од 16 век.

Покрај самата церемонија, планирани се уште 2 настана – свечена вечера во приватен манастир, веројатно во „Киостро дела Мадонна дел’Орто“ (Chiostro della Madonna dell’Orto), којашто е закажана за 26 јуни, како и големата забава во сѐ уште необјавено место на 28 јуни. Сите информации доаѓаат од извори во Италија, според кои целиот распоред ќе биде врв на луксузот.

Приватни возила и 60 резервирани водни таксија ќе бидат користени за превоз на познатите личности, додека некои од 400-те гондоли во Венеција се ставени вон употреба. Гостите ќе бидат сместени во најскапите хотели, како што се хотелот „Аман“, каде што ноќевањето чини над 2.700 долари, или хотелот „Чипријани“ што наплаќа повеќе од 2.000 долари од ноќ.

Додека секој детаљ од свадбата внимателно се планира, граѓани на Венеција протестираат. Демонстрантите планираат директни акции – скокање во канали за да ги блокираат водните такси возила и затворање на тесните венецијански улици за да се спречи пристапот на познатите гости.

The post ИВАНКА ТРАМП СТИГНА ВО ВЕНЕЦИЈА ЗА СВАДБЕНИОТ СПЕКТАКЛ НА БЕЗОС Демонстрантите најавија дека ќе скокаат во канали во знак на протест appeared first on plusinfo.mk.