Две важни сообраќајници во Бутел влегуваат во фаза на целосна реконструкција, а локалната власт најавува и други инфраструктурни зафати. Градоначалникот на Скопје, Орце Ѓорѓиевски, и градоначалникот на Општина Бутел, Дарко Костовски, денеска извршија увид во почетокот на градежните работи на улиците Бутелска и Радишанска.

За жителите на оваа скопска општина, реконструкцијата треба да значи повеќе од нов асфалт. Проектот предвидува и изградба на нови тротоари и нова атмосферска канализација, со што треба да се подобрат условите за движење и безбедноста на улиците, но и да се решаваат проблеми со кои граѓаните се соочуваат со години.

Ѓорѓиевски потсети дека реконструкцијата на двете сообраќајници била дел од ветувањата дадени за време на изборната кампања, нагласувајќи дека работите почнуваат пред да помине првата година од преземањето на градоначалничката функција.

– Кога заедно со Дарко Костовски ја баравме довербата од граѓаните, дадовме јасно ветување дека во текот на мојот мандат овие две значајни улици во Бутел ќе бидат целосно реконструирани. Денес, за неполна година од преземањето на одговорноста, долгогодишното барање на жителите веќе станува дело. Градежните активности се почнати, а со нив доаѓа и крајот на долгото чекање за подобри услови во своето маало – изјави Ѓорѓиевски.

Тој порача дека инфраструктурните зафати во Бутел нема да завршат со реконструкцијата на улиците.

Според најавата на градоначалникот, во општината истовремено се гради и мега-парк со површина од 86.000 квадратни метри. Просторот е замислен како нова зелена зона за прошетки, рекреација, детска игра и семејни активности.

Во тек е и процесот за изградба на кружен тек, а најавено е и уредување на речното корито на Серава.

– И тука не запираме. Зад нас стои дадениот збор, пред нас уште многу работа. Бутел заслужува. Скопје заслужува – порача Ѓорѓиевски.

Со започнувањето на реконструкцијата на Бутелска и Радишанска, ветувањата за подобра инфраструктура во Бутел добиваат конкретна градежна фаза. Следниот важен чекор ќе биде реализацијата на најавените проекти и нивното претворање во видливи промени за жителите.

The post БУТЕЛ ДОБИВА НОВО ЛИЦЕ Бутелска и Радишанска ќе добијат нов асфалт, се гради и мега-парк од 86.000 квадрати appeared first on plusinfo.mk.

Општина Бутел воведува комунални редари кои ќе бидат присутни на терен во две смени, со службени возила и со засилени контроли низ целата општина, најави градоначалникот Дарко Костовски.

„Ќе се санкционираат несовесното фрлање отпад, создавањето диви депонии, уништувањето на општинскиот имот и другите прекршувања на комуналниот ред“, објави Костовски на Фејсбук.

Јавниот простор е сопственост на сите нас, но и одговорност на секој од нас, додава тој.

„Нашата цел не е да казнуваме, туку да воспоставиме ред, одговорност и почитување на заедничкиот простор. За почист, поуреден и поубав Бутел“, објави градоначалникот Костовски.

Според најавата, комуналните редари во Бутел ќе работат во две смени, со две возила на терен.

The post БУТЕЛ ВОВЕДУВА КОМУНАЛНИ РЕДАРИ Ќе казнуваат вандали, ќе воведуваат ред appeared first on plusinfo.mk.

Автобусот „35“ за неколку дена ќе добие подолга траса и нова последна станица. Линијата ќе биде продолжена до Радишани, со што Бутел преку јавниот превоз ќе добие директна врска со Аеродром.

Градоначалникот на Бутел, Дарко Костовски, соопшти дека процедурата е завршена по договор со градоначалникот на Скопје Орце Ѓорѓиевски и директорот на ЈСП.

„Деновиве ќе го презентираме новиот возен ред, а за неколку дена ќе биде пуштена пробна линија која ќе сообраќа до последната станица на линијата 57 во Радишани“, напиша Костоски.

Продолжувањето засега ќе се тестира. Костовски очекува интересот на патниците да биде доволно голем за новата траса да стане трајно решение.

„Процедурата за продолжување на автобуската линија 35-ка е завршена. Заедно со градоначалникот на Град Скопје, Орце Ѓорѓиевски, и директорот на ЈСП постигнавме договор за нејзино продолжување до Радишани.“

Со новата траса, жителите на Бутел и Радишани ќе добијат директна автобуска линија кон Општина Аеродром.

The post „35-КА“ ЗА НЕКОЛКУ ДЕНА ТРГНУВА ДО РАДИШАНИ Новата траса директно ќе ги поврзе Бутел и Аеродром appeared first on plusinfo.mk.

Општина Бутел добива нова зелена површина од 50.000 квадратни метри, објави градоначалникот на Скопје Орце Ѓорѓиевски. Она што со години беше депонија и симбол на негрижа, денес го претвораме во огромен, модерен и функционален мега парк, вели Ѓорѓиевски.

„Со Дарко Костовски, градоначалникот на Бутел, дадовме збор дека ова место повеќе нема да биде заборавено. Денес, покажуваме што значи кога има визија, волја и вистинска грижа за градот.

Долж булеварот Христијан Тодоровски – Карпош интензивно се гради новата зелена приказна на Бутел. Првиот дел, на површина од 8.000 м², е речиси целосно завршен и опфаќа богати зелени површини, плоштад, детски катчиња, пешачки патеки, фитнес зони и содржини за сите генерации“, вели Ѓорѓиевски заедно со објавата на видео од градежните работи.

Градоначалникот вели дека се работи за простор за децата, за младите, семејствата и пензионерите.

„Простор за секој граѓанин. Паралелно се работи и на вториот, значително поголем дел од паркот, на површина од 42.000 м², кој целосно ќе биде хортикултурно и содржински уреден.

Целиот комплекс ќе располага и со сопствен систем за наводнување со техничка вода, со што обезбедуваме долгорочно и одржливо одржување на зеленилото. Повеќе зеленило значи почист воздух, помалку урбана жештина, поздрава животна средина и поквалитетен живот“.

Ѓорѓиевски порачува дека секое ново дрво, секоја нова зелена површина и секој нов парк се инвестиција во здравјето и во иднината на Скопје.

„Вложуваме рамномерно, во секоја општина и во секое маало, затоа што секој граѓанин заслужува чист, уреден и достоинствен простор за живот. Бутел добива ново зелено срце.  Скопје добива уште едно место за гордост“.

The post 📽️ БУТЕЛ ДОБИВА МЕГАПАРК ОД 50.000 КВАДРАТНИ МТЕРИ Првиот дел од 8.000м2 е речиси целосно завршен appeared first on plusinfo.mk.

Градоначалникот на општина Бутел Дарко Костовски информира за голема градежна офанзива која се спроведува со силна динамика во населеното место Скопје Север, во која ќе бидат вложени повеќе од 60 милиони денари, или околу милион евра.

„Денеска ја завршивме реконструкцијата на вториот крак на улицата Боро Менков. Реконструкцијата ги опфати и тротоарите, како и паралелните паркинзи. Ги реконструираме и сите пристапни патеки до зградите.

Со оваа реконструкција се опфатени зградите на улиците Боро Менков, Костурска, Лазо Москов, Гоце Стојчевски. Наскоро ќе се реконструира и улицата Костурска заедно со двата големи паркинг – простори и пристапни патеки.

Исто така, за првпат ќе се изгради и тротоар за безбедно и непречено движење. Ова е најголемата градежна офанзива која се одвива во Скопје Север“ – пишува градоначалникот Костовски на неговата Фејсбук-страница.

The post СКОПЈЕ СЕВЕР Е ВО ГОЛЕМА ГРАДЕЖНА ОФАНЗИВА Се реконструираат улици, тротоари, паркинзи… appeared first on plusinfo.mk.

Градоначалникот на Општина Бутел, Дарко Костовски, со остра реакција му одговори на лидерот на ДУИ, Али Ахмети, по неговата посета на Бутел и повикот Албанците во општината да се обединат. Костовски порача дека Бутел „не е на продажба“ и обвини дека ДУИ, додека била на власт, не реализирала ниту еден од клучните проекти што им биле потребни на граѓаните.

„Додека Ахмети и ДУИ имаа можност да им помогнат на Албанците во Бутел, додека беа на власт, не најдоа начин ниту да обезбедат чиста вода за пиење за жителите на Љуботен, ниту нова градинка во Бутел 2. Денес тоа е веќе завршена работа, но не благодарение на него“, напиша Костовски на Фејсбук.

Тој се осврна и на повикот на Ахмети за обединување, оценувајќи дека зад таквите пораки стојат други мотиви.

„Ако Ахмети бара обединување, тоа, според мене, пред сè е заради криминал, поточно за негово лично богатење и за богатењето на неколкумина негови послушници“, наведува Костовски.

Во објавата, градоначалникот обвинува дека ДУИ гледа на секој слободен простор како можност за нова градба.

„Второ, за градење згради и создавање урбан хаос, кој нему лично и на неколкумина други им носи финансиски бенефит. Секоја чистинка во Бутел, секој парк, тие го гледаат како место за облакодер и бетонски хаос“, пишува Костовски.

Тој потсети дека во периодот од 2017 до 2021 година ДУИ имала заменик-градоначалник во Бутел, а тој период го оцени како „најтемен во историјата на општината“.

„ДУИ 2017-2021 имаше и заменик градоначалник на Општина Бутел, а богами и ‘градоначалник’. Тој период ќе остане како најтемен во историјата на оваа убава општина. За среќа, еден куп планови од тој период целосно ги поништив“, наведува градоначалникот.

Костовски истакнува дека неговиот фокус е насочен кон реализација на конкретни проекти, а не политички говори.

„Јас работам на соживот, сакам мир и работам на тоа преку проекти и конкретни резултати, а не со голи говори прикладни за 19 век“, порача тој.

Во продолжение нагласи дека граѓаните, според него, не сакаат поделби, туку подобри услови за живот.

„Граѓаните не сакаат поделби и празни ветувања. Сакаат улици, паркови, градинки, училишта, спортски центри, чиста вода, безбедност и ред. Токму тоа е мојот фокус и така ќе продолжам да работам за секој жител на Бутел, без разлика на неговата етничка, верска или политичка припадност“, истакнува Костовски.

Тој додава дека во реализацијата на проектите ја има поддршката од Владата и од премиерот.

„Морам да истакнам дека во таа борба покрај граѓаните со мене е Владата, со целосниот свој капацитет. Секако лично е тука и претседателот Христијан Мицкоски“, наведува градоначалникот.

Објавата на Костовски следува по јавниот настап на Али Ахмети во Бутел, каде лидерот на ДУИ ги повика Албанците во општината на политичко обединување.

The post „БУТЕЛ НЕ Е НА ПРОДАЖБА, ГРАЃАНИТЕ НЕ САКААТ ХАОС!“ Костовски со остри обвинувања кон ДУИ и Ахмети appeared first on plusinfo.mk.

Секое новороденче во општина Бутел ќе добие еднократен паричен надомест во износ од 5.000 денари. Градоначалникот Дарко Костовски истакна дека предизборното ветување за финансиска поддршка од 3.000 денари за новороденче, се исполнува со зголемување на помошта, во износ од 5.000 денари.

„Локалната самоуправа за првпат обезбедува средства во износ од 5.000 денари, како резултат на домаќинска работа и менаџирање на буџетот. Финансиската поддршка за секое новороденче е активност во рамки на програмата за социјална заштита за 2026 година и заложба на градоначалникот за подобрување на условите за младите семејства во општина Бутел. Покрај тоа, локалната самоуправа инвестира во инфраструктура која ќе ја подобри иднината на секое дете – се градат две градинки во Бутел 1 и Бутел 2, а наскоро ќе започне изградба на нови градинки во Радишани, Визбегово и Бутел 1. Општина Бутел гради и создава услови за иднина за секое семејство“, се наведува во соопштението од Општина Бутел.

The post ПО 5.000 ДЕНАРИ ЗА СЕКОЕ НОВОРОДЕНЧЕ ВО БУТЕЛ Се градат градинки во Бутел 1, Бутел 2, наскоро и во Радишан и во Визбегово appeared first on plusinfo.mk.

Вечерва намерно е запалена баскет подлогата на игралиштето во населбата Радишани, објави градоначалникот на Општина Бутел Дарко Костовски.

„Станува збор за едно од најубавите баскет игралишта во државата. Терен покриен со сертифицирана подлога за баскет од ФИБА. Мала среќа што чуварот на училиштето и совесни граѓани случајно виделе како гори подлогата. Огнот е изгаснат, а штетата не е преголема за среќа. Друго ништо не би кометирал, немам зборови“, напиша Костовски.

The post 🎥 ХУЛИГАНИ ЗАПАЛИЈА ИГРАЛИШТЕ ВО РАДИШАНИ Теренот беше покриен со професионална подлога за баскет appeared first on plusinfo.mk.

Општина Бутел деновиве се подготвува за најбогатото и најсјајното новогодишно украсување досега, најави градоначалникот Дарко Костовски. Тој порача дека „новогодишната бајка“ повторно ќе пристигне во Бутел, а украсувањето веќе е во полн ек.

Костовски истакна дека годинава граѓаните ќе добијат најубаво новогодишно руво во општината, со повеќе декорации, светилки и празнични елементи отколку во претходните години. Според него, целта е улиците, плоштадите и јавните простори да создадат атмосфера што ќе ги доближи жителите и ќе внесе празнично расположение за сите генерации.

– Активностите за новогодишно украсување се веќе во тек и многу скоро Бутел ќе блесне во најубавото новогодишно руво – порача градоначалникот, додавајќи дека празничната магија ќе биде почувствувана на повеќе локации низ општината.

The post 📷 БУТЕЛ ЌЕ БЛЕСНЕ ВО НАЈСЈАЈНО НОВОГОДИШНО РУВО Костовски најави празнична бајка каква што досега немало appeared first on plusinfo.mk.

Нелегално градилиште во индустриската зона Визбегово, Општина Бутел, денеска беше затворено од надлежен инспектор, градежните работи се запрени, а против инвеститорот ќе биде покрената пријава за нелегално градење и злоупотреба на државно земјиште, информира градоначалникот на Гази Баба Дарко Костовски на својот профил на Фејсбук.

Костовски најави дека дивоизградениот објект ќе биде урнат.

„Покрај постапката за отсранување на овој објект ќе следи и содветна пријава за дивоградба и узурпација на државно земјиште. Никој не смее да биде над законите“ – напиша градоначалникот Костовски.

The post ЗАПРЕНА ДИВА ГРАДБА НА ДРЖАВНО ЗЕМЈИШТЕ ВО ВИЗБЕГОВО Изграденото ќе биде урнато appeared first on plusinfo.mk.