Секое новороденче во општина Бутел ќе добие еднократен паричен надомест во износ од 5.000 денари. Градоначалникот Дарко Костовски истакна дека предизборното ветување за финансиска поддршка од 3.000 денари за новороденче, се исполнува со зголемување на помошта, во износ од 5.000 денари.

„Локалната самоуправа за првпат обезбедува средства во износ од 5.000 денари, како резултат на домаќинска работа и менаџирање на буџетот. Финансиската поддршка за секое новороденче е активност во рамки на програмата за социјална заштита за 2026 година и заложба на градоначалникот за подобрување на условите за младите семејства во општина Бутел. Покрај тоа, локалната самоуправа инвестира во инфраструктура која ќе ја подобри иднината на секое дете – се градат две градинки во Бутел 1 и Бутел 2, а наскоро ќе започне изградба на нови градинки во Радишани, Визбегово и Бутел 1. Општина Бутел гради и создава услови за иднина за секое семејство“, се наведува во соопштението од Општина Бутел.

The post ПО 5.000 ДЕНАРИ ЗА СЕКОЕ НОВОРОДЕНЧЕ ВО БУТЕЛ Се градат градинки во Бутел 1, Бутел 2, наскоро и во Радишан и во Визбегово appeared first on plusinfo.mk.

Вечерва намерно е запалена баскет подлогата на игралиштето во населбата Радишани, објави градоначалникот на Општина Бутел Дарко Костовски.

„Станува збор за едно од најубавите баскет игралишта во државата. Терен покриен со сертифицирана подлога за баскет од ФИБА. Мала среќа што чуварот на училиштето и совесни граѓани случајно виделе како гори подлогата. Огнот е изгаснат, а штетата не е преголема за среќа. Друго ништо не би кометирал, немам зборови“, напиша Костовски.

The post 🎥 ХУЛИГАНИ ЗАПАЛИЈА ИГРАЛИШТЕ ВО РАДИШАНИ Теренот беше покриен со професионална подлога за баскет appeared first on plusinfo.mk.

Општина Бутел деновиве се подготвува за најбогатото и најсјајното новогодишно украсување досега, најави градоначалникот Дарко Костовски. Тој порача дека „новогодишната бајка“ повторно ќе пристигне во Бутел, а украсувањето веќе е во полн ек.

Костовски истакна дека годинава граѓаните ќе добијат најубаво новогодишно руво во општината, со повеќе декорации, светилки и празнични елементи отколку во претходните години. Според него, целта е улиците, плоштадите и јавните простори да создадат атмосфера што ќе ги доближи жителите и ќе внесе празнично расположение за сите генерации.

– Активностите за новогодишно украсување се веќе во тек и многу скоро Бутел ќе блесне во најубавото новогодишно руво – порача градоначалникот, додавајќи дека празничната магија ќе биде почувствувана на повеќе локации низ општината.

The post 📷 БУТЕЛ ЌЕ БЛЕСНЕ ВО НАЈСЈАЈНО НОВОГОДИШНО РУВО Костовски најави празнична бајка каква што досега немало appeared first on plusinfo.mk.

Нелегално градилиште во индустриската зона Визбегово, Општина Бутел, денеска беше затворено од надлежен инспектор, градежните работи се запрени, а против инвеститорот ќе биде покрената пријава за нелегално градење и злоупотреба на државно земјиште, информира градоначалникот на Гази Баба Дарко Костовски на својот профил на Фејсбук.

Костовски најави дека дивоизградениот објект ќе биде урнат.

„Покрај постапката за отсранување на овој објект ќе следи и содветна пријава за дивоградба и узурпација на државно земјиште. Никој не смее да биде над законите“ – напиша градоначалникот Костовски.

The post ЗАПРЕНА ДИВА ГРАДБА НА ДРЖАВНО ЗЕМЈИШТЕ ВО ВИЗБЕГОВО Изграденото ќе биде урнато appeared first on plusinfo.mk.

Денеска почна изградбата на мега парк во Бутел, со кој почнува реализацијата на првите проекти ветени во програмата на новиот градоначалник на Скопје, Орце Ѓорѓиевски.

Запуштениот простор долж булеварот Христијан Тодоровски Карпош ќе прерасне во модерен и функционален зелен простор – мега парк со богати зелени површини, плоштад, детски катчиња, пешачки патеки и фитнес зони, со содржини наменети за сите возрасти, кој ќе се простира на површина од 8.000 м2.

– Ова е еден од четирите мега паркови ветени во мојата програма. Предвидуваме изградба на околу 50 мали паркови во сите општини, со што секој дел од Скопје ќе добие свој зелен агол – рече Ѓорѓиевски и најави дека во Бутел следува вистински инфраструктурен бран.

Ќе се изгради кружен тек на крстосницата меѓу улиците Бутелска и Александар Урдаревски, како дел од стратегијата за уредување на 50 критични крстосници низ Скопје.

– Целта е поголема безбедност и ред во сообраќајот и постигнување на визијата за град со нула фатални несреќи до 2030 година. Сите овие проекти се дел од визијата за Скопје како безбеден, функционален и модерен град кој се развива во корист на граѓаните – рече Ѓорѓиевски.

Ѓорѓиевски и градоначалникот на Бутел Дарко Костовски најавија дека ќе следи целосна реконструкција на улиците Бутелска и Радишанска со нов асфалт, модерни пешачки патеки, улично осветлување и атмосферска канализација која конечно ќе го реши долгогодишниот проблем со поплави. Меѓу поголемите проекти што следуваат се реконструкцијата на Стар Качанички пат и развојот на Економската зона Визбегово, како и ревитализацијата на реката Серава со уредени зелени коридори, велосипедски и пешачки патеки.

The post 📷 КАКО ЌЕ ИЗГЛЕДА МЕГА ПАРКОТ ВО БУТЕЛ? Зелена површина на 8.000 квадрати богата со содржини за сите возрасти appeared first on plusinfo.mk.

Кандидатот за градоначалник на Општина Бутел Дарко Костовски прогласи победа во првиот круг на локалните избори за Бутел.

„Бутел – победа во прв круг! 9:1. Благодарам мој народе. Слава на Господ!“ – напиша Костовски на својот профил на Фејсбук.

The post ДАРКО КОСТОВСКИ ПРОГЛАСИ ПОБЕДА ВО ПРВ КРУГ ВО БУТЕЛ Им се заблагодари јавно на гласачите appeared first on plusinfo.mk.

Градоначалникот на Општина Бутел, Дарко Костовски, денеска објави дека е завршен еден од најголемите инфраструктурни проекти во општината – уредувањето на речното корито со нова трим патека, парк и урбана опрема. Со овој проект, кој чини 65 милиони денари, Бутел добива нов простор за спорт и рекреација, кој, според Костовски, го менува ликот на општината.

„Денес е еден од најубавите денови, ден за еден од најголемите проекти кои се реализираа во Општина Бутел! Проект кој 30 години беше ветуван на граѓаните станува реалност и е во целост завршен“, напиша Костовски на својот Фејсбук профил.

Во рамки на проектот, изградено е речно корито во должина од 1800 метри, поставена е трим патека и поставена е нова урбана опрема. Дополнително, оформен е парк на површина од 5000 квадратни метри, збогатен со зеленило и зони за одмор и рекреација.

„Го реализиравме едно од најголемите барања на граѓаните на Општина Бутел. Заедно го менуваме ликот на нашата општина, заедно ќе спортуваме и ќе се рекреираме на овој кеј. Ветувањата ги реализираме“, истакна градоначалникот Костовски, кој воедно е кандидат на ВМРО-ДПМНЕ за втор мандат.

Проектот е дел од пошироката иницијатива за уредување на јавните простори и создавање повеќе зелени и рекреативни површини во скопската општина Бутел.

The post 📽️ КЕЈ, ПАРК И ТРИМ ПАТЕКА Бутел доби ново лице, Костовски го заврши најголемиот проект ветуван 30 години appeared first on plusinfo.mk.

Кандидатот за градоначалник на Општина Бутел од редовите на ВМРО-ДПМНЕ, Дарко Костовски, во гостувањето во емисијата Тема на денот на телевизија Сител, ги презентираше реализираните проекти во изминатите четири години и ги најави идните планови за развој на општината.

Костовски истакна дека во текот на неговиот мандат се реализирани околу 70 проекти кои не биле дел од изборната програма, меѓу кои и новиот затворен базен во Радишани.

– Најавив две нови градинки, изградени се две нови градинки. Најавив ново училиште во Визбегово – целосно е изградено. Во Радишани градиме огромен парк од 10.000 квадратни метри, со плоштад и трим патека покрај реката Серава. Изградивме и нови 5000 квадратни метри зеленило – рече Костовски.

Тој додаде дека во изминатите години во општината е направена „револуција во спортот“, со пет нови спортско-рекреативни центри, 13 спортски игралишта и 10 детски игралишта.

– Во моментов се гради нов затворен базен во Радишани, проект што не беше најавен, но го реализираме. Околу 70 проекти кои не беа дел од програмата се успешно завршени – нагласи Костовски.

Во однос на новите капитални инвестиции, Костовски најави дека во следниот мандат ќе започне изградба на плоштад и културен дом во Бутел, како и три нови градинки, две нови училишта и два нови парка во Радишани и на Христијан Тодоровски Карпош.

– Ќе изградиме културен дом кој ќе биде ново собирно место за граѓаните на Бутел. Ќе има три нови градинки – во Радишани, Визбегово и Бутел 1, како и нови училишта во Љубанци и Љуботен. Ќе изградиме и два нови парка, со што Бутел ќе стане позелена и попријатна општина за живеење – изјави Костовски.

На крајот од гостувањето, Костовски изрази увереност во победа уште во првиот круг од изборите, наведувајќи дека чувствува силна поддршка од граѓаните.

– Граѓаните ги препознаваат проектите кои ги реализиравме и гледаат дека работиме посветено. Убеден сум дека победата ќе ја донесеме уште во првиот круг – рече Костовски.

The post НОВИ ВЕТУВАЊА ОД КОСТОВСКИ Три градинки, две училишта и два парка за Бутел во следниот мандат appeared first on plusinfo.mk.

Последните 4 години Општина Бутел доживеа инфраструктурен бум. Актуелниот градоначалник Дарко Костовски изминатите 4 години реализираше дури над 90 проценти од својата програма. Дополнително во Бутел се реализираа повеќе од 70 проекти кои не беа дел од програмата, што само покажува и докажува дека Костовски ги слуша барањата на граѓаните и работи во нивен интерес, се вели во соопштение од ВМРО-ДПМНЕ.

„Општина Бутел мора да продолжи да се гради и развива во модерна и урбана општина. Затоа во програмата за претстојните локални избори, е предвидено изградба на две основни училишта во Љубанци и Љуботен, каде што на учениците ќе им се обезбедат соодветни услови за следење на наставата.

Покрај ова предвидена е изградба на прва детска инклузивна градинка со капацитет за сместување на 120 дечиња, како и други две градинки во Радишани и Визбегово.

Покрај изградба на нови мега паркови, две основни училишта, кружен тек на улицата Бутелска со улицата Александар Урдаревски со што ќе се намали сообраќајниот хаос, ветуваме изградба на затворен пливачки базен во дворот на ООУ Св. Климент Охридски, асфалтирање на улици, се обврзуваме на изградба на противпожарен пункт, како и изградба на пазар во населено место Радишани“ – се вели во соопштението на ВМРО-ДПМНЕ.

Партијата потсетува дека, за сето ова да се реализира, потребна е поддршката од граѓаните на Општина Бутел, и ги повикува на 19 октомври да излезат и да го дадат својот глас за број 9 за Дарко Костовски и советничката листа предводена од ВМРО-ДПМНЕ.

The post ДВЕ НОВИ УЧИЛИШТА, ДВЕ ГРАДИНКИ, МЕГА-ПАРКОВИ, ЗАТВОРЕН БАЗЕН… Што предвидува програмата на Дарко Костовски за Бутел appeared first on plusinfo.mk.

Претседателот на ВМРО-ДПМНЕ, Христијан Мицкоски, денеска се обрати пред граѓаните на народниот митинг во општина Бутел, во рамки на изборната кампања за локалните избори 2025 година, одржан под слоганот „Вистинскиот избор! Твојот човек! Твоето место! Твојата иднина!“.

Мицкоски се осврна на темата за правосудниот систем и најави дека по локалните избори ќе следува „ресетирање на системот“, кое, како што рече, нема да биде реванш, туку одговорност и правда.

– Ги слушам лажните храбрења на Филипче, зад кои стои стравот од соочување со одговорност. Вистината е дека има над 80 пријави кои седат во фиоките на обвинителството, а клучот на тие фиоки е некаде на Бихаќка. Тој клуч ќе се добие и ќе се отвори по овие избори – изјави Мицкоски.

Лидерот на ВМРО-ДПМНЕ нагласи дека новата власт ќе спроведе длабоки реформи во правосудството, а процесот на прочистување, како што рече, нема да зависи од политичка волја, туку исклучиво од законот и Уставот.

– Нема да има конечна правда додека законот не ги допре и тие во судството и обвинителството. Со оваа тема лично ќе се занимавам веднаш по изборите. Правдата ќе ги допре сите оние што денес се удираат во гради. Верувајте, кога ќе се соочат со законот, нема да бидат ниту толку храбри ниту толку гласни – порача Мицкоски.

Тој додаде дека „мора да има катарза на тоа политичко мочуриште“ и повтори дека „од правдата нема бегство“.

Кандидатот за градоначалник на Бутел од редовите на ВМРО-ДПМНЕ, Дарко Костовски на митингот ја истакна досегашната работа на општината и најави нови проекти во интерес на граѓаните.

– Ги насочуваме ресурсите таму каде што најмногу се чувствува потребата за детските игралишта, јавните површини, локалните училишта, социјалната помош, детските градинки, спортот и грижата за здравјето на граѓаните – изјави Костовски.

Тој потсети дека во изминатиот период се изградени две градинки во Бутел 1 и Бутел 2, ново училиште во Визбегово, плоштад, мега парк во Радишани, уредено корито и трим-патека на Серава, како и над 100 улици и повеќе спортски центри.

– Изградивме пет спортско-рекреативни центри, 13 спортски терени, 10 детски игралишта, а во образованието вложивме 215 милиони денари. Општината стипендира 400 спортисти – додаде Костовски.

Костовски најави дека тендерот за изградба на новата поликлиника веќе е распишан и дека тоа е проект што жителите го очекувале повеќе од 30 години.

– Овие средства не се од кредит, ниту од буџетот на општината, туку директно заложба на нашиот претседател. Благодарност до Мицкоски, ова е историски проект за Бутел – рече Костовски.

Тој најави изградба на два нови мега парка, нов културен дом, две училишта во Љубанци и Љуботен, три нови градинки во Радишани, Бутел и Визбегово, како и пет нови спортско-рекреативни центри.

Носителот на советничката листа на ВМРО-ДПМНЕ за Град Скопје, Даме Димитровски во своето обраќање порача дека коалицијата има јасна визија и конкретни решенија за подобрување на животот во главниот град.

– Имаме девет темелни политики кои се темелат на наука, европски искуства и практични решенија. Тоа се чист воздух, модерен превоз, јавни простори, велосипеди и мобилност, безбеден сообраќај, култура, иновации и чесно управување – нагласи Димитровски.

Тој додаде дека ВМРО-ДПМНЕ нема да дава празни ветувања, туку ќе спроведе конкретни активности за подобро Скопје.

– Ова не се само зборови, ова се наши работни задачи за подобро утре – рече Димитровски, повикувајќи ги граѓаните на 19 октомври да гласаат за број 9.

The post „КЛУЧОТ Е НА БИХАЌКА, НО НЕМА БЕГАЊЕ ОД ПРАВДАТА“ Мицкоски вели дека над 80 пријави стојат во фиоките на Обвинителството appeared first on plusinfo.mk.