Ако Филипче заборавил, граѓаните знаат дека СДСМ е власт во општина Гостивар заедно со Ахмети и Таравари – истакна на денешната прес-конференција пратеникот на ВМРО-ДПМНЕ, Бране Петрушевски.

Тој потесети на предизборните пораки на лидерот на СДСМ, како поддршка на локалните избори за кандидатот Ваблон Лимани.

– „Апелирам да ги мобилизираме што повеќе членовите и да му дадеме поддршка на Валбон“, порача Филипче во предизборието на повторените локални избори во Гостивар. Филипче во повикот за поддршка на Валбон Лимани вели дека партијата има сериозни шанси да биде дел од идната локална власт, со цел да се обезбеди поддршка за сите граѓани на Гостивар – потсети Петрушевски.

Тој рече дека СДСМ, ДУИ и Таравари покажале дека за нив одговорноста важи само кога станува збор за политички противници.

– Додека секојдневно бараат оставки и политичка одговорност од сите други, сѐ уште молчат и не бараат одговорност од својот кандидат Валбон Лимани. Локалното раководство кое раководи со општина Гостивар, а е предводено од СДСМ, ДУИ и Таравари, не успеа да го реши проблемот со загадената вода, па затоа владините институции мораа да ја земат работата во свои раце и да ја решат кризата во рекорден период. Се обезбеди флаширана вода за граѓаните, се користи повторно водата за техничка употреба, а во наредните денови ќе се обезбеди водата да биде користена и за пиење.

Токму тоа се двојните стандарди на СДСМ, ДУИ и Таравари. Кога нивен функционер ќе потфрли, нема критика, нема осуда, нема барање за одговорност, туку молк и заштита. Граѓаните гледаат дека за СДСМ, ДУИ и Таравари принципите важат само кога им одговараат политички. Одговорноста не смее да зависи од тоа на која партија и припаѓа некој функционер – рече Петрушевски.

The post ИСПЛИВАА ДВОЈНИТЕ СТАНДАРДИ НА СДСМ, ДУИ И НА ТАРАВАРИ Бараат одговорност од сите, но од своите не appeared first on plusinfo.mk.

Венко Филипче нема легитимитет и кредибилитет да говори за здравствениот систем, рече денеска пратеникот Бране Петрушевски од ВМРО-ДПМНЕ.

– Кога Филипче зборува за здравство, граѓаните се сеќаваат на модуларната болница во Тетово и на 14-те живи изгорени граѓани. Ним наместо да им се продолжи животот, прерано им заврши поради немање минимум технички спецификации, кои Филипче не ги испорачал – рече Петрушевски.

Кога Филипче зборува за здравство, додаде, на граѓаните им текнува на погромот во ковид кризата, кога Македонија беше меѓу првите со најголема смртност по глава на жител.

– Кога Филипче зборува за здравство, нè потсетува и на провизиите кои сакаше да ги заработи преку Стабри вакцините, преку фирма која се занимаваше со продажба на тропски овошја. Кога Филипче зборува за здравство, тој говори за аферата „Крвави тендери“, кога со сила го туркаше проектот за набавка на тестови и реагенси за крвни анализи вреден 35 милиони евра. Затоа Филипче е последниот кој треба да говори за начинот како треба да се води здравствениот систем – рече Петрушевски.

ЌЕ ИМА ОДГОВОРНОСТ ЗА ТРУЕЊЕТО ВО ГОСТИВАР Нема да е виновен кабелот наместо Филипче, како што беше при пожарот во тетовската болница

The post 14 ЖИВИ ИЗГОРЕНИ, МРТВИ ВО КОВИД-КРИЗАТА, ПРОВИЗИИ ЗА ВАКЦИНИ, КРВАВИ ТЕНДЕРИ… Филипче нема кредибилитет да говори за здравствениот ситем appeared first on plusinfo.mk.

Со дипломатскиот преседан од страна на Бугарија, односно со објавувањето на документ што содржи чувствителни информации поврзани со безбедноста на претседателот Мицкоски и неговото семејство, македонската јавност очекуваше јасна осуда и извинување од официјална Софија, а наместо тоа, добивме извртување на темата и бегање од одговорност, рече денеска пратеникот на ВМРО-ДПМНЕ, Бране Петрушевски.

– Од друга страна пак, од специјалниот бугарски пратеник Венко Филипче не слушнавме ниту еден збор осуда за објавувањето на оваа дипломатска нота, што е скандалозно по секоја основа. За Филипче ова очигледно не е тема што заслужува реакција – рече Петрушевски.

Молкот на Филипче е негов политички избор, нагласи тој.

– Исто како што никогаш не реагира кога од Бугарија се негираат македонскиот јазик, идентитетот, историјата и културата, така и сега избра да премолчи дипломатски скандал без преседан. Со таквиот однос Филипче испраќа порака дека за него е поважно да не ги наруши односите со своите политички истомисленици во Бугарија, отколку да застане во одбрана на македонските државни интереси – рече Петрушевски.

The post ШТО ПОРАЧУВА ФИЛИПЧЕ СО МОЛКОТ ЗА БУГАРСКИОТ ДИПЛОМАТСКИ СКАНДАЛ? Поважни му се односите со Софија од македонските национални интереси appeared first on plusinfo.mk.

Пратеникот на ВМРО-ДПМНЕ, Бране Петрушевски побара претседателот на СДСМ Венко Филипче да го осуди објавувањето на дипломатската нота со податоци за престојот на семејството на премиерот Христијан Мицкоски во Бугарија.

– Специјалниот бугарски пратеник Венко Филипче наместо молк, да го осуди преседанот во дипломатијата, откако преку неговите партнери од Бугарија излезе дипломатска нота со која се наруши безбедноста на семејството на премиерот Мицкоски. Политичките партнери на Филипче, бугарските власти предводени од Румен Радев, кои ни го негираат македонскиот идентитет, јазик, култура и историја, направија дипломатски преседан со објавување на дипломатска нота, со којашто директно се нарушува безбедноста на семејството на претседателот Мицкоски. Во документот за којшто сè уште нема извинување од официјална Софија, објавен на социјалната мрежа Фејсбук, јасно се гледаат детали околу информациите за службените возила, имињата на патниците, местото во кое е сместено семејството на претседателот Мицкоски, како и радиофрекфенцијата на која комуницирало обезбедувањето – рече Петрушевски.

Овие сигнали којшто ги испраќа Бугарија даваат јасен знак дека патот за Македонија во ЕУ нема да биде лесен, туку ќе биде испреплетен и полн со предизвици и притисоци, додаде тој.

– И наместо осуда од специјалниот бугарски пратеник во Македонија, Венко Филипче, тој молчи и продолжува да соработува со оние коишто не нè признаваат, а тоа се властите во Бугарија предводени од Румен Радев. Македонија нема да се предаде и откаже. Ваквите притисоци и уцени од соседна Бугарија ни даваат само поголем мотив на чесен, достоинствен и исправен начин да се трудиме да бидеме дел од европското семејство – рече Петрушевски.

БУГАРСКИОТ АМБАСАДОР ВО СКОПЈЕ БИЛ ИТНО ПОВИКАН ВО МНР ПОРАДИ ПРОТЕЧЕНАТА НОТА Скопје бара темелна истрага за тоа како патувањето на сопругата и синот на Мицкоски се нашло во јавноста

The post ВМРО-ДПМНЕ БАРА ФИЛИПЧЕ ДА ГО ОСУДИ ДИПЛОМАТСКИОТ СКАНДАЛ НА БУГАРИЈА Молк од СДСМ наместо осуда за нарушената безбедност на семејството на премиерот appeared first on plusinfo.mk.

Во емисијата „Топ Тема“ на Телма телевизија гостуваше пратеникот од ВМРО-ДПМНЕ, Бране Петрушевски, кој истакна дека законите од областа на правосудството се носат низ транспарентна постапка, со вклучување на јавноста и експертската фела.

– Овие закони, кои се дел од Планот за раст, ги носиме низ транспарентна постапка, нешто што не беше случај во минатото. За секој закон имаме јавна расправа, каде што се слушаат експертски мислења, што придонесува за квалитативно подобрување на законските решенија. На крајот, она што е најважно е мислењето од Европската комисија, кое сакаме да го имплементираме. Конкретно за законите од областа на правосудството, суштината е тие да се носат низ транспарентна постапка – рече Петрушевски.

Тој посочи дека во изминатите две години биле организирани двојно повеќе јавни расправи отколку што биле одржани во четиригодишниот мандат на претходната влада, што, според него, претставува значителен исчекор во транспарентноста при носењето на законите.

– За овие две години сме имале двојно повеќе јавни расправи отколку што имала претходната влада за четири години. Тоа значи дека имаме сериозен исчекор во транспарентноста, јавноста и објективноста при носењето на законите. Секој амандман ќе биде сериозно разгледан и анализиран и верувам дека низ една транспарентна постапка ќе дојдеме до најдобрите решенија – посочи Петрушевски.

Во своето гостување тој упати критики кон опозицијата, оценувајќи дека претходната власт не спровела суштински реформи во правосудството и оставила систем со ниска доверба кај граѓаните.

– Ако споредиме со периодот кога ништо не беше направено, а сега слушаме критики од истите луѓе кои не сменија ниту еден член од тие реформски закони, мислам дека тоа не соодветствува со реалноста. Особено ако се има предвид дека две години не се долг период. До пред само две години овие пратеници кои денес седат во опозициските клупи беа на високи позиции во Владата. Зошто тогаш не оставија подобра стартна позиција за оваа Влада, за денес да можеме да разговараме за покрупни реформски чекори кои би можеле да ги преземеме и од финансиски и од легислативен аспект? Напротив, ни оставија руинирано правосудство со доверба од само два проценти – изјави Петрушевски.

The post ДВОЈНО ПОВЕЌЕ ЈАВНИ РАСПРАВИ ЗА ДВЕ ГОДИНИ Петрушевски вели дека законите се носат со учество на експерти appeared first on plusinfo.mk.

Венко Филипче отворено покажува дека е подготвен да оди и чекор подалеку од својот претходник Зоран Заев кога станува збор за исполнување на бугарските барања, рече денеска пратеникот на ВМРО-ДПМНЕ, Бране Петрушевски.

– Додека Бугарија продолжува да ги оспорува македонскиот јазик, историја и идентитет, Филипче им објаснува на граѓаните дека нема причина за загриженост, затоа што за него националното предавство не е никаков проблем. Наместо да ги осуди ваквите бугарски позиции, тој ги релативизира и создава простор за нивно прифаќање – рече Петрушевски.

За Филипче, додаде тој, нема црвени линии, нема национални позиции и нема државни интереси кои не би ги ставил на маса доколку процени дека така полесно ќе дојде до власт.

– Истата матрица ја гледавме кај Заев, а денес Филипче ја нуди во уште порадикална форма. Очигледно е дека Филипче не ја бара довербата од македонскиот народ, туку од оние кои со години вршат притисоци врз Македонија. Затоа и е најгласен кога треба да се оправдаат бугарските услови, а најтивок кога треба да се бранат македонските позиции – потенцира Петрушевски.

Граѓаните веќе еднаш ја платија цената на политиките на СДСМ и на Заев, додаде тој.

– ВМРО-ДПМНЕ заедно со народот нема да дозволат истото сценарио повторно да се реализира преку Венко Филипче. Македонија нема потреба од политичари кои бараат власт преку национални отстапки, туку од лидери коишто знаат да кажат „не“ кога се загрозени македонскиот идентитет, јазик, култура и историја – рече пратеникот на ВМРО-ДПМНЕ.

The post НАЦИОНАЛНО ПРЕДАВСТВО НЕ Е ПРОБЛЕМ ЗА ФИЛИПЧЕ Лидерот на СДСМ создава простор за прифаќање на бугарските позиции appeared first on plusinfo.mk.

Заврши времето кога со слугување на агенди на туѓи држави се доаѓаше на власт во Македонија. Тој филм СДС веќе не го гледа, му порача пратеникот на ВМРО-ДПМНЕ Бране Петрушевски на лидерот на СДСМ Венко Филипче.

– Граѓаните сакаат достоинствен и предвидлив евроинтегративен пат, со гаранции дека нема веќе да има барања за идентитетски отстапки. Тоа ВМРО-ДПМНЕ го слуша и заедно, во сојуз со народот, ќе се избориме за заслуженото место на масата во ЕУ – додаде Петрушевски.

Според него, Филипче не само што не се разликува од Зоран Заев, туку е негова надградена верзија.

– Заев ги излажа граѓаните дека не доаѓа на власт за да го смени името, туку бараше доверба од граѓаните, небаре да донесе правда и живот за сите во Македонија. А Венко Филипче, не се крие дека сака да дојде на власт за да изврши национално предавство, да ги прифати и спроведе бугарските ултиматуми, на штета на македонскиот национален идентитет. Кога го менуваше името на државата, Заев ја убедуваше македонската јавност дека Македонија богато ќе ја омажи, додека пак Филипче сега од опозиција ги убедува дека македонскиот идентитет не е загрозен, наспроти јасните ултиматуми и негирања од страна на Бугарија. Бугарските власти не ги кријат нивните ставови и барања, тие сакаат македонската историја, јазик, култура, да се прогласат како дел од бугарската. И за тоа во Македонија си најдоа специјален пратеник, Венко Филипче, кој се претворил во пион на Радев и е најгласен да се прифати бугарскиот наратив и Бугари во Устав – рече Петрушевски.

Тој повтори дека Филипче отворено и беспоговорно прифаќа сѐ од Бугарија, во надеж дека некој од надвор ќе го донесе на власт, како што некогаш го донесоа Зоран Заев со изгубени избори.

The post ЗАВРШИ ВРЕМЕТО НА СЛУГУВАЊЕ НА АГЕНДИ НА ТУЃИ ДРЖАВИ Порака од Петрушевски до Филипче appeared first on plusinfo.mk.

Собранието не треба да ја ограничува дебатата околу Законот за правична застапеност, вели пратеникот од ВМРО-ДПМНЕ, Бране Петрушевски.

Тој порача дека е потребно нешто ново, а не истата алатка од претходно, нешто кое што ќе биде модерно и ќе го рефлектира она кон што Македонија се стреми – да биде европска држава, а истовремено ќе го исполнува уставното начело на правична застапеност во земјава.

– Тоа е барање на опозицијата. Тие излегоа на самиот Комитет со свое барање, начинот како ќе се гласа, со каков бадентер ќе се гласа овој закон. Претседателот на комисијата тоа барање им го удоволи и мислам дека е добро. Не треба да бегаме од дебата. Собранието е домот на демократијата и не треба да се преземаат мерки кои што ќе значат ограничување на дебатата – рече Петрушевски во гостување на Алсат.

Тој посочи дека во минатото постоеле примери кога се избегнувале дебати за општествени проблеми. Според него, дебатата во Комитетот за односи меѓу заедниците се претворила во дневнополитичка полемика, со дневнополитички фолклор и не била суштинска, а како што вели тој, на ВМРО-ДПМНЕ му е важно да се исполни намената за која што се носи еден закон.

– Да имаме правична застапеност во Република Македонија. Тоа е суштината на носење на овој закон. Дневниот политички фолклор имаат можност партиите да го водат и преку прес-конференциите од своите штабови. Не слушнав конкретен предлог, со којшто би се подобрил текстот на законското решение, кое што се носи во еден инклузивен процес, за кое што, исто така, имаме добиено позитивно мислење. Се надевам и сум убеден дека ова законско решение ќе биде подобро од претходно, кога немавме законско решение – вели Петрушевски.

Тој потенцираше дека претходно постоела само алатка, за која сегашната опозиција, на 23 јуни 2023 година, на седница на Влада побарала да биде тргната, затоа што го изминала времето и не била ефикасна.

The post СЕ НОСИ МОДЕРНО РЕШЕНИЕ ЗА ПРАВИЧНАТА ЗАСТАПЕНОСТ Политичкиот фолклор е за прес-конференции, дебатата е за во Собранието appeared first on plusinfo.mk.

Трпе Деаноски од УПОЗ за луксуз и за спортски игри во Црна Гора потрошил над 60.000 евра, пари на синдикалците кои од својата плата ги даваат за чланарина, рече денеска Бране Петрушевски, пратеник на ВМРО-ДПМНЕ.

– Лажната скромност на синдикалците како Трпе Деаноски од УПОЗ излезе на виделина. Додека во Македонија вели дека се мали платите и дека се борел за поголеми плати, дека граѓаните живееле во сиромаштија и мизерија, Трпе Деаноски во Црна Гора се луксузира на трошок на неговите синдикалци. Трпе Деаноски, претседател на синдикатот на УПОЗ и дел од раководството на ССМ, ги троши парите од чланарините на синдикалците за луксуз, шетање и за организирање  спортски игри – рече Петрушевски.

Преку синдикатот на УПОЗ тој организирал луксузни спортски игри, кои траеле 4 дена, но не во Скопје, Охрид, Дојран или во Струмица, туку во атрактивното и луксузно туристичко место Чањ, во Црна Гора, додаде Петрушевски.

– На Трпе Деаноски мала му е Македонија и нашите туристички капацитети, па затоа одлучил спортските игри на УПОЗ, кои многупати се одржувале во Македонија, овој пат да ги одржи во Црна Гора и за тоа да потроши над 60.000 евра. Синдикалците на батерии си го покажаа вистинското лице. Пред камерите глумат загрижени и борци за поголеми плати, а позади камерите се луксузираат на грбот на своите членови – вели Петрушевски.

The post ЛУКСУЗ И СПОРТСКИ ИГРИ ВО ЦРНА ГОРА СО 60.000 ЕВРА ОД РАБОТНИЦИТЕ Синдикалците на батерии си го покажаа вистинското лице appeared first on plusinfo.mk.

Венко Филипче денес се радува што Бугарија потврдила дека уставните измени биле „европско, а не билатерално прашање“, објави пратеникот на ВМРО-ДПМНЕ, Бране Петрушевски.

„Па нормално дека ќе го потврдат тоа! Токму СДСМ дозволи бугарските уцени да станат дел од нашиот преговарачки процес, поради неговата сервилност, неспособност и криминално владеење. Филипче нема ниту морално право, ниту политички кредибилитет да зборува за Европа“, објави Петрушевски на Фејсбук.

Официјална Софија и СДСМ зборуваат со ист речник и со исти тези, додаде тој, а разликата е што Бугарија ги брани своите, а Филипче упорно им штети на македонските национални позиции.

„Со ВМРО-ДПМНЕ Македонија ќе оди кон Европа само исправена, достоинствена и со зачуван идентитет, а не понижена и на колена како што ја остави СДСМ“, порача Петрушевски.

The post БУГАРИЈА ГИ БРАНИ СВОИТЕ, А ФИЛИПЧЕ ИМ ШТЕТИ НА МАКЕДОНСКИТЕ ИНТЕРЕСИ Софија и СДСM зборуваат со ист речник appeared first on plusinfo.mk.