Со скандалот на Славјанка Петровска вреден 37 милиони евра, Венко Филипче јасно потврди дека владеењето на СДСМ со државата било полно со криминал и корупција, рече денеска пратеникот на ВМРО-ДПМНЕ, Бране Петрушевски.

– Во случајот со набавката на хеликоптери од „Леонардо“, иако цената на набавката која ја направила Славјанка чинела 213 милиони евра, таа нагло рипнала за 37 милиони евра повеќе во 2024 година за време на техничката влада. И тука Филипче јасно и гласно посочи дека станува збор за кривично дело и дека треба да се истражи – рече Петрушевски.

И му благодариме за признанието, додаде тој.

– Но, исто вака гласен Филипче треба да е и за тоа како добил златна виза за Дубаи, како добил автомобил од фирма која добива тендер за ископ на јаглен, треба да каже како менуваа ДУП во Дојран за изградба на фотоволтаична централа на фирма на неговиот брат и на братот на Заев. Има многу признанија кои Филипче треба да ги истакне во јавноста, но се надеваме дека ова е само почеток и го охрабруваме да не молчи. Вистината излегува на виделина – рече Петрушевски.

The post СО СКАНДАЛОТ ЗА ХЕЛИКОПТЕРИТЕ ОД 37 МИЛИОНИ ЕВРА ФИЛИПЧЕ ПОТВРДИ ДЕКА СДСМ ВЛАДЕЕШЕ КРИМИНАЛНО Сега нека каже и како доби златната виза за Дубаи и скап автомобил appeared first on plusinfo.mk.

Пратеникот Венко Филипче да каже зошто досега молчел и не се обратил до Јавното обвинителство за скандалот на Славјанка Петровска вреден 37 милиони евра при набавката на воени хеликопери, рече денеска пратеникот на ВМРО-ДПМНЕ, Бране Петрушевски.

– Дали распукувањето на калимерата меѓу овие двајца пратеници од редовите на СДСМ, воедно и поранешни владини функционери, го натера пратеникот Филипче да прозбори за, како што вели тој, скандал вреден 37 милиони евра на пратеничката Славјанка Петровска, додека ја извршувала функцијата министерка за одбрана. Доколку Филипче знаел за ова, а не пријавил, тој по којзнае кој пат прави кривично дело – рече Петрушевски.

Непријавување кривично дело или сторител е казниво согласно член 364 од Кривичниот законик и за тој што свесно ќе пропушти да пријави кривично дело, додаде Петрушевски.

– А со оглед на тоа дека Филипче јавно говореше за сторено кривично дело од Петровска, го повикуваме ЈО да го повика Филипче на информативен разговор и да ги обелодени сите информации кои ги има, а се поврзани со овој случај – рече пратеникот Петрушевски.

The post ОБВИНИТЕЛСТВОТО ДА ГО РАСПИТА ФИЛИПЧЕ ЗА НАБАВКАТА НА ХЕЛИКОПТЕРИ ИЗВРШЕНА ОД ПЕТРОВСКА Петрушевски потсети дека непријавувањето кривично дело е казниво appeared first on plusinfo.mk.

Венко Филипче, кој е познат како личност која се спротивставува на сè, само колку да биде против сè што е корисно за граѓаните и државата, исто така е познат, заедно со неговиот другар и учител Зоран Заев, и како предавник, рече денеска пратеникот на ВМРО-ДПМНЕ, Бране Петрушевски.

– Филипче вели – прво Бугари во Устав, па сè друго. Добро знаеме дека предавничкиот момент им е карактеристика, но ова укажува дека е на повидок договор за ново предавство. Ова отвора низа дилеми и прашања, меѓу кои главното е тоа дали има комуникација помеѓу Румен Радев и Зоран Заев? Потоа следи и прашањето зошто Филипче не зборува за заштита на македонскиот идентитет – рече Петрушевски.

Јавноста заслужува да знае дали навистина зад овој став на Филипче е некој нов бизнис договор, додаде тој,

– И додека талогот од СДСМ и Филипче и неговиот учител знаат само да продаваат сè македонско за да им поминуваат бизнис интересите, ВМРО-ДПМНЕ има јасен став. ВМРО-ДПМНЕ е за Македонија во ЕУ, но не прифаќа ништо што се прави под диктат од официјална Софија. Затоа, и на поканата од креаторот на бугарското вето, Красимир Каракачанов, кон претседателот Христијан Мицкоски да присуствува во Софија на пречекот на останките на Цар Самуил, одговорот е јасен – адресата е погрешна, поканата треба да оди на адресата на Заев и на Филипче – рече Петрушевски.

The post ИМА ЛИ КОМУНИКАЦИЈА МЕЃУ ЗАЕВ И РАДЕВ? Петрушевски предупредува за договор за ново предавство appeared first on plusinfo.mk.

Венко Филипче и СДСM, чија политика се темели на тоа да се биде контра на ставовите на власта колку да кажат дека имаат различен став, деновиве доживува дополнителен дебакл, рече денеска пратеникот на ВМРО-ДПМНЕ, Бране Петрушевски.

– Наместо консолидација во редовите на опозицијата, што е здрава поставеност на политичката сцена, јавноста од викендов сведочи на дополнителни поделби. Јавноста сведочи на распад во живо. Наместо заеднички опозициски фронт, се множат фракции, суети и меѓусебни пресметки проткаени со низа на навреди. Во и онака слабиот СДСМ, кој е пред распаѓање, јасна политичка алтернатива сè помалку е на повидок, контрашот Филипче треба да разбере дека ставот да се биде само против е погубен – рече Петрушевски.

ВМРО-ДПМНЕ како политичка партија, сега од позиција на власт, секако дека ги анализира сите политички појави и движења, додаде тој.

– Нашиот став е многу јасен. Прво, ВМРО-ДПМНЕ смета дека тоа е нивна внатрешна работа и не ни помислува да се меша и второ, ако се прашува некој дали ни одговара или не, секако дека ни одговара, но тоа не е здраво за демократските процеси во државата. ВМРО-ДПМНЕ јасно порачува, народот не треба да се потценува, секој еден граѓанин знае зошто се определил за нас, а дал црвено светло за СДСМ. Филипче ако сака да ја консолидира СДСМ треба да знае дека ставот да се биде исклучиво против може да даде само еден резултат, а тоа е тонење и исчезнување на СДСМ. Затоа за добро на граѓаните и на државата потребна е побрза консолидација – рече Петрушевски.

The post ЈАВНОСТА СВЕДОЧИ НА РАСПАД ВО ЖИВО НА СДСМ Владејачката ВМРО-ДПМНЕ ги анализира случувањата и не се меша appeared first on plusinfo.mk.

Додека Владата работи на подобрување на условите за граѓаните, во опозицијата се случува хаос, оцени денеска пратеникот на ВМРО-ДПМНЕ, Бране Петрушевски, обвинувајќи го лидерот на СДСМ, Венко Филипче, дека наместо да се занимава со проблемите во сопствената партија, вината ја бара во владејачката партија.

– Додека надлежните од власта работат на сите полиња што водат кон подобри услови во државата за секој еден граѓанин, во опозицијата се случува хаос – изјави Петрушевски на прес-конференција.

Тој се осврна на актуелностите околу СДСМ и на политичките активности на премиерот Христијан Мицкоски во САД.

Според Петрушевски, Мицкоски во САД има динамична агенда насочена кон привлекување нови инвестиции во Македонија, продлабочување на партнерствата со САД и НАТО, како и изнаоѓање начини за забрзување на процесот на интеграција во Европската Унија.

– Во меѓувреме, во опозицијата наместо консолидирање и размислување што би им понудиле реално на граѓаните, се случува циркус – рече Петрушевски.

Тој тврди дека во СДСМ има спротивставувања меѓу актуелното раководство и поранешни, но и актуелни функционери на партијата.

– Од една страна Венко Филипче и талогот на СДС, од друга страна поранешни функционери на СДС, но и актуелни се поставуваат контра Филипче – изјави пратеникот.

Петрушевски го обвини Филипче дека наместо да се занимава со состојбите во сопствената партија, критиките ги насочува кон ВМРО-ДПМНЕ.

– И во сиот овој циркус, Филипче наместо да си ја гледа домашната работа, тој ја обвинува ВМРО-ДПМНЕ. Сè додека за Филипче само другите се виновни, СДС тешко дека може да се извлече од дното – рече тој.

Петрушевски порача дека ВМРО-ДПМНЕ, според него, нема намера да се меша во внатрешните односи во СДСМ.

– На Филипче и талогот од СДС повторно ќе им порачаме, прво, на ВМРО-ДПМНЕ му одговара ваков СДС, а ВМРО-ДПМНЕ ниту сака, ниту има намера да се меша во нивната внатрешна работа – изјави Петрушевски.

Тој додаде дека, според него, фокусот на владејачката партија е на реализација на проекти.

– Единствено нешто што прави ВМРО-ДПМНЕ е спроведување проекти во интерес на граѓаните и државата – заклучи пратеникот.

Изјавите на Петрушевски се партиски ставови и оценки за состојбите во опозицијата.

The post ВО ОПОЗИЦИЈАТА СЕ СЛУЧУВА ЦИРКУС Петрушевски му порача на Филипче да не ја бара вината во ВМРО-ДПМНЕ appeared first on plusinfo.mk.

Венко Филипче со јавните настапи изгледа очајно, а партијата му е во изумирање, па затоа нека се посвети малку на консолидирање, му порача денеска пратеникот на ВМРО-ДПМНЕ, Бране Петрушевски.

– Венко Филипче и актуелното раководство секој ден се противат на сè што води кон економски раст и подобар животен стандард. Секој ден се противат на нешто и најавуваат блокади. Филипче вели дека СДСМ ќе го блокира отворањето на нови рудници. СДСМ е и против нови индустрии и дата центри. Исто така, секој ден вели дека нема да дозволи распродажба на Македонија, а токму Зоран Заев даде сè што можеше да даде, и со речникот на Филипче, распродаде – рече Петрушевски.

Очигледно има една цел, да се задржи на политичката сцена и ништо повеќе, бидејќи партијата му е во изумирање, додаде тој.

– Со ова Филипче покажува дека нема капацитет разумно да расудува и да размислува. А има само еден факт и тој е јасен – токму криминалите и распродажбата на државата го сместија СДСМ во длабока опозиција – вели Петрушевски.

The post ПАРТИЈАТА НА ФИЛИПЧЕ Е ВО ИЗУМИРАЊЕ Се противат на рудници, дата центри, на сè што води кон економски раст appeared first on plusinfo.mk.

Венко Филипче рече дека Македонија не е на продажба откако со Зоран Заев ја распродадоа за стан, зграда и златна виза за Дубаи, рече денеска пратеникот на ВМРО-ДПМНЕ, Бране Петрушевски.

– Филипче со Заев го променија името на државата и ветуваа членство во ЕУ, а добивме само слика од авион. Филипче и Заев ветуваа бесплатно здравство, а добивме провизии за вакцини, провизии за модуларни болници и провизии за тендери и набавки. Филипче вели дека Македонија не била за продажба, а има потпишан бланко лист за барањата на Бугарите – рече Петрушевски.

Филипче е директно против Македонија, додаде тој.

– На Филипче му пречи успехот на Македонија. Затоа е против дата центри, рудници и фабрики. Ама не е против бугарски фирми, златни визи и акции во индиски авиокомпани. Исто така, на Филипче му пречи Дејвид Гета, ама не му пречи Харис Џиновиќ. Тоа се двојните стандарди на Филипче и СДСМ. Затоа и ќе бидат вечна маргинална опозиција – рече Петрушевски.

The post ФИЛИПЧЕ РАСПРОДАВАШЕ ВО ДУБАИ, ВО БУГАРИЈА, А СЕГА ВЕЛИ МАКЕДОНИЈА НЕ Е НА ПРОДАЖБА Со двојните стандарди ќе остане вечна маргинална опозиција appeared first on plusinfo.mk.

„Македонија не смее да ја пропушти новата индустриска револуција! Како инженер по информатика, а денес и како пратеник, на дата-центрите гледам како на критична инфраструктура за иднината на Македонија. Прашањето не е дали светот ќе користи дата-центри. Ќе користи! Прашањето е: дали Македонија ќе биде дел од таа инфраструктура или ќе им плаќа на други држави за нивните услуги?“.

Вака се посочува во соопштението на ВМРО-ДПМНЕ од фејсбук-објавата на Бране Петрушевски, пратеник на ВМРО-ДПМНЕ. Во прилог целата објава:

„Европскиот пазар на дата-центри е огромен и расте со развојот на облак-технологиите, ВИ и дигиталните услуги.

Затоа Македонија треба да гради и да привлекува дата-центри. Тие се инфраструктурата на иднината.

Облак-технологиите, ВИ, дигиталните услуги и кибербезбедноста зависат од физичка инфраструктура. Ако немаме сопствена сериозна дата-инфраструктура, ќе бидеме корисници на туѓа.

Затоа е важно што државата го поставува националниот дата-центар како основа за government cloud, поголема кибер безбедност и развој на ВИ.

Македонија може да стане регионален дигитален хаб.

Имаме поволна геостратешка положба, оптичка поврзаност и пристап до европската електроенергетска мрежа преку ENTSO-E. Тоа се сериозни предуслови за привлекување на вакви инвестиции.

А дата-центарот не е само зграда со сервери. Околу него се создава цел екосистем: ИТ-инженери, облак-инженери, cyber-security експерти, систем-администратори, електроинженери, телекомуникациски компании, градежни компании, компании за електромонтажни работи, ладење, одржување, логистика, физичко обезбедување и консалтинг.

Дата-центрите може да донесат сериозен странски капитал. Тие се капитално интензивни инвестиции. А кога една земја ќе стане погодна локација за ваква инфраструктура, таа станува поатрактивна и за други компании, кои зависат од неа.

Тоа значи инвестиции, нови услуги, нови знаења и диверзификација на економијата.

А можеби најважното, Македонија мора да биде подготвена за ВИ. Дата-центрите се едни од клучните инфраструктури за следните 10 години.

ВИ бара огромна процесорска моќ, податоци и инфраструктура за нивна обработка.

Ако сакаме Македонија да има сериозна ВИ-индустрија, стартапи, истражување и напредни дигитални услуги, мора да имаме и каде физички да се извршуваат тие процеси.

И, да, дата-центрите трошат многу енергија. Токму затоа треба да ги искористиме како катализатор за нова енергетска инфраструктура.

PPAs со обновлива енергија, батериски системи за складирање и паметно управување со потрошувачката може да поттикнат нови инвестиции во обновливи извори и модернизација на електроенергетската мрежа.

Затоа мојот став е јасен:

Не треба да бидеме против дата-центрите. Треба само да бидат добро планирани и во рамките на сите утврдени стандарди.

Со јасни правила за енергија, вода, инфраструктура, кибербезбедност и економска корист за државата, дата-центрите може да ја направат Македонија посилна економски, енергетски и дигитално.

Не смееме да ја пропуштиме новата индустриска револуција. Македонија мора да биде дел од неа.

На крајот, ќе бидам директен: оние што се против дата-центри во Македонија, се против развојот на Македонија“, вели Петрушевски од ВМРО-ДПМНЕ.

The post АКО НЕ ИЗГРАДИМЕ СВОИ ДАТА-ЦЕНТРИ, ЌЕ ЗАВИСИМЕ ОД ТУЃИ Македонија има шанса да привлече големи инвестиции appeared first on plusinfo.mk.

СДСМ и актуелното раководство никако да почнат барем малку да личат како сериозна опозиција, рече денеска пратеникот на ВМРО-ДПМНЕ, Бране Петрушевски.

– Претседателот на СДСМ, Венко Филипче е на Егејот заедно со својот другар Зоран Заев, но влијае на оние кои ги остави тука, односно, им дава насоки за ширење дезинформации. Овој пат дезинформациите и лагите се од огромни размери, односно, создадоа паника кај граѓаните на Скопје. Со последната лага дека водата во Скопје е небезбедна, Филипче и актуелното раководство на СДСМ си поиграа дури и со здравјето на граѓаните – рече Петрушевски.

Надлежните институции веднаш реагираа, ја демантираа веста со факти, а Министерството за внатрешни работи започна истрага кој е креаторот на хаосот и паниката, додаде тој.

Институциите се на потег за расчистување на случајот, порача Петрушевски.

– За разлика од актуелната власт предводена од ВМРО-ДПМНЕ која се грижи за граѓаните од секој аспект, СДСМ на Заев и Филипче очигледно е дека прават само штети. Ширењето лаги и крерањето атмосфера на паника и хаос, како и одењето на ексклузивни одмори се единствена работа која Филипче и актуелното раководство знаат да ја прават и тоа е нивна специјалност. Филипче и СДСМ треба да прекинат со лагите кои во овој случај се и крајно сериозни. Час поскоро Филипче и СДСМ треба да сфатат дека овие нивни обиди за лаги и ширење паника им нанесуваат штета само ним – рече Петрушевски.

The post СДСМ И ФИЛИПЧЕ НИКАКО ДА ЗАЛИЧАТ НА СЕРИОЗНА ОПОЗИЦИЈА Ги бива само за лаги и за скапи летувања appeared first on plusinfo.mk.

СДСМ е како бунар без дно за ширење паника, што станува опасно за граѓаните, порача денеска пратеникот на ВМРО-ДПМНЕ, Бране Петрушевски.

– Таман човек ќе помисли дека СДСМ го допрел дното, оттаму повторно покажуваат само едно, дека се бунар без дно. Овој пат отидоа дотаму со своите лаги и ширење паника меѓу граѓаните, велејќи дека водата во Скопје е небезбедна за пиење. Оваа дезинформација не е само гола политичка критика, туку е опасна дезинформација. И сето ова го прават очигледно за политички поени, бидејќи ваква неточна, непроверена информација не само што создава паника, туку во крајна линија може да влијае на здравјето на граѓаните – рече Петруушевски.

СДСМ треба да се смири, додаде Петрушевски.

– Нивниот моментален претседател Венко Филипче, кој со својот ментор и партиски другар Зоран Заев се шета по Егејот, треба да се смири и да не се однесува како сонцето да му удрило во глава и да дава вакви насоки за вакво ширење паника. Дополнително, овој обид за дезинформирање на граѓаните и ширење паника покажува само едно – дека СДСМ веќе не знае ни каде удира. Кога немаат што да понудат, останува само политичкото дно, а тоа кај СДСМ очигледно нема крај – рече пратеникот.

Надлежните државни институции, додаде Петрушевски, веднаш реагираа демантирајќи ги со факти, а реагираше и Обвинителството.

– Сепак, се очекува исход од истрагата, бидејќи вакви дезинформации се опасни – рече Петрушевски.

The post СДСМ И ФИЛИПЧЕ ТРЕБА ДА СЕ СМИРАТ Стануваат опасни, веќе не знаат ни каде удираат appeared first on plusinfo.mk.