Венко Флипче секој ден повторува како неговиот став и на неговата СДСМ е членство во ЕУ, за ова зборуваше и викендов во рамки на дебатата во Собранието, но тој како да не сфаќа или не сака да сфати дека слугувајќи му на Зоран Заев не може во ЕУ.

Брисел не бара и не сака само реторика дека некој ја сака Европската Унија, туку бара конкретни дела.

А Филипче и раководството на СДСМ, кое е само марионета на Заев, знаат само да зборуваат дека ќе ја напуштат работата на Собранието во дебата за законски измени за укинување на техничката влада, се противат на законски измени за пратениците да имаат само македонско државјанство и слично.

Ваква реторика Брисел не сака. Брисел бара дела, бара работа на европски стандарди, а како може тоа да се очекува кога единственото нешто што Филипче го знае е да ги тера старите политики на Заев, меѓу кои се и националните предавства.

Филипче треба го гледа сопствениот двор и да ја постави СДСМ на свои нозе. Не може човек кој ја води својата партија кон пропаст да се грижи за државата. Во меѓувреме, Филипче да сопре со лагите за ВМРО-ДПМНЕ и интеграцијата во ЕУ.

Граѓаните сакаат во ЕУ, но сакаат достоинствено, а ВМРО-ДПМНЕ токму тоа го реализира.

ВМРО-ДПМНЕ не само декларативно, туку и суштински ја поддржува и работи на европската интеграција. ВМРО-ДПМНЕ е за достоинствено преговарање, јасни црвени линии и реформи што навистина функционираат, а не само на хартија. ВМРО-ДПМНЕ не е против ЕУ, туку е против лоши договори и неефикасни политики кои се слика и симбол на СДСМ“ – рече Петрушевски.

The post СЛУГУВАЈЌИ МУ НА ЗОРАН ЗАЕВ НЕ СЕ ВЛЕГУВА ВО ЕУ Петрушевски му порача на Филипче да не лаже дека ВМРО-ДПМНЕ е против евроинтеграциите appeared first on plusinfo.mk.

Не помина обидот на Зоран Заев за замолчување и да не се зборува вистината за неговите криминали, судот во Струмица се прогласи ненадлежен за неговата тужба, соопшти ВМРО-ДПМНЕ.

„Правдата знае да доцни, но секогаш го наоѓа патот да излезе на виделина. Помина времето на импровизации и злоупотреби на правниот поредок во државата, за свои цели на одредени поединци или локални моќници. Сега, секој поединец е еднаков пред правосудните органи, нема привилегирани и заштитени, законот важи еднакво за сите. Тоа можеме да го констатираме и од последната одлука Основниот суд во Струмица, кој се прогласи за месно ненадлежен по тужбата поднесена од поранешниот премиер и претседател на СДСМ, Зоран Заев против пратеникот на ВМРО-ДПМНЕ, Бране Петрушевски, во обид да го замолчи да ја зборува вистината“, се вели во соопштението на ВМРО-ДПМНЕ.

Многу веројатно, се додава, Заев ги сметал Струмица и струмичките институции за свој пашалак каде што секој прави како што тој ќе каже и декана ваков начин ќе влијае врз пресудата, па затоа одлучил тужбата да ја поднесе до овој суд.

„Или пак, поранешниот премиер, кој своевремено беше на чело на владиното телото за реформи во правосудството, заедно со својот адвокат – роднина, навистина не разбираат ништо од правото. Тоа што е важно, е што блефови и неиздржани аргументи не поминуваат. Ослободени од стегите, правосудните органи одлучуваат согласно законите, а не според нарачките на и желбите на поединци“, соопшти ВМРО-ДПМНЕ.

Владеење на правото и правна држава во Македонија ќе има и секој кој се огрешил и работел спротивно на закон, ќе одговара, додава партијата.

The post СТРУМИЧКИТЕ ИНСТИТУЦИИ НЕ СЕ ПАШАЛАК НА ЗАЕВ Судот во Струмица му ја одби тужбата против Петрушевски appeared first on plusinfo.mk.

Основниот суд Струмица се прогласи за месно ненадлежен по тужбата поднесена од поранешниот премиер и лидер на СДСМ Зоран Заев против пратеникот од ВМРО-ДПМНЕ Бране Петрушевски, информира самиот Петрушевски на својот профил на Фејсбук.

„Навидум мала, но за мене голема победа против Зоран Заев. Со решение, Основниот суд Струмица се прогласи за месно ненадлежен по тужбата поднесена од Заев против мене. Или поранешниот премиер и претседател на телото за реформи во правосудството, заедно со својот адвокат роднина, навистина немаат поим од правото, или сè уште мислат дека Струмица е нивен личен пашалук, па се обиделе на ваков начин да влијаат врз пресудата.

Како и да е, ваквиот обид на блеферот Заев не помина, а уште помалку успеа во намерата да ме замолчи. Продолжуваме“, нашиша пратеникот Петрушевски.

The post ОТФРЛЕНА ТУЖБАТА НА ЗАЕВ ПРОТИВ ПЕТРУШЕВСКИ Струмичкиот суд се прогласи за месно ненадлежен appeared first on plusinfo.mk.

СДСМ и Филипче наместо да ликуваат на резултати од избори во други држави, нека си се посветат на партијата која е распадната на парчиња, порача денеска Бране Петрушевски, пратеник на ВМРО-ДПМНЕ.

– СДС којашто некогаш беше релевантна и кредибилна, Филипче ја доведе во комбинација со Заев, да тоне сѐ повеќе и повеќе во жива кал и да нема како да излезе од неа. СДС којашто треба да биде главна опозиција и коректив на власта, се занимава со сѐ, само со себе не. Се занимаваат со избори во други држави, а не си ги гледаат своите редови кои им се рушат сѐ повеќе како кула од карти. СДС ликува на победа на партија која е член на Европската народна партија или попозната како ЕПП, партијата Тиса, каде што е член и ВМРО-ДПМНЕ. Од друга страна пак, сестринската партија на СДС и член на Партијата на Европски социјалисти од Унгарија освои 1,18% од гласовите. Тоа е нешто слично со рејтингот кој СДС го има во Македонија, и е многу близок до рејтингот на Филипче. СДС и Филипче прават сѐ, само не си го гледаат сопствениот двор. Наместо да се дистанцираат од политиките на аболицираниот криминалец Зоран Заев кои ги доведоа до ова дереџе, тие продолжуваат по неговите стапки и го величаат како да е најголем светец – вели Петрушевски.

Тој додава дека ако СДСМ продолжи да се однесува вака, им се заканува бришење од политичката сцена.

ВМРО-ДПМНЕ ја честита победата на партијата Тиса и на Петер Маѓар, со кои очекува да ја продолжи билатералната соработка и на државно ниво да работи на интеграцијата во ЕУ.

The post СДСМ ЛИКУВА НА ПОБЕДА НА ПАРТИЈА КОЈА Е ДЕЛ ОД ЕВРОПСКАТА НАРОДНА ПАРТИЈА ВО КОЈА ЧЛЕНУВА ВМРО-ДПМНЕ Петрушевски му порача на Филипче да си гледа во својот двор appeared first on plusinfo.mk.

Дали за промената на деталниот урбанистички план во Тетово, прорускиот бизнисмен Миодраг Давидовиќ-Дака го подмитил Зоран Заев со 4 милиони евра, праша денеска пратеникот на ВМРО-ДПМНЕ Бране Петрушевски.

„Во аудио снимката во која Давидовиќ-Дака разговара со посредникот на Заев, Зоран Милески Кичеец, Дака му вели на Кичеец дека ако ја спроведе работата, тој ќе им даде 2 милиони, а друг ќе им даде уште 2 милиони евра. Според аудио снимката, која е достапна на социјалните мрежи, јасно се вели дека Заев ќе заработи 4 милиони евра доколку се изгради бетонската џунгла во Тетово, која требала да биде со околу 2.000 станбени единици со проценета вредност од 200 милиони евра. Дали со овие пари Заев и неговиот чирак Филипче купуваа акции во индиската авиокомпанија или пак купија станови во Дубаи“, рече Петрушевски.

Венко Филипче и СДСМ, додаде тој, никогаш не се оградија и не се дистанцираа од Заев, затоа што тој го води СДСМ и одлучува во името на Филипче.

„Јавното обвинителство под диктат на Заев и СДСМ не ги истражи овие индиции и сомнежи за поткуп вреден 4 милиони евра. Затоа го повикуваме ЈО повторно да се истражи случајот, затоа што граѓаните заслужуваат правда“, вели Петрушевски.

The post ДАЛИ ЗАЕВ И ФИЛИПЧЕ ЗЕЛЕ 4 МИЛИОНИ ЕВРА ОД ДАКА СО КОИ КУПИЈА СТАНОВИ ВО ДУАБИ? Обвинителството да истажи дали бизнисменот им дал поткуп за да се смени ДУП во Тетово appeared first on plusinfo.mk.

Власта на Зоран Заев и Али Ахмети, во 2020 година, на само еден ден по изборот на новата влада, во Тетово донесе измени во ДУП со кои директно му овозможи бизнис од 200 милиони евра на прорускиот бизнисмен Миодраг Давидовиќ – Дака – потсети денеска на прес-конференција пратеникот од ВМРО-ДПМНЕ Бране Петрушевски.

– Станува збор за просторот на некогашниот гигант ШИК Јелак, кој тогаш е откупен од страна на Миодраг Давидовиќ – Дака, преку фирмата „Јелак Градба”. На истиот овој простор крими коалицијата предводена од СДСМ и ДУИ, во Тетово донесе нов детален урбанистички план само еден ден по изборот на владата во 2020 година. Со новиот ДУП, планирано било на овој простор да никне урбана џунгла со над 2.000 станбени едници во вредност од 200 милиони евра.

Да потсетиме, дека ако не беше ВМРО-ДПМНЕ, во Тетово заради бизнис интерес на врвот на тогашната власт на Заев и Ахмети, на местото на некогашниот гигант ШИК Јелак ќе никнеше бетонска џунгла со над 2.000 станбени единици, илјадници метри квадратни деловни простории и трговски центри. Ова е разликата помеѓу ВМРО-ДПМНЕ и СДС. Ние се бориме против криминалот и корупцијата, тие се криминалот и корупцијата – рече Петрушевски.

The post ДА НЕ БЕВМЕ НИЕ, КАЈ „ШИК ЈЕЛАК“ ЌЕ НИКНЕШЕ БЕТОНСКА ЏУНГЛА ВРЕДНА 200 МИЛИОНИ ЕВРА Петрушевски вели дека Заев и Ахмети го измениле ДУП на Тетово за Дака да направи милионски бизнис appeared first on plusinfo.mk.

Пратеникот од редовите на ВМРО-ДПМНЕ, Бране Петрушевски во емисијата „Само Вистина“ на Канал 5, остро го критикуваше работењето на јавната обвинителка Ленче Ристоска, нагласувајќи дека оставката требало да ја поднесе многу порано.

Причината, според Петрушевски, е скандалот со бонусите на СЈО и политичкиот прогон врз функционери од ВМРО-ДПМНЕ.

– Не гледам политички притисок од ВМРО-ДПМНЕ кон Ленче Ристоска, но во изминатите години јасно се гледа политички прогон од нејзина страна врз функционери на ВМРО-ДПМНЕ. Јас очекував оставката веднаш по скандалите со СЈО, кога беа обелоденети суми од Буџетот на Република Македонија кои обвинителите ги земале како бонуси – рече Петрушевски.

Тој додаде дека, според изјави на поранешен јавен обвинител, тогашниот процес бил политички мотивиран, со влијание на Зоран Заев, Радмила Шеќеринска и Оливер Спасовски, кои заедно со Ристоска утврдувале кој функционер треба да биде под политички прогон.

– Сметам дека оваа оставка требаше да дојде многу порано. Имаме неефикасно Јавно обвинителство кое не ја спроведува својата задача, иако обвинителите земаат плата за тоа. Имаше можност да се истакне во реформите, а не денеска, кога предметите веќе не се во нејзин домен – посочи Петрушевски.

Пратеникот додаде дека граѓаните очекуваат резултати и функционален систем, а не задоволување на политички интереси на поединци.

– Нас ни е битно да функционира системот, односно Јавното обвинителство, а не поединци да бидат таму задоволени. Граѓаните бараат резултати, а не политички интерес на поединци – заклучи Петрушевски.

The post РИСТОСКА ДОЛГО ЧЕКАШЕ СО ОСТАВКАТА Јавното обвинителство треба да работи за народот, не за поединци, порача Петрушевски appeared first on plusinfo.mk.

СДСМ и ССМ сѐ повеќе ја губат и онаа мала поддршка од граѓаните, обидите за манипулација на работниците не им поминуваат. Наместо на протестот да бидат вистинските работници, протестот на ССМ беше предводен од раководствата на локалните ограноци на СДСМ, кои со партиски маички беа во првите редови – рече денес на прес-конференција Бране Петрушевски, пратеник на ВМРО-ДПМНЕ.

– Автобусите во организација на лица од СДСМ, кои патуваа празни за Скопје се доказ дека протестот на ССМ беше неуспешен. Со ова, се докажа дека работникот не го поддржува овој политички театар на СДСМ и ССМ, и довербата ја губат се повеќе.

ССМ предводено од Трендафилов, свесно оди во заштита на интересите на СДСМ, а не на заштита на правата на работникот. Трендафилов и оние неколкумина од врвот на ССМ, работат директно во интерес на СДСМ и на нивните политики, а со тоа имаат за цел да ѝ наштетат на Владата, која дава сѐ од себе и ги зголемува платите и правата на работниците.

Вистинските работници членови на ССМ, сѐ повеќе се прашуваат дали се дел од вистински синдикално здружување или се дел од политичката партија СДСМ. Но, и во двата случаи, ни едните ни другите не работат во нивен интерес. ВМРО-ДПМНЕ останува вистински партнер на работникот – рече Петрушевски.

The post ПОЛИТИЧКИОТ ТЕАТАР НА ССМ И СДСМ СЕ ПОКАЖА НЕУСПЕШЕН Вистински партнер на работниците останува ВМРО-ДПМНЕ appeared first on plusinfo.mk.

СДСМ го координира и управува Сојузот на синдикатите на Македонија, како на централно така и на локално ниво, рече денеска пратеникот на ВМРО-ДПМНЕ, Бране Петрушевски.

Тој додаде дека во пресрет на протестот во сабота организиран формално од ССМ, а логистички и технички од СДСМ, главните лица за контакт од општините се луѓе на СДСМ.

– Одговорен за логистика и за организирање на луѓе и превоз за протестот на ССМ викендов од Куманово е Оливер Трајковски, шеф на штаб на СДСМ во населбата Зелен Рид, како и вработен во ЈП „Чистота и зеленило“ во Куманово. На фотографијата го гледаме Оливер Трајковски, кој е сликан со кандидатот за градоначалник на Куманово од СДСМ за локалните избори 2021 година, Оливер Илиевски и носителот на листа Атина Мургашанска. Од СДСМ и ССМ веќе не се ни кријат за соработката која ја имаат со една единствена цел, а таа цел не е барање за зголемување на платите, туку целта им е да ѝ наштетат на владата – рече Петрушевски.

ССМ и во Куманово и во другите општини е раководено од општинските организации на СДСМ, ССМ и СДСМ се веќе едно исто, додаде пратеникот Петрушевски.

The post ЛУЃЕ НА СДСМ ГО КООРДИНИРААТ ПРОТЕСТОТ НА СОЈУЗОТ НА СИНДИКАТИТЕ Партијата и ССМ веќе не ни кријат дека се едно исто appeared first on plusinfo.mk.

ССМ е координирано и управувано од СДС. Целата логистика за таканаречените протести на ССМ е обезбедена од СДС, изјави денеска пратеникот на ВМРО-ДПМНЕ, Бране Петрушевски.

– До нас пристигнаа документи од свиркачи кои покажуваат кои се лицата одговорни за организирање на логистиката за протестите. Ова е тој документ. Одговорен за организирање на луѓе и превоз од Струмица и струмичкиот регион е Бранко Георгиев. Ова е Бранко Георгиев, поранешен раководител во ЈПКД Комуналец Струмица во време на СДС. Бранко Георгиев како главен теренаш на СДС сега е главен теренаш на ССМ. Целата партиска логистика на СДС за Струмица и струмичкиот регион – сега е ССМ. ССМ не постои, тоа е само СДС во синдикални маички – рече Петрушевски.

Тој најави дека во наредните денови ќе продолжи да ги објавува сите лица од СДС кои го имаат преземено ССМ.

The post ССМ Е СДС ВО СИНДИКАЛНИ МАИЧКИ Петрушевски тврди дека логистиката на СДСМ во Струмица е во служба на синдикатот appeared first on plusinfo.mk.