ТАЈВАНСКИОТ МИНИСТЕР Е СИГУРЕН ДЕКА КИНА НАСКОРО ЌЕ НАПАДНЕ Воените вежби се подготовка за инвазија
Кина ги користи вежбите за да се подготви за инвазија на Тајван. Кинеската војска врши воени вежби од огромни размери со употреба на балистички ракети, сајбер-напади, пласирање на дезинформации и економски притисок, со цел да го ослабне моралот на Тајван, изјави министерот за надворешни работи на Тајван, Џозеф Ву.
Воените вежби во водите околу Тајван, кинеската армија ги користи како подготовка за инвазија на осторовот, тврди тајванскиот министер за надворешни работи, Џозеф Ву.
Тој денеска им се обрати на медиумите, објавувајќи дека со воени вежби започнаа и тајванските сили на одбрана, обвинувајќи го Пекинг за грубо кршење на меѓународното право.
– Кина ги користи вежбите за да се подготви за инвазија на Тајван. Кинеската војска врши воени вежби од огромни размери со употреба на балистички ракети, сајбер-напади, пласирање на дезинформации и економски притисок, со цел да го ослабне моралот на Тајван – изјави министерот.
Ву смета дека активностите на Кинеската армија(ПЛА) биле предизвикани од остварената посета на Тајван од страна претседателката на Претставничкиот дом на американскиот Конгрес, Ненси Пелоси, но тоа само ги забрзало подготовките на војската, а одлуката за инвазија одамна била донесена.
– Вистинската намера на Кина е да го промени актуелниот однос на силите во регионот – вели министерот, кој додава дека Кина се обидува и да го прошири своето влијание во Жолтото и во Јужното Кинеско Море.