Тајниот рецепт на „Мекдоналдс“: Како да го направите омилениот сендвич за само 15 минути ВИДЕО

„Мекдоналдс“ отсекогаш бил таинствен во врска со своите рецепти, кои се препознатливи по совршениот вкус и арома. Откако синџирите за брза храна ги затворија вратите, компанијата решила да открие како точно се подготвува познатиот „McMuffin“ сендвич со јајца, пишува британски „Сан“.

Состојки: За да го направите сами ќе ви бидат потребни англиски мафин (земичка), 75 грама месо од колбаси, 2 јајца, парче американски кашкавал и 1 компир.

За почеток, месото зачинете го со сол и бибер, направете две топчиња од него, а потоа лесно смачкајте ги со рацете и направете плескавици. Загрејте ја рерната, а потоа печете ги околу 6-7 минути од двете страни.

Подготовка:

Изрендајте го компирот во сад, па додадете едно јајце, сол и бибер. Загрејте маслово тава, па сипете ја подготвената смеса (израмнете ја во облик на плескавица). Пржете ги и вртете ги од двете страни, сè додека не станат златни и крцкави.

Сега е време да го испржите јајцето. Доколку имате модла за пржење, пред да го испржите во тава, ставете го јајцето во модлата за да добиете совршена форма.

Сите знаеме дека тајната на секој бургер од „McMuffin“ е редоследот по кој се редат состојките. Затоа, прво ставете путер на земичката, додадете ги кашкавалот, јајцето и месото, па сето тоа поклопете го со втора земичка. Испржената смеса со компирот сервирајте ја покрај главното јадење.

FOTO: Printskrin Instagram/natalieflower