СУПЕР ЗДРАВО И СУПЕР ЕВТИНО Оваа намирница е вистинска нутритивна суперхрана
Лекарите го препорачуваат овој зеленчук што не чини многу, а помага за здравјето на дигестивниот систем, го намалува холестеролот и го зајакнува имунитетот. Тоа е црвената зелка, која експертите сè повеќе ја истакнуваат како вистинска нутритивна „суперхрана“.
Во време кога цените на храната растат, многумина бараат начини да одржуваат здрави навики во исхраната без високи трошоци. Затоа црвената зелка сè повеќе го привлекува вниманието на нутриционистите. Таа е богата со влакна што помагаат за здравјето на цревата, содржи моќни антиоксиданти и соединенија што го намалуваат воспалението и го стимулираат имунолошкиот систем.
Професорот Франклин Џозеф од Dr Frank’s Weight Loss and Health Clinic објаснува дека тоа е многу потценета храна.
– Црвената зелка е една од потценетите суперхрани во продавниците. Таа е богата со влакна, има малку калории и е полна со соединенија што го штитат здравјето на цревата, го намалуваат LDL холестеролот и го зајакнуваат имунитетот. Тоа е неверојатна храна, особено кога ќе се земе предвид колку е евтина – вели професорот.
Повеќе за ова на порталот „Арт кујна“.