СУДОТ ЈА ПРОДОЛЖИ ЗАБРАНАТА Душко не смее да ѝ се приближува на Јелена уште 30 дена

Белградскиот Основен суд за уште 30 дена му ја продолжи на фудбалерот Душко Тошиќ итната мерка за забрана за приближување и комуникација со сопругата, пејачката Јелена Карлеуша, пренесува „Танјуг“.

Тошиќ во петокот на 7 јануари првично доби забрана од 48 часа за приближување, бидејќи ѝ удрил шлаканица на сопругата Јелена.

Полицијата во петокот, откако пејачката пријави дека сопругот е насилен кон неа, интервенираше во нивниот дом, но Карлеуша одби да оди на преглед во здравствената установа за повредите и одби да оди во полициска станица за да даде изјава за инцидентот.

Наведената мерка на Тошиќ му е изречена согласно Законот за спречување на семејно насилство.

Како што наведоа српските медиуми, Карлеуша во петокот на сам Божиќ го пријавила својот сопруг во полиција за семејно насилство.