Судиите ќе покажуваат уплатници како доказ дека донирале во ковид фондот
Препораката на Здружението на судии за 20 одсто минимална донација од судиска плата во фондовите за борба против ковид-19 почнува да важи од понеделник, кога судиите ќе ја добијат априлската плата, јави телевизија Телма.
Можеби ќе ве интересира
Претставник на управниот одбор на Здружението на судии за Телма рекол дека здружението им препорачало на своите претставници во судовите да ги собираат и скенираат уплатниците со кои ќе се знае колку уплатиле, по што скенираните уплатници ќе бидат испратени во седиштето во Скопје и таму ќе се пресмета колку е висока нивната солидарност.
Судиите предизвикаа револт кај јавноста откако пред неколку дена Уставниот суд ја замрзна уредбата за минимална плата на државните функционери, директорите и судиите за април и за мај.