Судијата ја уништи славната пејачка: Кели Кларксон мора да му дава на бившиот 200.000 долари месечно

Пејачката Кели Кларксон, победничката на „Американскиот идол“ во 2003 година, се наоѓа во пеколот на бракоразводниот процес со сопругот Брендон Блексток, со кого има две деца.

Судијата во Лос Анџелес донесе одлука дека музичката sвезда е должна да му исплаќа на својот сопруг 200.000 долари месечно, вклучувајќи и 45.000 долари алиментација за децата, пренесува „Пипл“.

Брендон Белсток годишно од својата поранешна сопруга ќе добива околу 2,4 милиони долари. Според одлуката на судијата, Кели Кларксон е должна да плати 1,25 милиони судски трошоци за себе, но и за нејзиниот сопруг. Американските медиуми претходно пишуваа дека Блексток бара од неговата сопруга да му исплаќа двојна бројка секој месец, но судот тој износ го преполовил.

Кели Кларксон барањето за развод го поднесе во јуни минатата година по седум години брак. Од предавањето на документите, во јавноста само неколкупати спомна дека таа и нејзиниот поранешен сопруг имаат право на живот и дека прави сѐ за интимноста да ја сочува од очите на јавноста.

Пејачката го доби старателството над две деца, но таткото има право да ги посетува одреден број денови во месецот.