Субвенции за печки на пелети ќе добијат 454 домаќинства
Вкупната вредност на субвенцијата е во висина од 10,7 милиони денари.
Министерот Бектеши рече дека и покрај вонредните мерки, министерството за економија работело паралелно и на реализација на други мерки за поддршка на економијата од годишните програми кои биле усвоени во почетокот на годината.
Тој истакна дека досега во 2020 година се објавени неколку јавни повици за поддршка на стопанството преку програмата за конкурентност, иновации и претприемништво, преку програмата за енергетска ефикасност, како и програмата за индустриска политика.
– Од програмата за енергетска ефикасност е спроведен јавниот повик за сувенции на печки на пелети. Од оваа мерка се субенционирани се 454 домаќинства со вкупната вредност на субвенцијата е во висина од 10,7 милиони денари. Вкупно 20 од нив се домаќинства со ниски примања кои ќе добијат субвенција од 75 отсто од средствата. Другите со 50 отсто од трошоците, но не повеќе од 20.000 денари. Добитниците на субвенции ќе бидат познати на 8 мај кога ќе бидат објавени на страната на министерството – рече Бектеши.
Министерот информираше дека за програмата за конкурентност, иновации и претприемништво од почетокот на годината се објавени и реализирани пет јавни повици, односно за занаетчии, кофинансирање на проекти на занаетчиските комори и промоција на занаетчиството, а трае јавниот повик за ангажирање на чираци, за мирко мали и средни претпријатија, јавен повик за женско претприемништво и за индустриска политика.