Струмица, Прилеп и Велес добиваат регионални центри за вакцинација

Владата ја разгледа и усвои Информацијата за формирање на регионални центри за ковид-19 вакцинација за Струмица, Прилеп и Велес и го задолжи Министерството за здравство, во соработка со општините Струмица, Прилеп и Велес, да го координира спроведувањето на неопходните активности за формирање на регионални вакцинални пунктови за масовна вакцинација против ковид-19 во овие градови, информира Владата.

Владата им препорачува на општините Струмица, Прилеп и Велес да учествуваат во уредување на вакциналните пунктови во соодветни спортски сали.