СТРУЈАТА ПОСКАПЕ НАД 50% ВО ВРЕМЕТО НА СДСМ И ДУИ За седум години ЕСМ влегло во минус од 80 милиони евра
ЕСМ беше оставено во 2017 година со 20 милиони евра на сметка, за во 2024 година, кога ВМРО-ДПМНЕ дојде на власт го затекне со минус од 80 милиони евра. За седум години власта на СДСМ не изгради ниту еден нов енергетски објект, а од сметката на буџетот префрлени над 370 милиони евра на ЕСМ, рече Бране Петрушевски од ВМРО-ДПМНЕ.
Енергетското претпријатие ЕСМ било затекнато со минус од 80 милиони евра, а струјата поскапела повеќе од 50% во времето на претходната влада на СДСМ и ДУИ, обвини пратеникот Бране Петрушевски од ВМРО-ДПМНЕ. Тој вели дека СДСМ и ДУИ увезувале скап јаглен поради лукративни бизнис зделки.
„СДСМ ги уништи енергетските претпријатија. И како последица на тоа струјата во нивно време се зголеми за над 50%.
ЕСМ беше оставено во 2017 година со 20 милиони евра на сметка, за во 2024 година, кога ВМРО-ДПМНЕ дојде на власт го затекне со минус од 80 милиони евра. За седум години власта на СДСМ не изгради ниту еден нов енергетски објект, а од сметката на буџетот префрлени се над 370 милиони евра на ЕСМ.
Очигледно е недомаќинското работење на власта на СДСМ, која заради бизнис профит на поединци организираше скап увоз на јаглен и на струја.
Милиони евра народни пари се потрошени заради бизнис зделки на малкумина, а сето тоа народот го плати не само од буџетот, туку и преку поскапи сметки за струја.
На криминалното работење во енергетиката се стави крај. Одговорност ќе има. А новото раководство на ЕСМ работи на консолидација на претпријатието“, соопшти Бране Петрушевски на денешната партиска прес-конференција на ВМРО-ДПМНЕ.