Страшно невреме ја зафати Европа, над 44.000 грмотевици во Франција, десетици удавени во Полска (ВИДЕО)
Германската метеоролошка служба објави дека температурите на запад и север од земјата паднале од над 30 степени Целзиусови на околу 20 степени по силниот дожд за време на викендот.
Силните дождови проследени со грмежи го донесоа многу потребното „ладење“ во делови од Западна Европа по првата летна топлина. Десетици луѓе се удавија додека бараа спас во водата да се ослободат од топлината.
Германската метеоролошка служба објави дека температурите на запад и север од земјата паднале од над 30 степени Целзиусови на околу 20 степени по силниот дожд за време на викендот.
На некои места во Германија падна и град.
France has seen its ‘darkest day’ this year as a supercell storm hit the northern town of Rethel.
The severe weather conditions saw 44,000 lightning strikes in one day, along with heavy rain and floods in some areas.
Watch more videos from Sky News: https://t.co/ubK2E2J6NP pic.twitter.com/UdrqRC9rpg
— Sky News (@SkyNews) June 21, 2021
И Франција по неколку жешки денови беше погодена од силни грмотевици, што предизвика уривање на камбанаријата на една црква во едно село во централниот дел на земјата. Невремето оштети лозја и поплави куќи и јавни згради.
Во Шампањ, ветровите достигнаа 137 километри на час, сечеа дрвја и рушеа покриви. Големиот град оштети автомобили и куќи, а француската национална метеоролошка служба регистрираше 44.000 грмотевици само во саботата.
Нема пријавено смртни случаи како резултат на невремето, но пријавено е давење во повеќе земји бидејќи луѓето барале засолниште од топлината во базените, езерата и реките.
Der Hagel in St. Blasien. 🥶
Video habe ich gerade bekommen. pic.twitter.com/Q5Qu9Udhzi— 🛑 Flowi (@flowi00406670) June 21, 2021
Најмалку 15 лица се удавија во Полска за време на викендот, а спасувачите велат дека најчести причини за давење се несовесноста, преценувањето на способностите за пливање и пливањето после пиење алкохол.
Полицијата во Холандија соопшти дека две тела биле пронајдени во реката Вал, притока на Рајна. Идентитетот на жртвите не е потврден, но полицијата во соседна Германија соопшти дека описот на телата се совпаѓа со описите на две девојчиња на возраст од 13 и 14 години, кои исчезнаа минатата недела додека пливаа на Рајна кај Дуизбург. Трет тинејџер беше извлечен мртов од таа река во средата.
Вкупно, повеќе од 19 лица се удавија во Германија во текот на изминатата недела.
Полицијата во Австрија објави дека 26-годишникот починало во неделата откако скокнало од карпа висока 40 метри кај езерото Волфгангзе.
Оваа недела Москва беше зафатена од врел бран, а во неделата температурите беа над 30 степени Целзиусови.
Европската комисија во понеделникот објави дека подготвува флота од 11 авиони и шест противпожарни хеликоптери за да им помогне на земјите-членки да се справат со шумските пожари во наредните месеци.