СТРАШНА НЕСРЕЌА НА ПАТОТ ОХРИД-КИЧЕВО Возило излета од патот, сопатничката почина во Брзата помош на пат кон Скопје
Во несреќата повредени биле возачот Б.С. од Охрид, а поради сериозноста на повредите сопатничката М.С. (72) починала на пат кон Клиничкиот центар „Мајка Тереза“.
Вчера во 15,15 часот на магистралниот пат А2 Охрид-Кичево кај с.Горенци, патничко моторно возило „хонда” со охридски регистарски ознаки, управувано од Б.С.(69) од Охрид излетало од коловозот.
Можеби ќе ве интересира
По несреќата, возачот Б.С. и сопатничката М.С.(72) од Охрид биле пренесени во болницата „Св.Еразмо” каде од лекар им биле констатирани тешки телесни повреди, но при транспорт на сопатничката М.С. кон Комплекс клиники „Мајка Тереза”, таа им подлегнала на повредите и од лекар од итна медицинска помош била констатирана смрт.
По наредба на Јавен обвинител врз телото ќе се врши обдукција. Увид на местото на настанот извршила екипа од СВР Охрид.