📽 СТРАШНА БУРА СО ТОРНАДА ВО САД Одложен е и концертот на Бјонсе во Чикаго

Силната  бура што ги зафати вера Минесота, Висконсин, Илиноис и Мичиген предизвика можност за торнада, соборени дрвја и далноводи, а поројниот дожд го прекина концертот на пејачката Бијонсе во Чикаго. Дополнителни бури кои би можеле да го зафатат регионот се очекуваат и за денеска попладне, вклучувајќи ги Мисисипи, Тенеси и Охајо.

Се очекуваат силни ветрови, град, штети на инфраструктурата и можни торнада.

Според Центарот за предвидување на бури, повеќе од 20 милиони луѓе од Минесота до Мичиген и Индијана – вклучувајќи ги Минеаполис, Милвоки и Чикаго – се изложени на ризик од сериозни бури од категорија 3 до 5.

Во вчерашното невреме не се пријавени смртни случаи или сериозни повреди. Националната метеоролошка служба предупреди на можноста за налети на ветер до 80 милји на час.

Tornado of the event today in New Richmond, Wisconsin just east of Minneapolis pic.twitter.com/ZFOiUZpQyW

— Reed Timmer, PhD (@ReedTimmerUSA) May 16, 2025

Речиси 400.000 домови и бизниси останаа без струја во Висконсин, Илиноис, Индијана и Мичиген, а најголем број клиенти без струја беа регистрирани во Мичиген, каде што околу 181.000 луѓе беа без струја.

Имаше 12 пријави за потенцијални торнада во регионот, претежно во Висконсин, а метеоролошките тимови подоцна ќе потврдат дали навистина имало торнада.

Lightning ⚡️ storm over Lake Michigan here in Chicago while planes fly inbound to O’Hare. Pretty cool stuff. pic.twitter.com/16IyBPCDi6

— Tim 🍷 (@uptowntim88) May 16, 2025

Во областа Медисон во Висконсин, пријавен е град со големина на јајце.

Во Чикаго, концертот на отворено, кој се одржа на стадионот „Солдер Филд“, мораше да биде одложен за неколку часа поради временски проблеми.