📷 СТРАШЕН НАПАД ОД КУЧЕ Скопјанка изгризана по стомакот, бебето ѝ паднало од количката

Скопјанка која шетала со бебето низ Карпош преживеала брутален напад од куче, најверојатно скитник, во кој за малку ќе настрадало и нејзиното бебе, кое го возела во количка. Ја одбраниле две девојки кои случајно поминувале на булеварот Осми септември. За нападот таа самата објави на својот профил на Фејсбук

– Гриз од куче скитник… Булевар 8 септември, среда 04.09. Време 21:15-20. На прошетка со бебето неполни 40 дена, на стаза наменета за пешаци, каде што притоа нема никакво осветлување. Гледам слика пред мене од затрчано куче и се запрашувам дали оди накај мене или кон нешто друго. Ни 2 ни 3, во секунда се фрла на мене, ме каса по стомак и ме бутка на земја. Паѓам. Како што паѓам, паѓа и количката во која се наоѓа син ми, паѓа од количка, среќа на мека исушена трева, лазам по тревата да го фатам за да не го повреди, го зимам во раце и среќа некако ништо не му се беше случило. Две девојки позади мене ми ги слушнаа врисоците и се стрчаа да ми помогнат… И до кога вака со кучињава пуштени како во дивина, а во главен град, без никакви сериозни мерки? Скраја да е! – објави скопјанката.

Во објавата таа ги тагнала ЈП „Лајка“, Општината Карпош и Градот Скопје.