Стоилковски: Парцелата кај езерото Треска е продадена за 1,6 милион евра помалку ВИДЕО

Петре Шилегов продолжува со молчењето за лагите за езерото Треска, ама документите говорат сами за себе, истакна Наум Стоилковски, портпарол на ВМРО-ДПМНЕ на денешната прес-конференција.

– Еве го ценовникот, на него стои дека цените почнуваат да важат од 01.02.2017 година. КП Глумово, местото продадени и почнато со продажба со по едно евро, а наплатено 72 денари за 1м2. Реалната вредност изнесува 1.200 денари за еден метар. Ова е крајот на тој документ кој што е објавен на страницата на Град Скопје, и тука стојат имињата на сите проценувачи на Град Скопје. 141 парцела, вкупна градежна површина од 85.310 квадратни метри кај Езеро Треска се продавани за по едно евро – истакна Стоилковски.

Тој тврди дека според проценителите на Град Скопје, вредноста на тоа метро е 20 евра, а продавано е за едно евро.

– Вкупната според тоа реална вредност за целото продадено земјиште изнесува најмалку 1.700.000 евра. Наместо тоа продадено е за 98.500 евра. Целото градежно земјиште околу езерото Треска е продадено колку еден стан во центарот на Скопје. И данокот платен во Град Скопје за трансакцијата, потврден од градоначалник на Град Скопје, сектор за финансиски прашања потврдува дека даночниот обврзник тој и тој ги платил даночните обврски по однос на данок на промет на недвижности во износ 204.723 денари, на ден 11 јули 2019-та година, Петре Шилегов, градоначалник на Град Скопје наплатува данок од 204.723 денари односно 3.300 евра за парцела од 85.310 м2. Тие пари почитувани, уплатени во данокот ги делат Град Скопје и Општина Сарај – истакна портпаролот на опозициската партија.

Стоилковски додаде дека реалниот данок, доколку продажбата била според проценетата вредност на земјиштето, градежното земјиште од проценителите, потпишани сите на документот објавен на порталот на Град Скопје со важност од 2017-тата година по цена од реална од 1.700.000 евра, данокот би изнесувал би изнесувал цели 51.000 евра!

– 51.000 за Скопје и за Сарај, наместо овие 3.300 евра што ќе ги делат Скопје и Сарај! Имајте го ова предвид додека отпишуваат долгови на општините од државниот Буџет, имајте го ова во предвид додека се задолжуваат за отпис на долгови, а државата е во рецесија, имајте го ова во предвид додека наместо аеродроми, со парите од ТАВ се асфалтираат сокачиња низ маала, случајно предизборно за гласови повторно истите ликови. Нема поголема штета од градоначалниците од СДСМ за било која општина за Македонија. И повторно ви ги нудат на послужавник и Шилегов и неговите ортаци, со старите лаги – рече Стоилковски на денешната конференција за печат.