СТЕФКОВСКИ ВЕТИ НУЛА КОМУНАЛИИ ЗА БРАЧНИ ПАРОВИ ДО 29 ГОДИНИ КОИ ГРАДАТ КУЌА Целта е тука да ја креираат иднината, вели градоначалникот
Оваа мерка е од суштинско значење за младите да останат тука, да создадат семејство, да изградат свој дом и да си ја креираат иднината тука во нашата Гази Баба, вели актуелниот градоначалник од редовите на ВМРО-ДПМНЕ.
Нула комуналии за изградба на куќа за млади брачни парови до 29 години е првиот проект кој ќе биде дел од изборната програма за вториот мандат на градоначалникот на општина Гази Баба Бобан Стефковски и кандидат на ВМРО-ДПМНЕ за втор мандат во оваа општина.
– Оваа мерка е од суштинско значење за младите да останат тука, да создадат семејство, да изградат свој дом и да си ја креираат иднината тука во нашата Гази Баба. Со оваа одлука не само што им даваме конкретна поддршка, туку и јасно покажуваме дека младите се во срцето на нашите политики и визија – изјави градоначалникот Стефковски.
Изминатиот период на територија на општина Гази Баба, градоначалникот Стефковски реализира караван на идеи под името „Твоја идеја, заедничка иднина. За Гази Баба која повеќе не запира“.