СТАР 10 ГОДИНИ Тејлор Свифт со повторно снимен албум триумфираше на Американските музички награди

Тејлор Свифт со својот повторно снимен албум „Red“ од 2012 година го освои трофејот за поп-албум во неделата на доделувањето на Американските музички награди (АМА), најголемата церемонија во светот на која гласаа обожавателите.

Свифт во последниве години, сними нови верзии на албумите од своето минато по спорот со нејзината поранешна издавачка куќа.

– Не можам да ви кажам колку ми значат моите преснимени албуми, но никогаш не очекував ниту претпоставував дека вам нешто ќе ви значи – рече Свифт при прифаќањето на наградата. „Не можам доволно да ви се заблагодарам што се грижите за овој албум“.

Свифт, исто така, ја зеде главната награда на вечерта во трката за изведувач на годината, за која се натпреваруваше со Бијонсе, Хари Стајлс, Д Викенд, Дрејк и Адел.

Дов Камерон, поранешната актерка на Дизни каналот, која оваа година се најде на Билборд топ листите со поп-синглот „Boyfriend“, го освои трофејот за најдобар нов изведувач.

Машин Ган Кели е прогласен за омилен рок изведувач.