Стандардите за цврсто биогориво се најдоа на листата на безбедни производи

Министерството за економија ја дополни  Листата на стандарди со чија употреба се смета дека производот е безбеден со стандардите за цврсти биогорива. Овие стандарди важат од почетокот на месецов, соопштија од Министерството за животна средина.

Воведувањето на стандардите е на барање на Министерството за животна средина и просторно планирање.

Со објавување на дополнетата листа на стандарди во Службен весник, од 2 февруари овие стандарди стануваат задолжителни и за производителите и за трговците.

На тој начин се воведува регулирање на квалитот на цврстите горива што се користат во државата, со што ќе се влијае на подобрување на квалитетот на воздухот, на животнта средина и на здравјето на луѓето.

Стандарди важат огревно дрво, пелети, дрвени палети, дрвени делканици и дрвени брикети.