Срушен конакот на манастирот Свети Василиј Острошки, СПЦ смета дека е одмазда
Свештенството на Српската православна црква (СПЦ) наведува дека ова е одговор на власта во Црна Гора, откако митрополитот Амфилохиј најави литија на 14 јуни годинава.
Конакот во манастирот Свети Василиј Острошки во близина на Улцињ, срушен е утрово со полициско обезбедување, објавија локалните медиуми. Надлежните велат дека овој објект бил нелегален и дека ја нарушувал амбиенталната целина.
По налог на инспекциската служба и со асистенција на полицијата, ангажирана за рушење на конакот била фирма од градот Никшиќ.
Свештенството на Српската православна црква (СПЦ) наведува дека ова е одговор на власта во Црна Гора, откако митрополитот Амфилохиј најави литија на 14 јуни годинава.
Владиката Амфилохиј побара од црногорската власт да не го мачи народот и свештенството.
– Јас ги повикувам, па нека го направат тоа ако мислат дека на тој начин можат да го излечат овој народ од тој вирус со којшто сме затруени уште од времето на онаа безбожна идеологија – рече г. Амфилохиј.
U Zoganju, #Ulcinj, započeto rušenje nelegalno građenog objekta projektovane površine više stotina kvadratnih metara, koji je narušavao ambijentalnu cjelinu Crkve Svetog Vasilija Ostroškog iz XVIII vijeka i predstavljao eklatantnu devastaciju prostora. pic.twitter.com/abuKY5xOG9
— Održivi razvoj MNE (@MRTME) June 10, 2020