Српските епидемиолози тврдат: Коронавирусот се задржува подолго на снег отколку на сонце

Српскиот епидемиолог Предраг Кон на денешната прес-конференција во Белград истакнал дека коронавирусот се задржува на снегот многу подолго отколку на сонце, но дека вирусот сепак се наоѓа во човекот, објави „Новости.рс“.

Експертите на конференцијата по повод епидемијата со коронавируст порачале дека за размножување на коронавирусот е потребен човечки организам, но и дека вирусите подолго опстојуваат на студено време отколку на топло.

Тоа бил нивниот одговор на новинарското прашање во поглед на ширењето на Ковид-19, откако територијата на Србија деновиве е покриена со снег.