СРПСКИ МИНИСТЕР ТРГНАЛ НА СВАДБА ВО СКОПЈЕ И ЗАГЛАВИЛ НА ГРАНИЦА Тоа ти е Отворен Балкан!

Српскиот министер за градежништво Томислав Момировиќ синоќа сакал да дојде на венчавка кај колегата Благој Бочварски, но на граница чекал повеќе од еден час. За него тоа е неприфатливо и вели дека затоа е потребен Отворен Балкан.

„Тргнав во Скопје, на венчавката кај мојот пријател и колега Благој Бочварски. На граница чекав подолг од еден час. Тоа е неприфатливо. Потребен ни е Отворен Балкан“, напиша Момировиќ на Твитер.

Министерот за земјоделство Љупчо Николовски му го честита бракот на својот колега министерот Благој Бочварски и објави фотографија на која се наоѓаат тој, неговата сопруга, заедно со министерот Бочварски и сопругата.