Средства за дезинфекција има, граѓаните да бидат солидарни и да не прават лажен недостиг

Премиерот Оливер Спасовски апелираше граѓаните да не создаваат вештачки недостиг на средства за дезинфекција, бидејќи како што рече во земјава се произведуваат вакви средства, а министерството за здравство и другите иснтитуции набавиле доволни количини.

– Факт е дека има зголемена побарувачка во овој момент. Производството на ваквите продукти се одвива и во текот на вчерашниот ден имаше дистрибуција по аптеките во Скопје и во другите градови.апелирам да бидеме солидарни и да не купуваме поголеми количини за да имаат и другите граѓани можност да набават вакви средства – рече Спасовски

Тој информира дека е  целосна дезинфекција се прави на сите училишта, градинки.

– Тоа ќе го направат службите на центарите за јавно здравје преку Министерството за здравство. Ги обезбедивме сите училишта претходно со средства за дезинфекција. Тоа што е потребно го правиме сега за обезбедување на сите можни средства и се врши дезинфекција на територијата на општините Центар Жупа и Дебар преку Дирекцијата за заштита и спасување. Се што има потреба, се што можеме ќе направиме во рамките на можностите. Сега засега нема загриженост за состојбата во овој дел, но да бидеме рационални и одговорни во однос на тоа што го бараме – рече Спасовски.