Средношколски глас: Со 50.000 заразени нема услови да се полага државна матура

Средношколски глас е против полагање на државната матура, бидејќи, според нив, со бројка од 50.000 заразени од ковид-19 нема услови за тоа.

– Денес излезе концептот на МОН за полагањето и датумите за државната матура. Средношколски Глас е строго против тоа да се полага матура поради општата ситуација во Република Македонија. Минатата година кога дневно имаше само по 10 заразени се одложи, но сега со бројка од 50 илјади заразени граѓани МОН заклучува дека државната матура треба да се одржи. Учениците и професорите имаат доволно стресови со сегашниот начин на учење и ситуацијата, а МОН со ваквата лоша одлука придонесува до зголемување на стресот. Нема ниту услови, а не е ниту соодветно да се одржи државната матура – велат од Средношколски глас.