📽 СРЕЌА ВО НЕСРЕЌА ЗА НОРВЕШКИОТ СКИЈАЧ Килде опериран по стравичниот пад на спустот во Венген
Килде денеска е опериран во болница во Берн, но избегна фрактура на коските и повреда на лигаментите на коленото.
Норвешката скијач Александер Амот Килде имаше среќа во несреќа да помине само со полесни повреди без фрактури по вчерашниот страотен пад на трката во спуст во швајцарски Венген кога со голема брзина изгуби контрола и заврши во заштитната ограда. Килде денеска е опериран во болница во Берн, но избегна фрактура на коските и повреда на лигаментите на коленото.
„Благодарен сум на сите зборови на љубов и поддршка. Овој спорт може да биде брутален, но сè уште го сакам“ – порача 31-годишниот Килде преку социјалните мрежи, објавувајќи фотографија од болничкиот кревет, заедно со неговата девојка, најдобрата светска скијачка Микаела Шифрин.
I’m here (and being taken care of by the one and only @MikaelaShiffrin ❤️🩹)…patched up…thank you so much for all of the messages. I’m grateful for all the words of love and support. This sport can be brutal, but I still love it. 🙏🏻
Will share more later. pic.twitter.com/CNwkHzJz0q
— Aleksander Aamodt Kilde (@AleksanderKilde) January 14, 2024
Килде доживеа пад пред последниот свиок на спустот во Венген и со хеликоптер беше пренесен во болница.
– Нема скршеници на коските, но е повреден – изјави доктор Марк Јакуб Штраус, кој е на чело на лекарскиот тим под чиј надзор е Килде во болницата во Берн.