СРБИЈА ЗАБРАНИ ИЗВОЗ НА НАФТА И ДЕРИВАТИ Одлуката важи до 19 март
Главна цел на владината одлука е заштита на домашниот пазар од недостиг и зголемување на цените.
Владата на Србија, на вонредна седница утрово, донесе одлука за забрана на извоз на нафта и сите нафтени деривати за погон на мотори.
Одлуката важи до 19 март, а главна цел е заштита на домашниот пазар од недостиг и зголемување на цените.
Забраната се однесува на извоз на дизел, бензин и сурова нафта со сите видови транспорт до 19 март, по што ќе се донесат дополнителни одлуки.
-Суштината на оваа забрана е да се заштити домашниот пазар од недостиг и скокови на цените поради глобалните нарушувања на светскиот пазар – изјави министерката за рударство и енергетика Дубравка Ѓедовиќ Хандановиќ.
Поради војната на Блискиот Исток, барел сурова нафта Брент надминува 110 долари на европските берзи, а 120 долари на азиските берзи. Денес ќе се одржи итен состанок на Г-7 и Меѓународната агенција за енергија.