АПСЕЊЕТО НА ЕНДРУ Е СРАМ, КРАЛОТ ЧАРЛС Е ФАНТАСТИЧЕН ЧОВЕК Трамп даде поддршка за британското кралско семејство
Според шефот на САД, апсењето на братот на кралот Чарлс, принцот Ендру, претставува срам и е лошо за британското семејство. Трамп додава дека кралот Чарлс е фантастичен човек и дека наскоро ќе ги посети САД.
Апсењето на Ендрју Маунтбатен-Виндзор одекна и во Вашингтон. Американскиот претседател Доналд Трамп изјави дека настанот е лош за британското кралско семејство, јави ДПА.
Коментарот следи по приведувањето на поранешниот принц под сомнение за злоупотреба на јавна функција, поврзана со неговите контакти со финансиерот Џефри Епстин.
Трамп зборувал со новинари додека патувал кон настан во државата Џорџија. Притоа го пофалил британскиот крал Чарлс III и најавил негова скорешна посета на САД.
– Мислам дека е многу тажно. Мислам дека е многу лошо за кралското семејство. Да се види што се случува со неговиот брат, кој очигледно многу скоро ќе дојде во нашата земја, е многу тажно. Кралот е фантастичен човек – изјавил Трамп.
Претседателот на САД додал дека апсењето претставува „срам“.
Ендру бил уапсен наутро, по објавување на досиеја поврзани со Епстин. Според информациите, приведувањето се случило околу 11 часот, на неговиот 66-ти роденден.
Станува збор за прв висок член на британското кралско семејство уапсен во модерната историја.
Обвиненијата се однесуваат на наводно споделување чувствителни информации додека бил британски трговски претставник.
Ендрју негира какво било кривично дело поврзано со Епстин.