„СРАЊЕ, ВЕДНАШ ОТКАЖЕТЕ ГО ПОЛЕТУВАЊЕТО“! Во последен момент спречена авионска катастрофа (АУДИО)

Федералната управа за авијација (ФAA) истражува инцидент на меѓународниот аеродром Џон Ф. Кенеди во Њујорк. Инцидентот се случил меѓу авион на „Делта ерлајнс“ на пат кон Доминиканската Република и лет на „Американ ерлајнс“, пишува Гардијан.

Околу 20 часот и 45 минути, авион на „Делта ерлајнс“ забрзувал по пистата кога бил изненаден од авион на „Американ ерлајнс“ кој ја преминал неговата патека и поминал пред него. ФАА во соопштението наведе дека контролорите на летање забележале дека вториот авион ја минувал пистата во моментот кога вториот авион се подготвувал да полета.

„Делта 1943, дозвола за полетување се прекинува“, двапати изговори контролорот на летот.

Летот на Делта одговори со забавување и на крајот беше запрен. Во моментот кога биле најблиску еден до друг, растојанието помеѓу двата авиони било само 300 метри. Еден од патниците изјави за „NBC News“ дека за дел од секундата настанала паника меѓу патниците.

– Го почувствував адреналинот, во авионот владееше целосна тишина и олеснување кога авионот застана – изјави Брајан Хили.

Слушнете ја снимката од контролата на летот:

JFK Airport New York – Friday the 13th, 2023. American Airlines Boeing 777 (AAL106) going to London crosses the wrong runway while taxiing while a Delta Airlines Boeing 737 (DAL1943) is departing for Santo Domingo on the same runway stopping their takeoff avoiding a disaster. 😳 pic.twitter.com/vhzXI8zD7M

— Thenewarea51 (@thenewarea51) January 15, 2023

Националниот одбор за безбедност на транспортот (NTSB) во неделата соопшти дека го истражува упадот на пистата. На летот на „Делта“ имало 145 патници и 6 членови на екипажот. По инцидентот, летот бил презакажан за сабота наутро, а на патниците им било договорено сместување додека го чекале летот.

– Безбедноста на нашите клиенти и екипажот е секогаш приоритет. Се извинуваме за непријатностите и доцнењето на патувањето – се вели во соопштението на „Делта ерлајнс“.