СПОМЕНИК НА АВТОПАТ И ЈАС НЕ МОЖАМ ДА ГРАДАМ Градоначалникот на Желино и одговори на Славјанка
Денеска на денот кога се одбележуваат 22 години од загинувањето на осуммината припадници на резервниот состав на АРМ кај месноста Љуботенски Бачила, градоначалникот на Бутел Дарко Костовски најави дека општинскиот совет е подготвен да донесе одлука да се отстапи простор за спомен обележје на загинатите кај Љуботенски Бачила.
Општина Желино денеска го добила писмото од Министерството за одбрана со барање за поставување споменик за десетмината убиени бранители кај Карпалак.
Градоначалникот на Општина Желино Блерим Сејдиу за телевизија Сител порача дека писмото е на погрешна адреса бидејќи општината не била надлежна за да одлучува за такво нешто.
– И јас како градоначалник ако сакам да градам на самиот автопат некој споменик не ќе можам. Морам да се обратам до ЈП за државни патишта. Значи, Законот го вели тоа. Плус тоа, таму нема урбанистички проект. Законот вели така. Треба да се урбанизира прво, да се види дали има услови, итн., итн. Но во самиот автопат, каде што е предвидено за тоа директно е надлежен ЈП за државни патишта – изјави градоначалникот Сејдиу за ТВ Сител.
Министерката за одбрана Славјанка Петровска во вторникот на одбележувањето на 22- годишнината од загинувањето на десетте македонски бранители кај месноста Карпалак истакна дека ќе бара дозвола од Општина Желино за изградба на достојно спомен обележје кај месноста Карпалак.
Денеска на денот кога се одбележуваат 22 години од загинувањето на осуммината припадници на резервниот состав на АРМ кај месноста Љуботенски Бачила, градоначалникот на Бутел Дарко Костовски најави дека општинскиот совет е подготвен да донесе одлука да се отстапи простор за спомен обележје на загинатите кај Љуботенски Бачила.