Спасовски: Владата е прилично едногласна за полицискиот час за викендов
Владата денеска во 17 часот ќе одржи седница на која ќе решава за тоа дали ќе има и колкав ќе биде полицискиот час викендов, соопшти премиерот Оливер Спасовски денеска на прес-конференција.
Комисијата за заразни болести предложи да има полициски час од сабота во 19 часот до вторник во 05 часот.
Можеби ќе ве интересира
– За денеска одлучив да ја закажам седницата на оваа тема. Прилично сме унисони, освен ако го исклучиме претставникот на опозицијата дека треба да постапиме послушувајќи ја науката – рече Спасовски одговарајќи на новинарско прашање зошто три дена се чека одлуката за викендот.
На овој предлог се спротиставија ВМРО-ДПМНЕ и Исламската верска заедница.