Спасовски: Банките да бидат солидарни, кон државата и граѓаните

Дали постои некој начин со уредба да ги натера банките да се откажат од онаа камата што тие ја наплаќаат за време на грејс-периодот, Спасовски одговори дека доколку нема солидарност од страна на комерцијалните банки во овој перидот, како кон државата и граѓаните, може да биде донесена уредба со законска сила што треба да биде направено во банкарскиот систем.

– Јас разговарав и со Народната банка, како и со комерцијалните банки кај нас, за тоа на кој начин да се одложат кредитите. Банкарскиот систем е стабилен и тоа е важно, па поради тоа превземаме мерки кои ќе го одржат истиот на ова ниво и која ќе биде на помош за државата и граѓаните. Понудени се неколку решенија и ќе видиме какви ќе бидат ефектите – вели Премиерот.

Тој очекува дека менаџментот на банките во овој момент нема да го гледа само сопствениот интерес и профитот, туку ќе погледнат кон граѓаните и државата. Доколку видат дека тоа не се случува и не сакат да бидат солидарни, уредбата со законска сила може во секој момент да биде донесена и да биде дефинирано што треба да биде направено во банкарскиот систем.