Соседско „око соколово“: Севе го бакна црнокосиот пријател пред зградата

Во загрепското соседство на најпознатата хрватска пејачка Северина Којиќ (48) нема мир.

Откако нејзиниот сопруг Игор Којиќ не доаѓа во нивното љубовно гнездо на Козјак, каде ги поминаа првите години од бракот, обожавателите се интересираат кој ја испраќа Сева до куќниот праг.

Минатиот викенд на својата адреса таа пристигнала со менаџерот Томица Петровиќ. Но, соседите забележале дека во нивно друштво има уште еден маркантен црнокос маж, пренесува „24сата.хр“.

– Северина, збогувајќи се со мистериозниот пријател, внимателно се наведна и нежно го бакна. Потоа влета во зградата и недолго потоа ја виделе како ѕирка од прозорецот на нејзиниот стан – се коментира во соседството на Козјак.

Пејачката на „Денот на вљубените“ гордо ја објави својата разголена фотографија на која лежи меѓу кутии со подароци. На „Денот на вљубените“ во јавноста, сопругот не го ни спомна. Младиот Којиќ, исто така, не се огласи на социјалните мрежи во врска со Северина, тој објави само селфи од автомобилот.

ФОТО: Инстаграм