СОНЧЕВО, НО СТУДЕНО, СО МАЛА МАГЛА ПО КОТЛИНИТЕ Вистинска зима нема да има и оваа недела

Денеска времето ќе биде сончево со мала локална облачност. Ќе дува слаб ветер од северозападен правец.

Според УХМР, минималните утрински температури во Македонија се движат од -6 во Берово, до 1 во Дојран, а максималните дневни од 10 до 15 степени.

Во Скопје, претпладне во делови од котлината ќе има појава на магла. Во текот на денот времето ќе биде сончево со мала облачност и претежно тивко. Минималната температура ќе се спушти до -5, а максималната ќе достигне до 8 степени.

Според македонскиот метеопрогнозер Славчо Поповски, влијанието на високиот воздушен притисок (Антициклон) продолжува и во текот на оваа седмица. Времето ќе биде стабилно и суво со релативно ладни утра и со натпросечно топли денови. Сепак, по котлините и по речните долини и понатаму ќе има појава на магла и на ниска облачност, особено во утринските и во ноќните часови.

Појава на магла и на ниска облачност особено во утринските и во ноќните часови ќе има и во делови од Скопската котлина.

Сообраќајот на државните патишта се одвива непречено, по претежно суви коловози, информира АМСМ.

Целата прогноза на Славчо Поповски може да ја прочитате на следниов ЛИНК.