СОЛАРНАТА СОНДА НА НАСА ДОСЕГА НАЈБЛИСКУ ДО СОНЦЕТО „Паркер“ преживеа температури до 982 степени, испраќа податоци од историската мисија
Според НАСА, тимот од лабораторијата за применета физика на Џон Хопкинс во Мериленд добил сигнал од сондата непосредно пред полноќ во четвртокот. Детални податоци за статусот на леталото се очекува да пристигнат на 1 јануари.
НАСА денеска потврди дека нејзината соларна сонда „Паркер“ е безбедна и продолжува да работи како што треба, по успешно завршеното најблиско приближување до Сонцето во историјата.
Леталото се приближи на само 6,1 милиони километри од површината на Сонцето на 24 декември, влегувајќи во надворешната атмосфера на Сонцето, наречена корона. Ова историско достигнување ќе им помогне на научниците да откријат нови информации за Сонцето и неговото влијание врз Земјата.
Според НАСА, тимот од лабораторијата за применета физика на Џон Хопкинс во Мериленд добил сигнал од сондата непосредно пред полноќ во четвртокот. Детални податоци за статусот на леталото се очекува да пристигнат на 1 јануари.
Леталото, кое патува со брзина од 692.000 километри на час, издржа екстремни температури од до 982 степени Целзиусови. Овој подвиг овозможува на научниците да направат важни мерења, кои ќе им помогнат подобро да разберат како материјалите во короната на Сонцето се загреваат на милиони степени, како се создава сончевиот ветер и како честичките добиваат енергија и забрзуваат до брзини блиски до брзината на светлината.
„Оваа студија одблиску на Сонцето и овозможува на Соларната сонда ‘Паркер’ да направи мерења кои им помагаат на научниците подобро да разберат како материјалот во овој регион се загрева на милиони степени, потеклото на сончевиот ветер и како енергетските честички се забрзуваат до брзини блиску до брзината на светлината“, додава агенцијата.
Соларната сонда „Паркер“ беше лансирана во 2018 година и постепено влегува во сè поблиски орбити околу Сонцето, користејќи ја гравитацијата на Венера за време на нејзиното прелетување на таа планета.