📷 📽 СОБА ПОЛНА СО НАРКОТИЦИ И АЛКОХОЛ Се појави видео од хотелот во кој загина Лиам Пејн

Пејачот Лиам Пејн загина вчера, а извештаите сугерираат дека последниот ден го поминал хаотично.

Американскиот портал ТМЗ истакна дека Лиам „делувал непресметливо“ непосредно пред својата смрт. Неговото однесување привлекло внимание неколку минути пред трагичниот пад, кога тој наводно си го скршил лаптопот во лобито на хотелот поради што го одвлекле во неговата соба.

Како што известија „Марка“, „Експрес трибјун“ и многу други агенции, наводните фотографии од луксузната соба на Лиам се појавија на социјалните мрежи.  Тие прикажуваат сцена исполнета со хаос и неред.

На фотографиите од неговата соба се гледа скршен телевизор, прашкаста супстанција за која се верува дека е дрога, како и разни други предмети, вклучувајќи свеќи, алуминиумски фолии, врв од изгорена лименка, запалка и уште многу расфрлани работи низ собата. Фотографиите наводно се преземени од локалните аргентински медиуми, а нивната автентичност сè уште не е потврдена. Сепак, социјалните мрежи брзо ги споделија овие информации.

 

Alleged images have surfaced from the hotel room where Liam Payne was staying after his tragic passing. pic.twitter.com/sgtlCwUBTz

— celine_dion (@marquezdieonne) October 17, 2024

Според Ројтерс, полицијата била известена за „агресивен маж кој можеби е под дејство на дрога и алкохол“.

Повикот до брзата помош од менаџерот на хотелот „КазаСур Палермо“ во Буенос Аирес, каде што почина Лиам, укажува на тоа дека пејачот можеби бил под дејство на алкохол и дрога. Протече и вознемирувачки повик до брзата помош од менаџерот на хотелот, кој ги расветли настаните што довеле до трагедијата.

Аудиоснимката од повикот на менаџерот на хотелот до брзата помош била емитувана на аргентинската телевизија. Во неа, менаџерот се жали:

„Имаме гостин кој е дрогиран и ја уништува целата соба, па ни треба помош.“

Ројтерс потврди дека повикот бил вознемирувачки.

„Кога е при свест, ја уништува целата соба и треба да испратите некого“, рекол вработениот во хотелот, додавајќи дека животот на гостинот е во опасност бидејќи неговата соба имала балкон.

 

This is the audio recording of the 911 call made by the owner of the hotel where Liam Payne was staying. 💔

“We have a guest who is on drugs and is destroying the whole room,” he said. This is how the TV turned out. pic.twitter.com/h8LMvozTF1

— Crazy X Vids (@CrazyXVids) October 17, 2024

Неодамна избришаната објава на Лиам на социјалните мрежи покажа среќни моменти со неговата девојка.
Спротивно на овие извештаи, Лиам исто така објави „приказна“ на Снепчат непосредно пред неговата смрт. Иако сега е избришан, една од неговите објави сугерираше дека има „убав ден“ со девојката Кејт Кесиди.

Сепак, снимката се чинеше дека е стара, бидејќи 25-годишната Кејт се вратила на Флорида претходно оваа недела, додека Лиам останал во Аргентина. Неговото патување во Аргентина започна на почетокот на овој месец кога отишол таму за да му даде поддршка на својот поранешен колега од групата, Ниал Хоран, кој настапувал таму.