СО НУРЕДИНИ СЕ НАШЛЕ НА СРЕДИНА Пратениците барале кесите да чинат 20 денари

Нашиот иницијален предлог како Министерство за животна средина кој помина на влада беше 10 денари за кеса. Но кога дојде законот во Собрание, пратениците побараа да биде 20 денари. Се договоривме да биде 15 денари, рече Насер Нуредини во „Тема на денот“ на телевизија Сител.

Како што објаснува тој, аргументот на пратениците за 20 денари за кеса бил дека треба да се зголеми цената до степен на целосна забрана за пластика.

– Идејата на кеса од 10 денари е да се обидеме да ги мотивираме граѓаните да не ги користат пластичните кеси. Тие не се разградливи едноставно во природата. Тие се распаѓаат и ја загадуваат почвата и водата. Идејата не е цената, туку да се користи помалку пластика. Ние гледаме на 10-те денари како на 15 центи и тоа е цена која ќе мотивира помалку да се користат – рече Нуредини.