СО КОЈ ТРИК БЕЛАТА КУЌА ЈА ПРЕКИНА ИСТРАГАТА ЗА КОКАИНОТ? Нови недоследности за случајот испливаа на површината
Знаете ли колку камери имаат спроти влезната врата на собата за ситуации? Тоа е местото каде што одлучувате за војна, каде што одлучувате за нуклеарно оружје, го коментираше поранешниот претседател Доналд Трамп соопштението на Тајната служа дека нема снимки од кесичката со кокаин бидејќи била пронајдена во „слепа точка“, дека нема отпечатоци и дека 500 осомничени луѓе кои веројатно користат кокаин, а живеат близу Белата куќа нема да бидат испрашани за да не бидат нарушени нивните граѓански права.
Со образложение дека не може да ги испрашува 500-те луѓе кои потенцијално би користеле дрога, а кои живат блиску до местото каде што беше пронајдена кесичката со кокаин во Белата куќа во САД, по само 11 дена, американската Тајна служба неочекувано ја заврши истрагата. Наводната причина за ова, според портпаролот е што службата не сакала да ги наруши граѓанските права на овие луѓе.
– Немаме докази да им пристапиме на луѓето – рече портпаролот Ентони Гуглиелми за Ен-Би-Си за 500 можни осомничени идентификувани во областа на празничниот викенд пред 4 јули.
Но, што да речат тогаш стотиците американски граѓани кои беа претресувани од ФБИ само затоа што се најдоа блиску до Капитолот кога пред две години се случи големиот упад?
ЊујоркПост пишува дека скептицизмот за случајот кај Американците се зголемува од ден во ден.
Нема отпечатоци и нема снимки во слепата точка
Сомнително е тоа што Тајната служба не пронашла никакви отпечатоци од прсти на кесичката со кокаин иако побарала помош од ФБИ. Потоа, уште позачудувачки е тоа што, во комплексот преполн со безбедносни камери, Тајната служба рече дека не постои видео снимка од надзор бидејќи торбата се наоѓала на „слепа точка“.
– Не ми е гајле дали тоа беше слепа точка со шест нозе. Можам да ви кажам кој влезе во него и кој излезе од тој простор. Значи, целиот аргумент на слепа точка е лажен – го коментира случајот за Њујорк Пост поранешен началник во њујоршката полиција, Берни Керик.
Знаете бе вие колку камери имаат во Белата куќа?!
Доналд Трамп, кој е повеќе запознаен со Белата куќа од повеќето луѓе, во неделата за Фокс њуз изјави:
– Знаете ли колку камери имаат спроти влезната врата на собата за ситуации? Тоа е местото каде што одлучувате за војна, каде што одлучувате за нуклеарно оружје.
Дури и поранешниот федерален обвинител на Русијагејт, Ендрју Вајсман, вели дека истрагата е шега, а не го вперува прстот ниту кон Бајден, туку кон полицијата.
– Вие интервјуирате луѓе. Но, знаете што не правите пред да интервјуирате луѓе? Јавно кажете дека немате докази за ДНК и отпечатоци од прсти. Инаку зошто би му дозволиле на целиот свет да го знае тоа ако потоа ќе интервјуирате луѓе? Подобро луѓето да мислат дека можеби имате докази – рече тој за Ем-Ес-Ен-Би-Си.
Џо и Бајден сепак биле внатре во куќата тој ден?
Како што мистеријата се одолговлекуваше во втората недела, портпаролката на Белата куќа, Карин Жан-Пјер одби да отфрли дека кокаинот припаѓал на член на семејството Бајден и го критикуваше прашањето како „неверојатно неодговорно“.
Таа, исто така, лажно тврдеше дека претседателот и неговиот син не биле во Белата куќа два дена пред да биде пронајден кокаинот.
– Тие не беа тука во петокот. Тие не беа тука во саботата. Не беа тука во неделата. Тие не беа тука ни во понеделникот.
Но, според ЊујоркПост, Џо и неговиот син Хантер навистина беа во Белата куќа во петокот, 5 јули, до 18:34 часот, кога со авион полетаа на долг викенд во Кемп Дејвид. Премногу непознаници.
„Бајден има историја на фини односи со Тајната служба на САД. Од пукнатината што ја остави во автомобил за изнајмување во Аризона до неговиот пиштол фрлен во корпа за отпадоци од неговата поранешна љубовница Хали Бајден, Тајната служба секогаш изгледаше како да пристигнува за да чисти по него“, пишува ЊујоркПост во статијата.
Најмалата казна за поседување кокаин во државата Вашингтон е 180 денови затвор.
ДЕФИНИТИВНО Е КОКАИН Детектирана е супстанцијата пронајдена во Белата куќа