СО КЛОЦИ И СО БОКСОВИ СИ ГО УБИЛ БЕБЕТО Скопјанец ќе помине 20 години зад решетки

Две децении зад решетки ќе помине скопјанецот Суад Бајрам (45) кој беше обвинет дека го уби тримесечното бебе кое почина како последица на добиените повреди и крварење во мозокот.

Прогласен е за виновен за делото „убиство при вршење на семејно насилство“, откако призна вина, жалење и каење пред судиите во Основниот Кривичен суд Скопје, пренесува МКД.

Притоа, како што објави порталот, тој негодувал на висината на казната, бидејќи, како што рекол во судницата, сега нема кој да се грижи за останатите три малолетни деца, па се надевал дека ќе добие помала казна од барем 15 години.