СО АВТОМОБИЛ УДРИЛ ПЕШАК ВО СКОПЈЕ, ПА ПОБЕГНАЛ Повредениот завршил во болница
МВР соопшти дека на улицата „Борис Трајковски“ во Скопје, во близина на крстосницата со улица Саса, возач удрил во 28-годишен пешак од село Страхојадица и побегнал од местото на несреќата.
Пешак се здобил со тешки повреди и завршил во болница откако автомобил удрил во него на улицата Борис Трајковски во Скопје, по што возачот избегал од местото на несреќата.
„На 3 април 2025 година, во 22 часот во СВР Скопје, било пријавено дека околу 18.15 часот на ул. Борис Трајковски, во близина на крстосница со улица Саса во Скопје, патничко возило удрило во 28-годишниот пешак С.М. од село Страхојадица, Скопско, по што возачот со возилото го напуштил местото на настанот“, соопшти МВР.
Можеби ќе ве интересира
Во несреќата со тешки телесни повреди се здобил пешакот, констатирани во Градската општа болница „Св. Наум Охридски“.
Извршен бил увид од увидна екипа од СВР Скопје и се преземаат мерки за расчистување на случајот.