СО 2,5 МИЛИОНИ ЕВРА ЈА РАЗУБАВУВАЛ ГАЗИ БАБА Поранешниот градоначалник плаќал новинари и режисер

Портпаролот на ВМРО-ДПМНЕ, Наум Стоилковски, на денешнара прес-конференција презентираше документи поднесени уште во јуни до ДКСК од општина Гази Баба, со пресметки за исплатени над 2,5 милиони денари за фиктивни договори само за една година 2020-2021, односно до локалните изборите.

Тој додаде дека со потпис на поранешниот градоначалник од СДСМ Борис Геогиевски, само за ангажирање на четири лица коишто во општината немаат поднесено ниту еден извештај за завршена работа, се дадени над два милиони денари, преку повеќемесечни договори.

– Најмногу, над еден милион денари се исплатени на Бојан Кордалов, редовен аналитичар на медиумите за социјални мрежи, како и координатор на Институтот за добро управување и евроатлантски перспективи. Тука е и Љубиша Станковиќ новинар познат како советник во премиерскиот кабинет на СДС истовремено додека беше и новинар на национална телевизија, за една година му се исплатени над 347 илјади денари од општина Гази Баба. Исто толку се исплатени и на Санта Аргирова, уште едно звучно новинарско име, додека на  Томислав Живковиќ, режисер, се исплатени околу 278 илјади денари. Вкупно, над два милиони денари општински пари исплатени на новинари, режисер и експерт за социјални мрежи – истакна Стоилковски.