СНИМКА ОД ПАДОТ НА САТЕЛИТИТЕ НА МАСК Ги урнала геомагнетна сончева бура

Геомагнетната бура во вселената која предизвика да се урнат 40 сателити од компанијата „Старлинк“ на Илон Маск конечно е снимена во триминутно видео на Јујтуб. Некои од сателитите се спуштија доволно ниско за да изгорат во атмосферата на Земјата, приредувајќи драматичен спектакл, пишува Футуризам. Тие биле втурнати во бурата пред да имаат шанса да се сместат во орбитата, односно биле негде во пониските региони.

#doge#dogecoin
Not long ago, Musk’s SpaceX Starlink satellites suffered heavy losses. The 40 Starlink satellites just launched fell collectively due to the influence of geomagnetic storms, like an expensive meteor shower, lighting up Puerto Rico’s night sky pic.twitter.com/ieuCPlif2o

— 王莉莉 (@wanglili152) February 9, 2022

„СпејсИкс ги распоредува своите сателити во овие пониски орбити, така што во самиот случај, секој сателит кој не го поминал почетниот систем за проверка, брзо ќе биде исфрлен од орбитата од (какви било) атмосферски сили”, напишале од компанијата на својот сајт каде постојано ги ажурираат податоците.

Геомагнетните бури ги создава нашето Сонце. Тие се дел од соларните ветрови полни радијација од кои нѐ штити атмосферата на нашата планета. Кога сте надвор од атмосферата, изложени сте на нив. Но, тоа нема да го спречи Маск да ја продолжи својата мисија преку илјадиници сателити да доставува брз Интернет во светот.

Сателитите тешки стотици килограми „претставуваат ризик за нула судир со други сателити”, велат од компанијата. За среќа, тие целосно согоруваат во орбитата, „не се создава (вселенско) ѓубре и ниеден од сателитите не паѓа на земјата”.

Од „СпејсИкс“ успеаа успешно да лансираат повеќе од 1.800 „Старлинк“ сателити досега. Ова неуспешно лансирање беше трето годинава, но компанијата има дозвола да лансира уште десетици илјади од нив. Тоа може да буквално да го загади небото над Земјата и да им создаде проблеми со видливост на астрономите.

Следното лансирање на нови сателити е закажано за подоцна во февруари.