Снимка на полицаец од БиХ кој зборува со мигранти на англиски и арапски стана хит (ВИДЕО)

Најлошата состојба кога станува збор за мигрантската криза моментално е во Босанска Крајина каде се сместени неколку илјади мигранти и секој ден се обидуваат да ја минат границата меѓу БиХ и Хрватска со цел да го продолжат патот кон западна Европа.

Жителите на Велика Кладуша организираа и протест за да им испратат порака на властите во БиХ што поскоро да превземат нешто, затоа што нивното трпение е пред крај.

На социјалните мрежи се појави видео во кое полицаец се обидува на мигрантите да им објасни што ќе им се случи доколку прават проблеми во Крајина. Тој се обидува да оствари комуникација со нив на сите начини, мешајќи англиски, арапски и босански јазик.

– Ако дојде толпата, ќе биде џихад… Прво нас police, Bosnian people, трррр, пушка танџара, трррр. Џеназа, веднаш мерхум јас, мене, тебе, него. Камп Мирал, Бира, Липа запалени, оган – објаснува полицаецот и го прашува колегата како на англиски се вели оган па продолжува: „Fire, bum, Bosnian people“.

Видеото стана вирално, а луѓето во коментарите се поделени.

Pripadnici MUP-a USK u napuštenoj fabrici u Velikoj Kladuši, u zgradi zvanoj “Dimnjak” zatekli su nekoliko migranat. Pogledajte kako je protekla situacija. pic.twitter.com/P5mHRZrlGc

— TV N1 Sarajevo (@N1infoSA) August 22, 2020

– Хаха, пушка танџара, никој како нас Босанците.

– Кој крал, легенда.

– Боже како ме насмеаа, пишуваа оние кои овој начин на комуникација предизвикал насевка кај нив.

Другите пак се воодушевени што полицаецот се труди на сите начини да им објасни на мигрантите за ситуацијата во која се наоѓаат.

– На страна се, човекот е реален и се обидува да им помогне, па тука нема ништо смешно, а тој што не знае англиски е друга работа.

– Овој полицаец барем се обидува, како знае и умее, се само некои од коментарите.