СМРТТА НА РАХИМОВСКИ ЈА ШОКИРАШЕ МАКЕДОНСКАТА ЕСТРАДА „Поздрави го Тоше“, „Со Аки сум се родил, со Аки ќе си умрам“ (ФОТО)
Инаку, Аки Рахимовски утрово планирал патување во Македонија и посета на мајка си. Тој телефонски разговарал со пријателот Здравко Ситновски во Скопје и се договорил да го пречека на аеродромот во Македонија, пишува Вечерњи.хр.
Пејачот на групата „Парни Ваљак“, Аки Рахимовски почина денеска на 66-годишна возраст. Ненајдената смрт на Аки ги растежи неговите пријатели и обожаватели од цел регион.
Ова се дел од јавните личности кај нас кои со емотивни пораки за последен пат се простија од легендарниот Аки, кој позади себе остави огромен број на хитови кои вечно ќе се пеат.
View this post on Instagram
„Аки мој… Не верувам… Не сакам да верувам…“, напиша Калиопи.
View this post on Instagram
„Со Аки сум се родил, со Аки ќе си умрам…“, вели Игор Џамбазов.
„Аки, почивај во мир кралу… Фала ти за пријателството, убавите моменти, легендарните песни и концерти… Вечна музика. Вечен си и ти. Rock royalty & Music History. Искрено сочуство до семејството и бендот“, напиша Диран Тавитјан.
„Нашиот Аки го нема веќе. Но, затоа неговите безвременски песни ќе останат засекогаш. Слава му…“, се простуваат Драган Спасов Дац и Александар Митевски.
„Со Аки случајно се сретнавме летото 2018 година, веднаш после неговиот инфаркт. И тогаш разговаравме колку всушност малку успешни скопјани имаме низ светот. Во тој разговор, се роди идеата да Аки додека е жив пее за дочек на Нова Година во своето Скопје. И така всушност се договори Парни Ваљак да свири на пречекот на Новата 2018/2019 година. Прекрасен концерт, Аки во топ форма пееше во своето Скопје. Патувај мајсторе“, вели Петре Шилегов во својата објава.
„Почивај во мир драг Аки“, кратко напиша Каролина Гочева.
„Дента беа заедно во „Вртелешка“, па отидоа на тонска за Бубамара (Златна Бубамара на популарноста). Каков прекрасен лик беше Аки, горд на своето детство низ скопските маала. Нека ти е светол патот, поздрави го Тоше“, напиша Весна Петрушевска.
Инаку, Аки Рахимовски утрово планирал патување во Македонија и посета на мајка си.
Тој телефонски разговарал со пријателот Здравко Ситновски во Скопје и се договорил да го пречека на аеродромот во Македонија, пишува „Вечерњи.хр“.
Рахимовски неколку минути пред смртта му се јавил и на познатиот клавијатурист на некогашниот бенд Тајм, Тихомир Поп Асановиќ, со кој е во постојан контакт, но Асановиќ немал мобилен телефон со себе и дури подоцна видел пропуштен повик од пријателот. Тажната вест го шокирала и него, бидејќи, како што рекол, имале многу заеднички планови.