Словенија планира да прогласи крај на епидемијата на коронавирусот на 31 мај

393

Словенечкиот премиер Јанез Јанша од Собранието порача дека земјата најверојатно на 31 мај ќе прогласи крај на епидемијата со коронавирусот, јави дописникот на МИА од Љубљана.

Според Јанша, ова нема да се случи единствено ако има неочекувано влошување на ситуацијата, односно ако се појават голем број новозаразени.






– Словенија за точно два месеца успеа да ја совлада епидемијата и моментално има најдобра епидемиолошка слика во Европа, а тое е услов да прогласиме крај на епидемијата на коронавирусот. Датумот 31 мај е одбран бидејќи тогаш завршува и поддршката предвидена со двата закона во помош на граѓаните и економијата погодена од глобалната пандемија – изјави Јанша.

Премиерот, сепак, кажа и дека опасноста од втор бран е реална и дека земјата влегува во нова фаза во долгата борба со заразата. Јанша потврди и дека по прогласувањето на крај на епидемијата, заштитните превентивни мерки ќе останат.

 

Поврзани содржини