Словенија го практикува јужнокорејскиот модел и тестира над 1.000 луѓе дневно

Постојат три главни работи поради кои Словенија добро се бори против коронавирусот, имајќи предвид дека оваа земја граничи со Италија која во моментов е главно жариште на Ковид-19.

Првата работа е тоа што Словенците се однесуваат прилично дисциплинирано и ги почитуваат мерките на Владата. Втората работа е што го практикуваат јужнокорејскиот модел да се тестираат до 1.000 луѓе дневно, па таму досега се тестирани над 30.000 лица.

И третата работа е самоизолацијата. Луѓето се чуваат, не излегуваат надвор и искрено се надеваат дека само на тој начин ќе помине кризата со епидемијата и дека животите ќе им се вратат во нормала.